ទីក្រុងមួយរបស់ អ៊ីតាលី ត្រូវកប់ក្រោមភក់ស្ទើរតែទាំងស្រុងបន្ទាប់ពីខ្យល់ព្យុះ (មានវីដេអូ)

មនុស្សចំនួន៣នាក់បានស្លាប់នៅពេលការរអិលបាក់ដីបានគ្របដណ្តប់លើដងផ្លូវក្នុងទីក្រុង Bitti នៃកោះ Sardinia របស់ប្រទេសអ៊ីតាលីបន្ទាប់ពីតំបន់នេះរងការវាយប្រហារដោយខ្យល់ព្យុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកជួយសង្គ្រោះកាលពីថ្ងៃអាទិត្យបានរកឃើញសាកសពស្ត្រីវ័យចំណាស់ម្នាក់ដែលជាអ្នកស្លាប់ទី៣បន្ទាប់ពីទីក្រុងនេះត្រូវបានកប់ផ្នែកខ្លះដោយការបាក់ដីភក់ ពោលគឺមួយថ្ងៃបន្ទាប់ពីមានភ្លៀងធ្លាក់ខ្លាំង។

កាលពីថ្ងៃសៅរ៍ សាកសពជនរងគ្រោះពីរនាក់ទៀតត្រូវបានរកឃើញ។

នៅកន្លែងខ្លះ ភក់នៅតាមដងផ្លូវគឺមានកម្ពស់ដល់ទៅជាន់ទី២នៃអគារឯណោះ។ ទឹកជំនន់និងភក់បានកម្ទេចនិងកប់រថយន្តជាច្រើនគ្រឿង។

ភូគព្ភវិទូបានកត់សម្គាល់ថា គ្រោះមហន្តរាយដែលបណ្តាលមកពីព្យុះនេះគឺជាគ្រោះមហន្តរាយចុងក្រោយបង្អស់ក្នុងចំណោមគ្រោះមហន្តរាយស្រដៀងគ្នាជាច្រើនលើកដោយក្នុងនោះមានម្តងនៅក្នុងខែវិច្ឆិកាឆ្នាំ២០១៣ដែលបានសម្លាប់មនុស្សចំនួន១៩នាក់នៅលើកោះមេឌីទែរ៉ាណេមួយនេះ៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ វៀតណាម ត្រៀមខ្លួនប្រឈមមុខនឹងព្យុះទី៣ក្នុងខែនេះ

ចុចអាន៖ Molave ជាព្យុះទីហ្វុងខ្លាំងបំផុតដែលវាយប្រហារប្រទេស វៀតណាម ក្នុងឆ្នាំនេះ