Connect with us

ព័ត៌មានអន្ដរជាតិ

ហេតុអ្វីវ៉ាក់សាំងបង្ការកូវីដ-១៩ ពុំមានប្រសិទ្ធភាពរយៈពេលយូរ?

បានផុស

នៅ

យុទ្ធនាការចាក់វ៉ាក់សាំងដូសជំរុញ ​កំពុងដំណើរការតាមបណ្ដាប្រទេសមួយចំនួនលើលោក ខណៈសាធារណជនក៏កំពុងកើតចម្ងល់ថា ហេតុអ្វីបានជាវ៉ាក់សាំងការពារជំងឺកូវីដ-១៩ មិនអាចបន្តរយៈពេលយូរ ឬពេញមួយជីវិត ហើយតម្រូវឱ្យចាក់ដូសបន្ថែម?

Covid-19
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ន ការចាក់វ៉ាក់សាំងដូសជំរុញ បានធ្វើឡើងបន្ទាប់ពីចាក់ដូសមូលដ្ឋានបាន ៦ខែ ឬ ៨ខែ ក្នុងគោលបំណងបង្កើនការការពារដល់សុខភាពពីវីរុសកូវីដគ្រប់ប្រភេទ និងពង្រឹងប្រព័ន្ធភាពស៊ាំឱ្យកាន់តែមាំទាំទ្វេគុណ។

កាសែត The Wall Street Journal បានដកស្រង់សម្ដីអ្នកស្រាវជ្រាវនៅសាកលវិទ្យាល័យ Imperial College London លោកស្រី Jo Craven McGinty ថា មូលហេតុដែលតម្រូវឱ្យមានការចាក់វ៉ាក់សាំងដូសជំរុញ​ ឬបន្តចាក់ជារៀងរាល់ឆ្នាំ ព្រោះវ៉ាក់សាំងបច្ចុប្បន្នអាចការពារបានល្អតែចំពោះប្រព័ន្ធផ្លូវដង្ហើមផ្នែកខាងក្រោម (សួត) រីឯវ៉ាក់សាំងបន្ថែមអាចផ្តោតលើការពង្រឹងប្រព័ន្ធភាពស៊ាំនៅផ្នែកខាងលើ (ច្រមុះ)។

ចំពោះគោលដៅនៃការចាក់វ៉ាក់សាំងដដែលៗបែបនេះ គឺដើម្បីផ្តល់នូវការការពារមិនឱ្យឆ្លងមេរោគ បង្ការហានិភ័យនៃជំងឺធ្ងន់ធ្ងរ ឬអត្រាស្លាប់ឱ្យនៅទាប។

Vietnam to receive 5 mln Covid-19 vaccine doses in February - VnExpress  International

លោក Rustom Antia សាស្រ្តាចារ្យជីវវិទ្យានៅឯសាកលវិទ្យាល័យ Emory ជាអ្នកសិក្សាពីការឆ្លើយតបនៃប្រព័ន្ធភាពស៊ាំ មានប្រសាសន៍ថា “វ៉ាក់សាំងដែលមានគុណភាពល្អអាចការពារមនុស្សមិនឆ្លងមេរោគ បើទោះបីជាពួកគេត្រូវបានប៉ះពាល់នឹងវីរុសក៏ដោយ ប៉ុន្តែមិនមែនវ៉ាក់សាំងទាំងអស់សុទ្ធតែល្អ ១០០ភាគរយឡើយ”។

មិនថាចាក់វ៉ាក់សាំងដូសទី១ ទី២ ឬទី៣ វាសុទ្ធអាចជួយឱ្យរាងកាយមានប្រព័ន្ធការពារចំនួនបីរួមមាន ការពារពេញលេញប្រឆាំងនឹងការឆ្លង ការពារប្រឆាំងនឹងជំងឺធ្ងន់ធ្ងរ និងការពារករណីស្លាប់ ។

ចំណែក ប្រសិទ្ធភាពខ្លាំងឬខ្សោយ អាស្រ័យទៅលើទំហំនៃការឆ្លើយតបរបស់ប្រព័ន្ធភាពស៊ាំដែលវ៉ាក់សាំងបង្កើត ហើយអង់ទីគ័រការពារបានយូរប៉ុនណាមិនអាចធានានោះទេ ព្រោះទាំងវីរុស ឬបាក់តេរីសុទ្ធតែផ្លាស់ប្តូរតាមស្ថានភាពផ្សេងៗគ្នាមិនឈប់។

ត្បិតថា ក្នុងប្រវត្តិសាស្ត្រធ្លាប់មានវ៉ាក់សាំងការពារពេញមួយជីវិតក្ដី ប៉ុន្តែមិនមែនវ៉ាក់សាំងទាំងអស់នោះទេ។ តួយ៉ាង វ៉ាក់សាំងផ្ដាសាយ ក៏មានប្រសិទ្ធភាពត្រឹមតែ ៦ខែដែរ ព្រោះវីរុសបង្កជំងឺផ្ដាសាយតែងតែប្រែប្រួលតាមអាកាសធាតុ រាងកាយមនុស្ស និងតំបន់នានា។ ដោយឡែក ចំពោះវ៉ាក់សាំងការពារកូវីដក៏មិនខុសគ្នាប៉ុន្មានដែរ វាបានបំប្លែងខ្លួនជាច្រើនប្រភេទ រហូតមានវីរុសបំប្លែងខ្លួនខ្លះអាចបង្កើតភាពស៊ាំគេចពីការឆ្លើយតបនៃកងការពាររបស់វ៉ាក់សាំង។ ប្រការនេះនាំឱ្យវ៉ាក់សាំងបច្ចុប្បន្ន ស្មុគស្មាញធ្វើការជាទីបំផុត។

How an Ecosystem Approach Can Ensure Safe Vaccine Testing & Management

វ៉ាក់សាំងភាគច្រើនទំនងជាមិនអាចបង្កើតកងការពារយូរអង្វែងទប់ទល់ការឆ្លងមេរោគផ្លូវដង្ហើម ហើយកងការពាអាចមានរយៈពេលមិននកំណត់ អាស្រ័យទៅលើការផ្លាស់ប្តូនៃវីរុស។ មួយវិញទៀត វ៉ាក់សាំងនឹងអស់ប្រសិទ្ធភាពលឿនឬឆាប់ គឺអាស្រ័យលើបច្ចេកវិទ្យាដែលយកមកផលិតវាផងដែរ។

លោក Mark Slifka សាស្រ្តាចារ្យនៅសាកលវិទ្យាល័យសុខភាពនិងវិទ្យាសាស្ត្រ Oregon មានប្រសាសន៍ថា ខ្លួនប្រាណមនុស្សមានចរន្តឈាមរត់បានល្អនៅក្នុងសួត និងរាងកាយ ប៉ុន្តែមិនមែននៅលើផ្ទៃនៃរន្ធច្រមុះទេ។ វាអាចទប់ស្កាត់ជំងឺធ្ងន់ធ្ងរ ព្រោះមានអង់ទីគ័រនៅផ្នែកខាងក្នុងផ្លូវដង្ហើមខាងក្រោម។ ប៉ុន្តែហានិភ័យនៃការឆ្លងមេរោគនៅក្នុងផ្លូវដង្ហើមខាងលើអាចបន្តកើតមាន។ ដូច្នេះ ទើបវ៉ាក់សាំងត្រូវការអភិវឌ្ឍបន្ថែម ឬតម្រូវឱ្យចាក់ដូសជំរុញនេះឯង ដើម្បីការពារប្រព័ន្ធផ្លូវដង្ហើមទាំងស្រុង៕

ប្រែសម្រួល៖ សន្យា

ប្រភព៖ biznews

ចុចអាន៖ វ៉ាក់​សាំង​ J&J​ ដូស​បន្ថែម (ដូស​ទី២)​ មាន​ប្រសិទ្ធភាពការពារ​កូវីដ​ខ្ពស់​ណាស់

ចុចអាន៖ លេចចេញផលរំខានថ្មីចំនួន ៥ អ្នកចាក់វ៉ាក់សាំងរួច ត្រូវទៅជួបពេទ្យជាបន្ទាន់ ទុកយូរអាចគ្រោះថ្នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៧ នាទី មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៤០ នាទី មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

សន្តិសុខសង្គម២ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

ព័ត៌មានជាតិ៣ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

Sokha Hotels

ព័ត៌មានពេញនិយម