ព័ត៌មានអន្ដរជាតិ
កូវីដជាកត្តាធំបំផុតធ្វើឲ្យថយចុះអាយុកាលរស់នៅចាប់ពីសង្គ្រាមលោកទី២
ជំងឺកូវីដ-១៩បានក្លាយជាកត្តាធំបំផុតបណ្តាលឲ្យថយចុះអាយុកាលរស់ជាមធ្យមក្នុងតំបន់អ៉ឺរ៉ុបខាងលិចចាប់តាំងពីសង្គ្រាមលោកលើកទី២មក។ នេះបើតាមការសិក្សាថ្មីមួយបានរកឃើញ។
ទិន្នន័យពីភាគច្រើននៃប្រទេស២៩នៅអឺរ៉ុប សហរដ្ឋងាមេរិក និងឈីលីដែលត្រូវបានធ្វើការវិភាគដោយអ្នកវិទ្យាសាស្ត្របានកត់ត្រាពីការថយចុះអាយុកាលរស់នៅជាមធ្យមកាលពីឆ្នាំមុន និងជាខ្នាតមួយដែលលុបបំបាត់វឌ្ឍនភាពជាច្រើនឆ្នាំកន្លងទៅ។
ការថយចុះធំបំផុតនៅក្នុងអាយុកាលរស់នៅមធ្យមក្នុងចំណោមបុរសនៅសហរដ្ឋអាមេរិកបានធ្លាក់ចុះ២.២ឆ្នាំ ប្រៀបធៀបនឹងឆ្នាំ២០១៩ តាមពីក្រោយដោយបុរសលីទុយអានី (១.៧ឆ្នាំ)។
យោងតាមការស្រាវជ្រាវដែលរៀបចំដោយក្រុមអ្នកវិទ្យាសាស្ត្រនៅមជ្ឈមណ្ឌលវិទ្យាសាស្ត្រប្រជាសាស្ត្រ Leverhulme របស់សាកលវិទ្យាល័យ Oxford បង្ហាញថា ការថយចុះអាយុកាលរស់នៅនេះគឺលើសពីអ្វីដែលត្រូវបានកត់ត្រានៅក្នុងកំឡុងពេលនៃការរំលាយប្លុកខាងកើតនៅអ៉ឺរ៉ុបកណ្តាល និងខាងកើត។
លោកបណ្ឌិត José Manuel Aburto សហដឹកនាំស្រាវជ្រាវបានឲ្យដឹងថា ៖«សម្រាប់បណ្តាប្រទេសអឺរ៉ុបខាងលិចដូចជាអេស្ប៉ាញ អង់គ្លេសនិងវែល អ៉ឺតាលី បែលហ្ស៊ិក ស្ថិតក្នុងចំណោមប្រទេសផ្សេងទៀត ពេលវេលាចុងក្រោយនៃការថយចុះអាយុកាលរស់នៅជាមធ្យមចាប់ពីកំណើតមកត្រូវបានគេសង្កេតនៅក្នុងឆ្នាំតែមួយគឺកំឡុងពេលសង្គ្រាមលោកលើកទី២»។
ការរកឃើញនេះបានចេញផ្សាយលើកាសែតមួយនៅក្នុងទិនានុប្បវត្តិអន្តរជាតិនៃរោគរាតត្បាត បន្ទាប់ពីការវិភាគទៅលើប្រទេស២៩សម្រាប់ការកត់ត្រាអំពីមរណភាពផ្លូវការកាលពីឆ្នាំមុនដែលបានចេញផ្សាយ។ ក្នុងចំណោមប្រទេសទាំងអស់នោះ គឺ២៧ប្រទេសបានថយចុះអាយុកាលរស់នៅ។
យោងតាម ការិយាល័យស្ថិតិជាតិ (ONS) បង្ហាញថា កាលពីសប្តាហ៍មុន ការិយាល័យស្ថិតិជាតិបានប៉ាន់ស្មាន អាយុកាលរស់នៅសម្រាប់បុរសនៅចក្រភពអង់គ្លេសបានធ្លាក់ចុះជាលើកដំបូងក្នុងរយៈពេល៤០ឆ្នាំកន្លងទៅគឺដោយសារកូវីដ-១៩។ ក្មេងប្រុសម្នាក់កើតចន្លោះឆ្នាំ២០១៨ និង២០២០ត្រូវបានរំពឹងរស់នៅដល់អាយុ៧៩ឆ្នាំ បានធ្លាក់ចុះពីអាយុ៧៩.២ឆ្នាំសម្រាប់អ្នកកើតចន្លោះឆ្នាំ២០១៥-២០១៧។
លោកបណ្ឌិត Aburto មានប្រសាសន៍ថា ខ្នាតនៃអាយុកាលរស់នៅជាមធ្យមបានធ្លាក់ចុះនៅក្នុងបណ្តាលប្រទេសទាំងអស់នោះដែលបានសិក្សា ខណៈ២២ប្រទេសបានថយចុះច្រើនជាងពាក់កណ្តាលឆ្នាំនៅឆ្នាំ២០២០។
លោកបានលើកឡើងថា ៖«ស្ត្រីភេទនៅក្នុងប្រទេស៨ និងបុរសនៅក្នុងប្រទេស១១បានថយចុះអាយុកាលរស់នៅច្រើនជាង១ឆ្នាំ។ នៅក្នុងការសិក្សា វាត្រូវការពេលជាមធ្យម៥.៦ឆ្នាំនៃប្រទេសទាំងនោះដើម្បីឲ្យកើនអាយុ១ឆ្នាំវិញ»។
យោងតាមការផ្សាយរបស់កាសែតថា បុរសមានការថយចុះអាយុកាលរស់នៅច្រើនជាងស្ត្រីនៅទូទាំងប្រទេសទាំង២៩នោះ។ ការថយចុះអាយុរស់នៅខ្លាំងបំផុតនៅទូទាំងប្រទេសផ្សេងៗគ្នាបណ្តាលមកពីករណីស្លាប់ដោយកូវីដ។
លោកបណ្ឌិត Ridhi Kashyap សហដឹកនាំស្រាវជ្រាវបាននិយាយថា អ្នកស្រាវជ្រាវបានស្វែងយល់ពីបញ្ហាធ្ងន់ធ្ងរគឺពាក់ព័ន្ធនឹងការស្លាប់ដោយកូវីដដូចជា ការធ្វើតេស្តមិនត្រឹមត្រូវ ឬចាក់ថ្នាំខុស។ ទោះបីជាយ៉ាងណា លោកបន្ថែមថា ៖«ការពិតដែលទ្ធផលរបស់យើងរកឃើញបង្ហាញពីផលប៉ះពាល់ដ៏ធំគឺដោយសារកូវីដ-១៩ផ្ទាល់តែម្តង»៕
ប្រែសម្រួល៖ វីរបុត្រ
ប្រភព៖ reuters
អាមេរិក ដាក់ទណ្ឌកម្មក្រុមហ៊ុនជួរមុខ ចិន ដែលមានចិត្តចង់កម្ទេចហេដ្ឋារចនាសម្ព័ន្ធសំខាន់ៗ
អភិបាលខេត្តកំពង់ចាម ចុះពិនិត្យវឌ្ឍនភាពការសាងសង់ផ្លូវ និងដោះស្រាយបញ្ហាប្រឈមមួយចំនួនជូនពលរដ្ឋ
តៃវ៉ាន់ ធ្វើសមយុទ្ធយោធាបាញ់មីស៊ីលពីដីទៅអាកាស
កម្មករ-និយោជិត នៃរោងចក្រ ញូ ស្កាយ ព្រីនធីង អរគុណ រាជរដ្ឋាភិបាល ដែលបើកប្រាក់ឈ្នួលដល់ខ្លួន
លោក សេដ្ឋា មិនជួបលោក ថាក់ស៊ីន នៅទីស្នាក់ការបក្ស តែទៅទស្សនាបាល់ទាត់រវាង ថៃ និងកូរ៉េខាងត្បូង
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២០ ម៉ោង agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ១ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ