ព័ត៌មានអន្ដរជាតិ
ចិន បង្កើតវ៉ាក់សាំងថ្មី កម្ចាត់ Delta
វ៉ាក់សាំងរួមបញ្ចូលប្រូតេអ៊ីនការពារជំងឺកូវីដ-១៩ ជាពិសេសកម្ចាត់វីរុសបំប្លែងខ្លួន Delta ដែលបង្កើតឡើងដោយសាកលវិទ្យាល័យ ស៊ីឈួន ភាគនិរតីប្រទេសចិន បានឈានដល់ការសាកល្បងគ្លីនិក នៅប្រទេសជប៉ុន។ នេះគឺជាលើកទីមួយហើយ ដែលវ៉ាក់សាំងផលិតដោយប្រទេសចិន នឹងត្រូវឆ្លងកាត់ការធ្វើតេស្តគ្លីនិកនៅទីនោះ។
រហូតមកដល់ពេលនេះ មនុស្សដែលមានសុខភាពល្អចំនួន២៤០នាក់ បានទទួលវ៉ាក់សាំងដែលត្រូវបានបង្កើតឡើងដោយមន្ទីរពេទ្យ West China នៅសាកលវិទ្យាល័យ ស៊ីឈួន កាលពីខែមេសាឆ្នាំមុន។
លោក Wei Yuquan នាយកមន្ទីរពិសោធន៍ព្យាបាលជីវសាស្រ្តជាតិនៅមន្ទីរពេទ្យ West China នៃសាកលវិទ្យាល័យ ស៊ីឈួន បានប្រាប់ CGTN ក្នុងបទសម្ភាសន៍ផ្តាច់មុខថា “យើងបានរក្សាទំនាក់ទំនងយ៉ាងជិតស្និទ្ធជាមួយសមភាគីជប៉ុនរបស់យើង ទៅលើថាតើ វ៉ាក់សាំងទាំងនោះមានផលប៉ះពាល់ឬអត់ ឬមានបញ្ហានៃការធ្វើតេស្តភាពស៊ាំដែរឬទេ។ នៅពេលនេះ យើងមិនបានឃើញប្រតិកម្មអវិជ្ជមានគួរឲ្យកត់សម្គាល់អ្វីឡើយ”។
វ៉ាក់សាំងនេះ ទទួលបានការយល់ព្រមពីទីភ្នាក់ងារឱសថនិងឧបករណ៍វេជ្ជសាស្ត្រជប៉ុន នៅពាក់កណ្តាលខែសីហា។ វាត្រូវបានផលិតចេញពីប្រូតេអ៊ីនដែលផ្សំឡើងពីកោសិកាសត្វល្អិត ដែលគេស្គាល់ថា sf9។ បច្ចេកវិទ្យានេះ ត្រូវបានគេជឿជាក់ថា ជាមធ្យោបាយមួយដែលមានសុវត្ថិភាពបំផុតក្នុងការផលិតវ៉ាក់សាំង។
ក្រុមអ្នកស្រាវជ្រាវជឿជាក់ថា ហានិភ័យនៃប្រតិកម្មមិនល្អគឺមានតិចតួចបំផុត ព្រោះថា បច្ចេកវិទ្យានេះត្រូវបានប្រើរួចហើយនៅក្នុងវ៉ាក់សាំងដទៃទៀត។ ក្រុមហ៊ុននានាដូចជា Sanofi ជាដើម បានអនុវត្តវាដើម្បីបង្កើតវ៉ាក់សាំងការពារជំងឺផ្តាសាយ។ វាក៏អាចត្រូវបានប្រើ ដើម្បីផលិតវ៉ាក់សាំងការពារជំងឺមហារីកមាត់ស្បូនផងដែរ។
វ៉ាក់សាំងរួមបញ្ចូលប្រូតេអ៊ីន អាចត្រូវបានផលិតយ៉ាងច្រើនក្នុងរយៈពេលខ្លី។ វាងាយស្រួលក្នុងការគ្រប់គ្រងគុណភាព និងកម្ចាត់មេរោគ។ ក្រៅពីនេះ វាក៏មានកម្រិតអង់ទីគ័រខ្ពស់ ហើយសុវត្ថិភាពរបស់វាអាចត្រូវបានធានាផងដែរ។
ក្រុមហ៊ុនផលិតវ៉ាក់សាំងនេះគឺមានឈ្មោះ WestVac Biopharma ហើយមានទីតាំងនៅទីក្រុង Chengdu។ វាជាកម្មសិទ្ធិរួមគ្នាជាមួយមន្ទីរពេទ្យ West China នៃសាកលវិទ្យាល័យស៊ីឈួន និងវិនិយោគិនមួយចំនួនទៀត។
វ៉ាក់សាំងនេះបានបញ្ចប់ដំណាក់កាលទី ១ និងទី ២ នៃការសាកល្បងគ្លីនិកក្នុងប្រទេសមួយចំនួន។ ក្រៅពីការសាកល្បងគ្លីនិកនៅប្រទេសជប៉ុន ក្រុមហ៊ុនក៏បានធ្វើការពិសោធន៍នៅប្រទេសមួយចំនួនដូចជាហ្វីលីពីន ឥណ្ឌូណេស៊ី កេនយ៉ានិងម៉ិកស៊ិកផងដែរ៕
ប្រែសម្រួល៖ Vann Vann
ប្រភព៖ CGTN
ចុចអាន៖ វេបសាយ ចិន ចុះផ្សាយថា ភ្នំពេញ ជារាជធានីមានអ្នកចាក់វ៉ាក់សាំងកូវីដ ច្រើនបំផុតលើពិភពលោក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ