ព័ត៌មានអន្ដរជាតិ
ឈានចូលវ័យ១៨ឆ្នាំ ពលរដ្ឋអេស្ប៉ាញ ម្នាក់ៗទទួលបានលុយជាង ៤០០ដុល្លារ យកទៅមើលកុន និងការប្រគំតន្ត្រី
រដ្ឋាភិបាលអេស្ប៉ាញ គ្រោងផ្តល់ជូនពលរដ្ឋដែលឈានចូលអាយុ ១៨ ឆ្នាំនៅឆ្នាំក្រោយ នូវទឹកប្រាក់ចំនួន ៤០០ អឺរ៉ូ (៤៦២ ដុល្លារ) ដើម្បីចំណាយលើសកម្មភាពវប្បធម៌។
គោលដៅ គឺដើម្បីជួយស្រោចស្រង់វិស័យវប្បធម៌របស់ប្រទេស ឲ្យងើបឡើងវិញបន្ទាប់ពីរងផលប៉ះពាល់យ៉ាងខ្លាំងក្លាដោយសារវិបត្តិជំងឺរាតត្បាត កូវីដ-១៩។
យុវជននឹងអាចចំណាយលុយ ៤៦២ ដុល្លាររបស់ពួកគេទៅលើសំបុត្រកុននិងល្ខោន សៀវភៅនិងការប្រគំតន្ត្រីជាដើម។
ទោះបីជាយ៉ាងណាក៏ដោយ ការចូលទស្សនាការប្រកួតគោជល់ ដែលមានអ្នកគាំទ្រតិចតួចនៅក្នុងរដ្ឋាភិបាលចម្រុះឆ្វេងនិយម មិនត្រូវបានដាក់បញ្ចូលនៅក្នុងគម្រោងនេះទេ។
រដ្ឋាភិបាលគណនាថា មនុស្សកន្លះលាននាក់នឹងមានសិទ្ធិទទួលបានប្រាក់នេះ ខណៈការចំណាយរបស់រដ្ឋនឹងអស់ជាង ២១៨ លានដុល្លារអាមេរិក។
ប្រទេសបារាំងនិងអ៊ីតាលី ក៏បានចាត់វិធានការស្រដៀងគ្នានេះផងដែរ ដើម្បីគាំទ្រវិស័យវប្បធម៌របស់ពួកគេ។
ការសម្រេចចិត្តបែបនេះ គឺជាវិធានការដ៏ចម្រូងចម្រាសផ្នែកនយោបាយ នៅក្នុងថវិកាជាតិឆ្នាំ ២០២២ របស់អេស្ប៉ាញដែលនឹងត្រូវបោះឆ្នោតនៅសប្តាហ៍ក្រោយ។
មួយទៀតគឺជាសំណើ ផ្តល់ប្រាក់បន្ថែម ២៨៩ ដុល្លារក្នុងមួយខែដល់ពលរដ្ឋអាយុពី ១៨ ដល់ ៣៤ ឆ្នាំដែលរកប្រាក់បានតិចជាង ២,១៥១ដុល្លារក្នុងមួយខែ សម្រាប់ការទូទាត់ថ្លៃជួលផ្ទះ។
គោលបំណងគឺដើម្បីឲ្យយុវជនកាន់តែច្រើន អាចរើចេញពីផ្ទះឪពុកម្តាយរបស់ពួកគេ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ កំពុងប្រជុំសុខៗ តំណាងរាស្រ្តអេស្ប៉ាញ ផ្អើលពេញសភា ព្រោះរឿងហួសចិត្តមួយ (មានវីដេអូ)
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore