ព័ត៌មានអន្ដរជាតិ
សំណាងម្ល៉េះ! អ្នកនេសាទថៃរកឃើញកំអួតត្រីបាឡែនដែលមានតម្លៃរាប់លានដុល្លារ
អ្នកនេសាទម្នាក់ដែលធ្វើការបានប្រាក់ ៥០០ ផោន (ជាង ៦៥០ ដុល្លារ) ក្នុងមួយខែបានរកឃើញដុំកំអួតត្រីបាឡែនដ៏ធំបំផុតនៅលើពិភពលោកដែលមានតម្លៃ ២.៤ លានផោន (ជិត ៣.២ លានដុល្លារ) ។ កំអួតត្រីបាឡែន ឬ Ambergris ត្រូវបានគេចាត់ទុកថាជាកំណប់នៅសមុទ្រ និងមាសអណ្តែត ដោយសារតែជាតិអាល់កុលនៃកំអួតគ្មានក្លិនរបស់វាត្រូវបានគេយកទៅធ្វើក្លិនទឹកអប់ដោយទុកបានរយៈពេលយូរ និងមានតម្លៃថ្លៃកប់ពពក ។
លោក Naris Suwannasang អាយុ ៦០ ឆ្នាំក៏បានឃើញដុំម្យ៉ាងស្រដៀងនឹងដុំថ្មជាច្រើនត្រូវបានទើរលើឆ្នេរខ្សាច់ នៅពេលដែលគាត់កំពុងដើរតាមសមុទ្រនៅខេត្ត Nakhon Si Thammarat ភាគខាងត្បូងប្រទេសថៃ ។ គាត់បានទូរស័ព្ទទៅបងប្អូនជីដូនមួយរបស់គាត់ឲ្យជួយគាត់យករបស់របរទាំងនេះទៅផ្ទះដើម្បីចាប់ផ្តើមពិនិត្យមើលការរកឃើញមិនធម្មតានេះ ។
លោក Suwannasang បាននិយាយថា ដុំកំអួតនេះអាចមានទម្ងន់ ២២០ ផោន (១០០ គីឡូក្រាម) ដែលអាចធ្វើឲ្យវាក្លាយជាប្រាក់ចំណូលដ៏ធំបំផុតមួយនៃអាថ៌កំបាំងត្រីបាឡែនដែលត្រូវបានគេរកឃើញ ។ អ្នកនេសាទរូបនេះថែមទាំងបានអះអាងថា គាត់ត្រូវបានទាក់ទងដោយពាណិជ្ជករម្នាក់ដែលផ្តល់ប្រាក់ចំនួន ៩៦០,០០០ បាតថៃ (៣១,៧០៨ ដុល្លារ) ក្នុងមួយគីឡូក្រាម ប្រសិនបើដុំកំអួតត្រូវបានបង្ហាញថាមានគុណភាពគ្រប់គ្រាន់ ។ សរុបទៅវានឹងធ្វើដុំកំអួតនេះមានតម្លៃ ៩៦,០០០,០០០ បាតថៃ (ជិត ៣.២ លានដុល្លារ) ។
លោកបាននិយាយថា “អ្នកជំនួញបានប្រាប់ខ្ញុំថា គាត់នឹងមកពិនិត្យមើលគុណភាពរបស់ដុំកំអួតនេះ នៅពេលក្រោយ ហើយតម្លៃបានធ្វើឲ្យខ្ញុំភ្ញាក់ផ្អើល ។ ឥឡូវនេះដុំកំអួតត្រីបាឡែនកំពុងរង់ចាំអ្នកឯកទេសដើម្បីបញ្ជាក់ថាសម្ភារៈដែលត្រូវបានរកឃើញគឺជាដុំកំអួតត្រីបាឡែនពិតប្រាកដ ។ ហើយខ្ញុំក៏ចង់ដឹងបន្ថែមទៀតអំពីវា និងចង់ឲ្យអ្នកជំនាញត្រួតពិនិត្យពួកវាណាស់” ។
គាត់បានបន្ថែមទៀតថា គាត់មានបំណងទៅរកប៉ូលិសដើម្បីធ្វើកំណត់ហេតុនៃការរកឃើញរបស់គាត់ដូច្នេះវាមានកំណត់ត្រាខ្លះដែលជាកម្មសិទ្ធិរបស់គាត់ក្នុងករណីដែលនរណាម្នាក់ព្យាយាមលួចយកវត្ថុមានតម្លៃដែលមិនគួរឲ្យជឿនេះចេញពីផ្ទះរបស់គាត់ ។
Ambergris កើតចេញពីត្រីបាឡែនមេជីវិតឈ្មោលដែលស៊ីសាច់ពពួកសិរបាទសត្វដូចជា ត្រីបបែល មឹកជាដើម ។ កាលពីខែមេសា ឆ្នាំ ២០១៦ កំអួតត្រីបាឡែនមួយដុំទម្ងន់ ១.៥៧ គីឡូក្រាមត្រូវបានរកឃើញនៅក្នុងទីក្រុង Lancashire ប្រទេសអង់គ្លេស លក់ក្នុងតម្លៃ ៥០,០០០ ផោន (៦៦,៧៩៥ ដុល្លារ) ខណៈនៅខែវិច្ឆិកានៃឆ្នាំដដែលអ្នកនេសាទអូម៉ង់ ៣ នាក់បានរកឃើញកំអួតត្រីបាឡែនទម្ងន់ ៨០ គីឡូក្រាម ហើយលក់វាក្នុងតម្លៃ ២.៣ លានផោន ៕
ប្រែសម្រួលដោយ ៖ ជីវ័ន្ត
ប្រភព ៖ Daily Mail
ចុចអាន ៖ ថៃរកឃើញគ្រោងឆ្អឹងត្រីបាឡែនដែលមានអាយុកាលរាប់ពាន់ឆ្នាំ
ចុចអាន ៖ ថៃពង្រីកច្បាប់ដាក់ប្រទេសក្នុងភាពអាសន្នប្រឆាំងកូវីដ រហូតដល់ពាក់កណ្តាលខែមករា ឆ្នាំ ២០២១
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ