អូស្ត្រាលីតម្រូវឲ្យចិនសុំទោសចំពោះការបង្ហោះរូបភាពបញ្ឆេះភាពតានតឹង – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អូស្ត្រាលីតម្រូវឲ្យចិនសុំទោសចំពោះការបង្ហោះរូបភាពបញ្ឆេះភាពតានតឹង

Published

on

ប្រទេសអូស្រ្តាលីបានទាមទារឲ្យប្រទេសចិនសុំទោសចំពោះការបង្ហោះរូបភាពក្លែងក្លាយនៅលើគណនី Twitter របស់រដ្ឋាភិបាលដែលបង្ហាញពីទាហានអូស្ត្រាលីម្នាក់សម្លាប់កុមារអាហ្វហ្គានីស្ថាន។

លោកនាយករដ្ឋមន្រ្តី Scott Morrison បាននិយាយថា ទីក្រុងប៉េកាំងគួរតែខ្មាស់អៀនចំពោះការចែករំលែករូបភាពដែលគួរស្អប់ខ្ពើមនេះ។

រឿងនេះបានកើតឡើងចំពេលភាពតានតឹងនយោបាយកាន់តែពុះកញ្ជ្រោលខ្លាំងរវាងប្រទេសទាំងពីរ។

រូបភាពដែលចិនបង្ហោះលើគណនី Twitter របស់រដ្ឋាភិបាល

រូបភាពនេះសំដៅទៅលើឧក្រិដ្ឋកម្មសង្គ្រាមដែលត្រូវបានគេចោទប្រកាន់ថាប្រព្រឹត្តដោយទាហានអូស្ត្រាលីមួយចំនួន។

កាលពីដើមខែនេះ របាយការណ៍បានរកឃើញព័ត៌មានគួរឲ្យទុកចិត្តដែលថា ទាហានអូស្ត្រាលីចំនួន២៥នាក់បានជាប់ពាក់ព័ន្ធនឹងការសម្លាប់ជនស៊ីវិលនិងអ្នកទោសអាហ្វហ្គានីស្ថានចំនួន៣៩នាក់នៅចន្លោះឆ្នាំ២០០៩ដល់ឆ្នាំ២០១៣។

នៅថ្ងៃចន្ទនេះ អ្នកនាំពាក្យក្រសួងការបរទេសចិនលោក Lijian Zhao បានបង្ហោះរូបភាពមួយដែលបង្ហាញពីទាហានអូស្រ្តាលីកាន់កាំបិតប្រឡាក់ឈាមនៅក្បែរកុមារម្នាក់។ គេឃើញក្មេងនោះកាន់កូនចៀមមួយក្បាល។

នាយករដ្ឋមន្រ្តីអូស្រ្តាលីលោក Scott Morrison

រូបភាពនេះមើលទៅដូចជាសំដៅទៅការចោទប្រកាន់កាលពីពេលកន្លងមកដែលថា ទាហានអូស្រ្តាលីបានប្រើកាំបិតដើម្បីធ្វើឃាតក្មេងប្រុសអាហ្វហ្គានីស្ថានអាយុ១៤ឆ្នាំចំនួនពីរនាក់។

គេបានរកឃើញ ភ័ស្តុតាងដែលអាចជឿទុកចិត្តបាននៃការសម្លាប់ដោយខុសច្បាប់នៅក្នុងអង្គភាពវរជន។ ការចោទប្រកាន់នេះរួមមាន ទាហានវ័យក្មេងត្រូវបានលើកទឹកចិត្តឲ្យបាញ់សម្លាប់អ្នកទោសសម្រាប់ការសម្លាប់ដំបូងរបស់ពួកគេ។

អូស្រ្តាលីបានស្នើសុំឲ្យ Twitter ដកការបង្ហោះនេះចេញពីវេទិការបស់ខ្លួនដោយពណ៌នាថា វាជា “ការផ្សព្វផ្សាយព័ត៌មានមិនពិត” ។

អ្នកនាំពាក្យក្រសួងការបរទេសចិនលោក Lijian Zhao

លោក Morrison បានពណ៌នាការបង្ហោះនេះថា ជាការស្អប់ខ្ពើម ការវាយលុកយ៉ាងខ្លាំងនិងគួរឲ្យខឹងជាទីបំផុត។

លោកនិយាយថា “រដ្ឋាភិបាលចិនគួរតែខ្មាស់អៀនទាំងស្រុងចំពោះការបង្ហោះនេះ។ វាធ្វើឲ្យពួកគេបាត់បង់តម្លៃនៅចំពោះមុខពិភពលោក។ វាជារូបភាពមិនពិតនិងជាពាក្យអាក្រក់មួយសម្រាប់កងកម្លាំងការពារជាតិរបស់យើង”៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ អូស្រ្តាលីត្រៀមចាប់ផ្តើមផលិតវ៉ាក់សាំងកូវីដខណៈផែនការចាក់ថ្នាំបង្ការត្រូវបានបង្ហាញ

ចុចអាន៖ ក្មេងស្រីអាយុ១១ឆ្នាំធ្វើអត្តឃាតបន្ទាប់ពីបុរសដែលរំលោភតាំងពីអាយុ៥ឆ្នាំត្រូវដោះលែងឲ្យនៅក្រៅឃុំ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា4 hours ago

កិច្ច​ពិគ្រោះ​យោបល់​លើ​សេចក្ដី​សេចក្ដីព្រាងច្បាប់​ស្ដីពី​ការគ្រប់គ្រង​វិស័យ​អប់រំ​កាយ និង​កីឡា

កីឡា4 hours ago

ក្រុមកីឡា​បាល់បោះ Yuetai Mekongers គ្រង​តំណែង​ជើងឯក​លី​ក “league” ឆ្នាំ​២០២០

ព័ត៌មានជាតិ4 hours ago

ព្រះសង្ឃ​មួយអង្គ​ យក​ខ្សែ​ភ្លើង​ចង.ក​បញ្ចប់ជីវិត​ ក្នុង​កុដិ​

ព័ត៌មានជាតិ4 hours ago

រដ្ឋមន្ត្រី​កសិកម្ម​ជំរុញ​ឲ្យ​សហគមន៍​ព្រៃឈើ​បង្កើន​ការចិញ្ចឹម​សត្វ ត្រី និង​ដាំ​បន្លែ​បន្ថែម​ដើម្បី​បង្កើន​ប្រភព​ចំណូល

ព័ត៌មានជាតិ5 hours ago

លោក​ចម ប្រសិទ្ធ អំពាវនាវ​ឲ្យ​អ្នក​វិនិយោគ​ឥណ្ឌា​មក​បណ្តាក់​ទុន​នៅ​កម្ពុជា​លើ​វិស័យ​អាទិភាព​ជាច្រើន​កំពុងតែ​រង់ចាំ

Sokha Hotels

ព័ត៌មានពេញនិយម

Helistar Cambodia - Helicopter Charter Services