ព័ត៌មានអន្ដរជាតិ
ក្រុមគ្រឿងញៀនម៉ិកស៊ិក ប្រហារជីវិតសត្រូវ ២០នាក់ រួចដឹកសពទៅទម្លាក់ នៅខាងក្រៅការិយាល័យអភិបាលក្រុង (វីដេអូ)
ក្រុមជួញដូរគ្រឿងញៀនមួយ បានបញ្ចេញវីដេអូដ៏រន្ធត់ ដែលបង្ហាញពីសត្រូវរបស់ខ្លួនចំនួន ២០នាក់ ត្រូវបានដាក់ឲ្យអង្គុយតម្រង់ជួរ មុនពេលប្រហារជីវិត នៅភាគនិរតីប្រទេសម៉ិកស៊ិក។
មេក្រុម Los Tlacos បានចោទប្រកាន់សមាជិកនៃគូប្រជែង La Bandera ពីបទ “ជំរិតទារប្រាក់និងសម្លាប់ប្រជាជនស្លូតត្រង់” មុនពេលបង្ខំឲ្យពួកគេលុតជង្គង់ ហើយភ្ជង់កាំភ្លើងសួរចម្លើយនៅកណ្តាលព្រៃក្នុងរដ្ឋ Guerrero។
ក្រុមអន្ធពាល La Bandera ត្រូវបានគេរាយការណ៍ថា ជាក្រុមប្រដាប់អាវុធរបស់សម្ព័ន្ធ Guerreros Unidos ដែលជាក្រុមគ្រឿងញៀនជាប់ពាក់ព័ន្ធនឹងការចាប់ជំរិតនិស្សិតឆ្នាំ ២០១៤ ចំនួន ៤៣ នាក់នៅទីក្រុង Ayotzinapa។
សាកសពជនរងគ្រោះចំនួន ៤ នាក់ត្រូវបានគេប្រទះឃើញ ដាក់នៅក្នុងគូទឡាន ដែលត្រូវបានគេទុកចោលនៅមុខការិយាល័យឃោសនាបោះឆ្នោតរបស់អភិបាលក្រុង Iguala លោក David Gama Pérez កាលពីព្រឹកថ្ងៃពុធ។
ទោះបីជាយ៉ាងណាក៏ដោយ គេមិនដឹងថាតើនៅ សពជនរងគ្រោះ ១៦ នាក់ផ្សេងទៀត ត្រូវបានរកឃើញដែរឬអត់នោះទេ។
សមាជិកប្រដាប់អាវុធពាក់ម៉ាសរបស់ក្រុម Los Tlacos បានបន្តចោទប្រកាន់ថា មេដឹកនាំ La Bandera ឈ្មោះ Chucho Brito គឺជាសម្ព័ន្ធមិត្តជិតស្និទ្ធរបស់លោក Gama Pérez ដែលត្រូវបានជ្រើសរើសជាអភិបាលក្រុង នៅក្នុងវីដេអូដ៏រន្ធត់លើបណ្តាញសង្គម។
ការិយាល័យអគ្គរដ្ឋអាជ្ញា Guerrero បាននិយាយនៅក្នុងសេចក្តីថ្លែងការណ៍មួយថា ការិយាល័យរបស់អគ្គរដ្ឋអាជ្ញា នឹងបន្តការស៊ើបអង្កេត ដើម្បីកំណត់អត្តសញ្ញាណជនរងគ្រោះ ឬអ្នកដែលទំនងជាទទួលខុសត្រូវចំពោះអំពើឧក្រិដ្ឋកម្មនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង