ព័ត៌មានអន្ដរជាតិ

បក្សលោក ពូទីន ទំនងឈ្នះសំឡេងភាគច្រើនក្នុងការបោះឆ្នោតសភា

បានផុស

៣ years មុន

នៅ

ថ្ងៃចន្ទ ២០ កញ្ញា ២០២១

ដោយ

គណបក្សរួបរួមរុស្ស៊ីរបស់លោកប្រធានាធិបតី វ្លាឌីមៀរ ពូទីន ទំនងជាទទួលបានសំឡេងគាំទ្រភាគច្រើនក្នុងការបោះឆ្នោតសភា ខណៈការបោះឆ្នោតត្រូវបានចោទប្រកាន់ពីការក្លែងបន្លំ។

អ្នករិះគន់សំឡេងភាគច្រើននៅវិមានក្រឹមឡាំងត្រូវបានហាមក្នុងការឈរបោះឆ្នោត ហើយមានរបាយការណ៍ជាច្រើនពីការបង្ខិតបង្ខំ។ ទោះជាយ៉ាងណា គណកម្មការរៀបចំការបោះឆ្នោតបានច្រានចោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសំណំលទ្ធផលបឋម គណកម្មការរៀបចំការបោះឆ្នោតបាននិយាយថា ការរាប់សន្លឹកឆ្នោតទើបបានតែ៣៣%ប៉ុណ្ណោះ ខណៈគណបក្សរួបរួមរុស្ស៊ីទទួលបានសំឡេងឆ្នោតជាង៤៥%ហើយ។

ការស្ទង់មតិមួយរៀបចំដោយ Insomar និងបានផ្សាយដោយទីភ្នាក់ងារសារព័ត៌មាន Ria របស់រុស្ស៊ីបានព្យាករថា គណបក្សនេះអាចនឹងទទួលបានសំឡេងគាំទ្រច្រើនជាង៤៥%។

កាលពីល្ងាចថ្ងៃអាទិត្យ គណបក្សរួបរួមរុស្ស៊ីបានអះអាងពីជ័យជម្នះ ប៉ុន្មានម៉ោង បន្ទាប់ពីមណ្ឌលបោះឆ្នោតត្រូវបានបិទ។ ទូរទស្សន៍រដ្ឋមួយបានផ្សាយដោយបង្ហាញពីមន្ត្រីគណបក្សរួបរួមរុស្ស៊ីជាន់ខ្ពស់ម្នាក់គឺលោក Andrei Turchak បានកំពុងអបអរសាទរជាមួយហ្វូងអ្នកគាំទ្រមួយកន្លែងនៅទីក្រុងមូស្គូតាមអ្វីដែលលោកបានចាត់ទុកថាជាជ័យជម្នះស្អាតស្អំ និងស្មោះត្រង់។

លទ្ធផលមួយផ្នែកបង្ហាញថា ទោះជាគណបក្សរបស់លោក ពូទីន ទទួលបានសំឡេងភាគច្រើនយ៉ាងស្រួលនៅរដ្ឋសភា ក៏បក្សនេះបានបាត់បង់សំឡេងគាំទ្រប្រហែលជា១ភាគ៥។ កាលពីឆ្នាំ២០១៦ គណបក្សរួបរួមរុស្ស៊ីឈ្នះឆ្នោត៥៤%។