អង្គការលើកលែងទោស រិះគន់ក្រុមហ៊ុនផលិតវ៉ាក់សាំង គិតលុយធំជាងជីវិតមនុស្ស
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អង្គការលើកលែងទោស រិះគន់ក្រុមហ៊ុនផលិតវ៉ាក់សាំង គិតលុយធំជាងជីវិតមនុស្ស

បានផុស

នៅ

អង្គការលើកលែងទោសអន្តរជាតិ បានចោទប្រកាន់ក្រុមហ៊ុនផលិតវ៉ាក់សាំងការពារជំងឺកូវីដ-១៩ថា គិតប្រាក់ចំណេញខ្លាំងជាងអាយុជីវិត និងបានអំពាវនាវដល់រដ្ឋាភិបាលប្រទេសអ្នកមាន ឲ្យចែកចាយវ៉ាក់សាំងចំនួន ២ ពាន់លានដូសដល់ប្រទេសក្រីក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គលេខាធិការអង្គការលើកលែងទោស លោកស្រី Agnes Callamard និយាយថា ប្រធានាធិបតីអាមេរិកលោក Joe Biden ត្រូវបានគេរំពឹងថា នឹងប្រើមហាសន្និបាតអង្គការសហប្រជាជាតិ ដើម្បីបញ្ជាក់ពីការសន្យាមួយក្នុងការចាក់វ៉ាក់សាំងពេញលេញឲ្យបាន ៧០ភាគរយ ទូទាំងពិភពលោកត្រឹមថ្ងៃទី២២ខែកញ្ញា។

អគ្គលេខាធិការអង្គការលើកលែងទោស លោកស្រី Agnes Callamard

លោកស្រីលើកឡើងថា “យើងត្រូវការមេដឹកនាំដូចជាលោកប្រធានាធិបតី Biden ដើម្បីដាក់វ៉ាក់សាំងរាប់ពាន់លានដូសនៅលើតុ ហើយបញ្ជូនទំនិញទៅ បើមិនដូច្នេះទេ នេះគ្រាន់តែជាកាយវិការទទេមួយទៀត ហើយជីវិតមនុស្សនឹងបន្តបាត់បង់”។

ស្របពេលជាមួយគ្នានោះដែរ អង្គការលើកលែងទោសបានរិះគន់ក្រុមហ៊ុនផលិតវ៉ាក់សាំងកូវីដធំៗដូចជា AstraZeneca, BioNTech, Johnson & Johnson, Moderna, Novavax និង Pfizer ចំពោះការបដិសេធចែករំលែកបច្ចេកវិទ្យានៅពីក្រោយផលិតផលរបស់ពួកគេ ឬការចែករំលែកដូស ដើម្បីឲ្យប្រជាជននៅលើពិភពលោកកាន់តែច្រើនអាចទទួលបាន។

អង្គការសិទ្ធិមនុស្សមួយនេះនិយាយថា ខណៈដែលប្រទេសអ្នកមាន បានចាក់វ៉ាក់សាំងដល់ប្រជាជនរបស់ខ្លួនភាគច្រើនហើយនោះ ស្ថានការណ៍គឺមានភាពខុសប្លែកគ្នានៅតំបន់អាស៊ី អាហ្វ្រិកនិងអាមេរិកឡាទីន ដែលនាំឲ្យមានមនុស្សស្លាប់រាប់ម៉ឺននាក់ក្នុងមួយសប្តាហ៍។

ទោះលោកស្រី Callamard ទទួលស្គាល់ថា ទាំងក្រុមហ៊ុន AstraZeneca និង Johnson & Johnson កំពុងលក់វ៉ាក់សាំងរបស់ពួកគេក្នុងតម្លៃថ្លៃក៏ដោយ ប៉ុន្តែលោកស្រីបានចង្អុលបង្ហាញថា ក្រុមហ៊ុនផលិតវ៉ាក់សាំងទាំង៦ បានជំទាស់នឹងការស្នើសុំពីឥណ្ឌានិងអាហ្វ្រិកខាងត្បូង ដែលស្នើឲ្យលើកលែងសិទ្ធិ កម្មសិទ្ធិបញ្ញាទាក់ទងនឹងផលិតផលរបស់ពួកគេ៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ឥណ្ឌា ប្រាប់ពេលវេលាផ្ដល់វ៉ាក់សាំងកូវីដឡើងវិញ ក្រោយផ្អាកនាំចេញកន្លះឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤០ វិនាទី មុន

អង្គការ AHF បន្តអំពាវនាវដល់មេដឹកនាំប្រទេសG20​ជួយ​បរិច្ចាគវ៉ាក់សាំងកូវីដ ដល់ប្រទេសក្រីក្រ

សុខភាព៦ នាទី មុន

ក្រោយក្រសួងប្រកាស តើអ្នកមានជំងឺប្រចាំកាយអ្វីខ្លះ អាចចាក់វ៉ាក់សាំងបាន?

ព័ត៌មានអន្ដរជាតិ២៤ នាទី មុន

ចិន ចោទ អាមេរិក ថា ឧប្បត្តិហេតុនាវាមុជទឹកនុយក្លេអ៊ែរនៅ សមុទ្រចិនខាងត្បូង ជានយោបាយរបស់ ទីក្រុងវ៉ាស៊ីនតោន

ព័ត៌មានជាតិ២៥ នាទី មុន

ថៃបើកមុខទឹកហ៊ាចូលកម្ពុជា ជន់លិចផ្ទះពលរដ្ឋ៤ភូមិក្នុង ក្រុងប៉ោយប៉ែត​

ព័ត៌មានអន្ដរជាតិ២៦ នាទី មុន

ក្រុម​ទំនើង​ហៃទី​ទារ​ប្រាក់​១៧​លាន​ដុល្លារ​ជា​ថ្នូរ​​ដោះ​លែងមនុស្ស​១៧​នាក់​ដែលពួកគេចាប់​កាល​ពីថ្ងៃសៅរ៍

Sokha Hotels

ព័ត៌មានពេញនិយម

Helistar Cambodia - Helicopter Charter Services