ព័ត៌មានអន្ដរជាតិ
CDC អាមេរិក រកឃើញផលរំខានពីការចាក់វ៉ាក់សាំងដូសទី ៣ ស្រដៀងនឹងលើកទី ២
ការសិក្សារបស់អាមេរិកដែលដកស្រង់របាយការណ៍ដោយមជ្ឈមណ្ឌលគ្រប់គ្រង និងបង្ការជំងឺ (CDC) បានបញ្ជាក់ថា ផលប៉ះពាល់ភាគច្រើន បន្ទាប់ពីការចាក់វ៉ាក់សាំងការពារជំងឺកូវីដ ១៩ ដូសជំរុញ ឬដូសទី ៣ គឺមានកម្រិតស្រាល ឬមធ្យម ហើយកើតមានឡើងជាញឹកញាប់ បន្ទាប់ពីចាក់លើកទី ២ ។
របាយការណ៍នេះបានផ្អែកលើការសិក្សាចំពោះមនុស្សជាង ២២,០០០ នាក់ដែលទទួលបានការចាក់វ៉ាក់សាំងដូសទី ៣ នៅចន្លោះថ្ងៃទី ១២ ខែសីហាដល់ថ្ងៃទី ១៩ ខែកញ្ញា ។
លោក Rochelle Walensky នាយក CDC បាននិយាយនៅក្នុងសន្និសីទសារព័ត៌មានមួយថា “ភាពញឹកញាប់ និងប្រភេទនៃផលប៉ះពាល់សម្រាប់ការចាក់ដូសទី ៣ គឺប្រហាក់ប្រហែលទៅនឹងអ្វីដែលត្រូវបានគេឃើញ បន្ទាប់ពីការចាក់វ៉ាក់សាំងលើកទី ២ ហើយភាគច្រើនស្រាល ឬមធ្យម និងរយៈពេលខ្លីប៉ុណ្ណោះ” ។
លោកបាននិយាយថា ផលប៉ះពាល់ទាំងនោះរួមមាន ឈឺចាប់នៅកន្លែងចាក់ថ្នាំ (៧១ ភាគរយ) អស់កម្លាំង (៥៦ ភាគរយ) និងឈឺក្បាល (៤៣ ភាគរយ) ។ ចំណែកប្រហែល ២៨ ភាគរយមិនអាចធ្វើសកម្មភាពប្រចាំថ្ងៃបាននៅពេលចាក់ហើយភ្លាម ប៉ុន្តែអាចធ្វើបាននៅថ្ងៃបន្ទាប់ ។
ទន្ទឹមនោះ ក្នុងចំណោមអ្នកចាក់វ៉ាក់សាំងប្រភេទ mRNA ដូចជា Moderna និង Pfizer ចំនួន ២១,៧០០ នាក់មានប្រតិកម្មដូចជា ឈឺដៃ ប៉ុន្តែមិនធ្ងន់ធ្ងរនោះទេ បន្ទាប់ពីការចាក់លើកទី ៣ បើប្រៀបធៀបទៅនឹងចាក់លើកទី ២ ខណៈប្រតិកម្មដែលកើតឡើងនៅខាងក្រៅកន្លែងចាក់ថ្នាំមិនសូវជាកើតមានឡើងទេ បន្ទាប់ពីការចាក់លើកទី ៣ បើប្រៀបធៀបទៅនឹងលើកទី ២ ៕
ប្រែសម្រួលដោយ ៖ ជីវ័ន្ត
ប្រភព ៖ Hindustan Times
ចុចអាន ៖ កម្ពុជា ជាប់លេខ ៧ លើលោក និងលេខ២ នៅអាស៊ាន ជាប្រទេសចាក់វ៉ាក់សាំងកូវីដ បានច្រើនបំផុត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ