ព័ត៌មានអន្ដរជាតិ
ក្នុងពេលតែមួយប្រជាជននៅ អង់គ្លេស ដៃម្ខាងចាក់វ៉ាក់សាំងកូវីដ ដូសជំរុញ ម្ខាងទៀតចាក់វ៉ាក់សាំងជំងឺផ្ដាសាយ
ចក្រភពអង់គ្លេសបានចាប់ផ្តើមចាក់វ៉ាក់សាំងការពារជំងឺកូវីដ ១៩ ដូសជំរុញដើម្បីជួយប្រទេសនេះជៀសផុតពីរោគរាតត្បាតនៅរដូវរងានេះ ។
ស្របពេលជាមួយគ្នានេះ អង់គ្លេសក៏បានផ្តល់ការចាក់វ៉ាក់សាំងការពារជំងឺគ្រុនផ្តាសាយក្នុងពេលតែមួយផងដែរ ។
ចាប់ផ្តើមនៅសប្តាហ៍នេះ ការចាក់វ៉ាក់សាំងការពារជំងឺកូវីដ ១៩ ដូសជំរុញ ត្រូវបានផ្តល់ជូនដល់បុគ្គលិកថែទាំសុខភាព អ្នកដែលមានស្ថានភាពសុខភាពពីកំណើត ក៏ដូចជាអ្នកដែលមានអាយុលើសពី ៥០ ឆ្នាំ និងអ្នកដទៃទៀតជាដើម ។
ទន្ទឹមនោះ រដ្ឋាភិបាលចក្រភពអង់គ្លេសក៏បានណែនាំប្រជាជន ឲ្យទទួលការចាក់វ៉ាក់សាំងជំងឹផ្តាសាយប្រចាំឆ្នាំផងដែរ ។
នៅកន្លែងចាក់វ៉ាក់សាំងក្នុងទីក្រុងឡុងដ៍ មនុស្សជាច្រើនត្រូវបានគេមើលឃើញថា ដៃម្ខាងទទួលការចាក់វ៉ាក់សាំងការពារកូវីដដូសជំរុញ និងដៃម្ខាងទៀតទទួលការចាក់វ៉ាក់សាំងជំងឺផ្ដាសាយក្នុងពេលតែមួយ ។
ចំណែកសម្រាប់ការចាក់ដូសជំរុញនេះ រដ្ឋាភិបាលកំពុងប្រើវ៉ាក់សាំង Pfizer និង Moderna ជាគោលការណ៍ ដោយនិយាយថា វ៉ាក់សាំងទាំងនេះមានប្រសិទ្ធភាពខ្ពស់ក្នុងការសាកល្បងព្យាបាល ពោលមានន័យថា អ្នកដែលបានទទួលការចាក់វ៉ាក់សាំង AstraZeneca នឹងត្រូវចាក់វ៉ាក់សាំងប្រភេទផ្សេង ។
វេជ្ជបណ្ឌិតម្នាក់បាននិយាយថា មនុស្សជាច្រើនមិនបានចេញទៅក្រៅនោះទេកាលពីរដូវរងារឆ្នាំមុន ដោយសារតែការរឹតត្បិតពាក់ព័ន្ធនឹងជំងឺកូវីដ ១៩ ដែលជាហេតុធ្វើឲ្យជំងឺផ្តាសាយក៏មិនរីករាលដាលដែរ ។ ប៉ុន្តែនៅឆ្នាំនេះវិញវេជ្ជបណ្ឌិតបាននិយាយថា វាអាចកើតមានជំងឺគ្រុនផ្តាសាយ ដូច្នេះប្រសិនបើមនុស្សអាចចាក់វ៉ាក់សាំងទាំងពីរក្នុងពេលតែមួយនោះ វានឹងកាន់តែងាយស្រួលក្នុងការគ្រប់គ្រង ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អង់គ្លេស ប្រកាសក្លាយជាមហាអំណាចបច្ចេកវិទ្យា AI ក្នុងរយៈពេល ១០ ឆ្នាំខាងមុខ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង