ព័ត៌មានអន្ដរជាតិ
ឥណ្ឌា ប្រាប់ពេលវេលាផ្ដល់វ៉ាក់សាំងកូវីដឡើងវិញ ក្រោយផ្អាកនាំចេញកន្លះឆ្នាំ
ប្រទេសឥណ្ឌានឹងបន្តនាំចេញវ៉ាក់សាំងការពារជំងឺកូវីដ ១៩ នៅចុងឆ្នាំនេះ បន្ទាប់ពីផ្អាកការដឹកជញ្ជូននៅខែមេសា ដោយសារករណីឆ្លងបានកើនឡើងនៅក្នុងប្រទេស ។
មុនពេលបញ្ឈប់ការដឹកជញ្ជូននេះ ឥណ្ឌាដែលជាអ្នកផ្គត់ផ្គង់វ៉ាក់សាំងធំបំផុតមួយនៅលើពិភពលោកក៏បានផ្តល់ ឬនាំចេញវ៉ាក់សាំង Astrazeneca ដែលផលិតក្នុងស្រុកទៅប្រទេសដទៃទៀតមួយចំនួនហើយផងដែរ ។
ការផ្អាកនេះកើតឡើង នៅពេលប្រទេសឥណ្ឌាបានឃើញពីករណីឆ្លងថ្មីជាង ៤០ ម៉ឺនករណីក្នុងមួយថ្ងៃនៅដើមខែឧសភា ។ ប៉ុន្តែតួលេខប្រចាំថ្ងៃថ្មីៗនេះបានធ្លាក់ចុះមកនៅប្រហែល ៣ ម៉ឺនករណីប៉ុណ្ណោះ ។
ទន្ទឹមនោះ រដ្ឋមន្រ្តីក្រសួងសុខាភិបាលលោក Mansukh Mandaviya បានប្រកាសកាលពីថ្ងៃចន្ទថា ផែនការបន្តការនាំចេញវ៉ាក់សាំងនឹងធ្វើឡើងនៅត្រីមាសខែតុលាដល់ខែធ្នូ ។
លោកបាននិយាយថា ចំនួនផលិតវ៉ាក់សាំងប្រចាំខែរបស់ប្រទេសនេះគ្រោងនឹងឈានដល់ ៣០០ លានដូសនៅខែក្រោយ ។
ការផ្អាករបស់ឥណ្ឌាបានធ្វើឲ្យប៉ះពាល់យ៉ាងធ្ងន់ធ្ងរដល់ការចាក់វ៉ាក់សាំងជាសកល ព្រោះប្រទេសនេះត្រូវបានគេសន្មត់ថា ផ្តល់ការផ្គត់ផ្គង់វ៉ាក់សាំងសម្រាប់យន្តការ COVAX ប្រមាណ ៧០ ភាគរយនៅឆមាសទីមួយនៃឆ្នាំនេះ ។
ជាចុងក្រោយ រដ្ឋាភិបាលឥណ្ឌាមិនទាន់និយាយជាក់លាក់អំពីព័ត៌មានលម្អិតណាមួយនោះទេ និងថាតើនឹងផ្គត់ផ្គង់ប៉ុន្មានដូស ប៉ុន្តែរដ្ឋាភិបាលនិយាយថា ពួកគេនឹងបំពេញការទទួលខុសត្រូវរបស់ខ្លួនចំពោះយន្តការ COVAX ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ប្រជាជន ឥណ្ឌា រាប់ម៉ឺននាក់ប្រមូលផ្តុំគ្នាអបអរពិធីបុណ្យសាសនា មិនរាងចាលនឹងកូវីដ (វីដេអូ)
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?