ព័ត៌មានអន្ដរជាតិ
ដើម្បីក្លាយជាក្រុងធម្មជាតិ អភិបាលក្រុងមួយនៅអាល្លឺម៉ង់ឡើងថ្លៃចតឡាន៦០០%
អភិបាលក្រុង Tübingen នៅភាគខាងត្បូងប្រទេសអាល្លឺម៉ង់ទទួលបានការកោតសរសើរ និងមើលស្រាលផងដែរចំពោះផែនការថ្មីមួយរបស់លោកក្នុងការបង្កើនតម្លៃចតរថយន្តរហូតដល់៦០០% ដែលជាការប្រឹងប្រែងដើម្បីរារាំងរថយន្តចេញក្រៅ។
លោក Boris Palmer សមាជិកគណបក្សបៃតង (Greens) ទទួលបានការគាំទ្រជាបឋមសម្រាប់សំណើររបស់លោកដែលបង្កើនតម្លៃចតរថយន្តប្រចាំឆ្នាំពី ៣៥ដុល្លារឡើងដល់២១០ដុល្លារ។
ដំបូង លោក Palmer បានដំឡើងតម្លៃដល់៤២០ដុល្លារ ប៉ុន្តែមិនទទួលបានការគាំទ្រគ្រប់គ្រាន់ពីមន្ត្រីសាលាក្រុងនៅក្នុងគណៈកម្មាធិការអាកាសធាតុ។
យោងតាមការផ្សាយរបស់កាសែត Stuttgarter Zeitung បង្ហាញថា តម្លៃខ្ពស់បំផុតគឺ២១០ដុល្លារនឹងអនុវត្តចំពោះរថយន្តប្រើសាំងដែលទម្ងន់ជាង១៨០០គីឡូក្រាម និងរថយន្តអគ្គីសនីដែលមានទម្ងន់ជាង២០០០គីឡូក្រាម។
លោក Palmer បាននិយាយថា ប្រជាជននៅលើសុវត្ថិភាពសង្គមនឹងបង់ថ្លៃពាក់កណ្តាលនៃតម្លៃធម្មតា។ ករណីលើកលែងចំពោះជនពិការ និងបុគ្គលិកថែទាំដែលប្រើរថយន្តរបស់ពួកគេដើម្បីបំពេញការងារ។
លោកអភិបាលក្រុងបាននិយាយថា គោលបំណងនៃការបង្កើនតម្លៃថតគឺដើម្បីបញ្ចុះបញ្ចូលអ្នកបើកបរឲ្យទុករថយន្តរបស់ពួកគេនៅផ្ទះ ហើយប្រើរថយន្តដឹកជញ្ជូនសាធារណៈជំនួសវិញ។
លោកបានអះអាងថា ៖«មានភាពខុសគ្នាគួរឲ្យកត់សំគាល់រវាងតម្លៃរថយន្តតូចៗក្នុងក្រុង និងរថយន្តស្ព័រធំៗត្រូវបង់ ដែលតាមពិតមិនត្រូវការនៅក្នុងទីក្រុង»។
ដូចទីក្រុងអាល្លឺម៉ង់ផ្សេងៗទៀតដែរ Tübingen មានគោលបំណងឲ្យក្លាយជាទីក្រុងធម្មជាតិនៅត្រឹមឆ្នាំ២០៣០ ដែលទាមទារឲ្យមានការពង្រីកកាន់តែធំទូលាយ និងបង្កើនភាពងាយស្រួលនៅក្នុងប្រព័ន្ធដឹកជញ្ជូនសាធារណៈ។
ចំណូលដែលទទួលបានពីការបង្កើនតម្លៃចតគឺយកទៅបញ្ចូលក្នុងហិរញ្ញប្បទានដឹកជញ្ជូនសាធារណៈ។ ទីប្រជុំជន និងទីក្រុងផ្សេងទៀតកំពុងរៀបចំផែនការស្រដៀងៗគ្នា ហើយសំណើររបស់ក្រុង Tübingen ទទួលបានការគាំទ្រយ៉ាងខ្លាំងពីអ្នកយុទ្ធនាការណ៍បរិស្ថាន។
សេចក្តីសម្រេចចុងក្រោយគឺត្រូវជួបនឹងក្រុមប្រឹក្សាមូលដ្ឋាននៅចុងខែនេះ ប៉ុន្តែលោក Palmer ត្រូវបានគេរាយការណ៍ថា បានធានានូវការគាំទ្រចាំបាច់ដែលជាឆ្អឹងខ្នងនៃកម្មវិធីការពារអាកាសធាតុដែលក្រុមប្រឹក្សាឯកភាពជាចម្បង៕
ប្រែសម្រួល៖ វីរបុត្រ
ប្រភព៖ theguardian
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ