ព័ត៌មានអន្ដរជាតិ
កិច្ចព្រមព្រៀងនាវាមុជទឹកថ្មី អាចទាញអង់គ្លេស ឲ្យធ្លាក់ចូលសង្គ្រាម បើ ចិន ឈ្លានពាន តៃវ៉ាន់
កិច្ចព្រមព្រៀងនាវាមុជទឹកនុយក្លេអ៊ែររបស់លោក Boris Johnson ជាមួយអាមេរិកនិងអូស្ត្រាលី បានបង្កើនការភ័យខ្លាចថា ចក្រភពអង់គ្លេសអាចត្រូវបានទាញចូលទៅក្នុងសង្គ្រាម ប្រសិនបើចិនឈ្លានពានកោះតៃវ៉ាន់។
កាលពីម្សិលមិញ លោកត្រូវបានគេសាកសួរអំពី សម្ព័ន្ធភាពកងទ័ពជើងទឹកថ្មីដែលត្រូវបានគេដាក់ឈ្មោះថា Aukus។
អតីតនាយករដ្ឋមន្រ្តីអង់គ្លេសលោកស្រី Theresa May បានសាកសួរអ្នកស្នងតំណែងរបស់លោកស្រីថាតើ នឹងមានអ្វីកើតឡើងប្រសិនបើចិនឈ្លានពានកោះតៃវ៉ាន់។
លោកស្រីបាននិយាយថា “តើកិច្ចព្រមព្រៀងនេះមានផលប៉ះពាល់អ្វីខ្លះចំពោះគោលជំហរដែលនឹងត្រូវប្រកាន់យកដោយចក្រភពអង់គ្លេស ក្នុងការឆ្លើយតបរបស់ខ្លួនប្រសិនបើចិនព្យាយាមឈ្លានពានតៃវ៉ាន់?”។
លោកនាយករដ្ឋមន្រ្តី Johnson បាននិយាយថា វាជាការងាររបស់ចក្រភពអង់គ្លេសក្នុងការការពារច្បាប់អន្តរជាតិ។
ចក្រភពអង់គ្លេសនៅតែប្តេជ្ញាការពារច្បាប់អន្តរជាតិ ហើយនោះគឺជាដំបូន្មានដ៏រឹងមាំដែលយើងនឹងផ្តល់ដល់មិត្តភក្តិរបស់យើងនៅទូទាំងពិភពលោក និងដំបូន្មានដ៏រឹងមាំដែលយើងនឹងផ្តល់ដល់រដ្ឋាភិបាលនៅទីក្រុងប៉េកាំង។
លោកបន្តថា កិច្ចព្រមព្រៀងការពារជាតិថ្មីរបស់អង់គ្លេសនឹងការពារសន្តិសុខជុំវិញពិភពលោក និងធានាស្ថិរភាពនៅក្នុងតំបន់ឥណ្ឌូ-ប៉ាស៊ីហ្វិក។
ទន្ទឹមនឹងនេះ ទីប្រឹក្សាសន្តិសុខជាតិរបស់លោក បានសាទរចំពោះកិច្ចសហប្រតិបត្តិការរវាងប្រទេសទាំង៣ថា ជាការបង្កើត “ចំណងដែលមិនអាចរំលាយបាន”។
លោក Sir Stephen Lovegrove លើកឡើងថា កិច្ចព្រមព្រៀងនេះ បានបង្ហាញពីការផ្លាស់ប្តូរយុទ្ធសាស្ត្រយ៉ាងជ្រាលជ្រៅ និងស្វាគមន៍អូស្ត្រាលីក្លាយជាមហាអំណាចនុយក្លេអ៊ែរទី៧។
ចក្រភពអង់គ្លេស អាមេរិកនិងអូស្រ្តាលី បានយល់ព្រមសហការគ្នាក្នុងការអភិវឌ្ឍន៍ កងនាវាចរដើរដោយថាមពលនុយក្លេអ៊ែរលើកដំបូង សម្រាប់កងទ័ពជើងទឹកអូស្ត្រាលីនៅក្នុងកិច្ចព្រមព្រៀងនេះ។
គួរបញ្ជាក់ថា លោក Johnson បានជួបជាមួយសមភាគីអូស្ត្រាលីលោក Scott Morrison និងប្រធានាធិបតីអាមេរិកលោក Joe Biden នៅឯកិច្ចប្រជុំកំពូល G7 ក្នុងទីក្រុង Cornwall កាលពីខែមិថុនា។
ចំណាត់ការនេះ បានបង្កកំហឹងដល់ប្រទេសមួយចំនួនរួមទាំងចិនផងដែរ ដោយសារហេតុផលយុទ្ធសាស្ត្រ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ចិន ថ្កោលទោសកិច្ចព្រមព្រៀង នាវាមុជទឹកនុយក្លេអ៊ែរ អូ ស្ត្រាលី-អាមេរិក
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore