ព័ត៌មានអន្ដរជាតិ
ថ្ងៃនេះ អាមេរិកជួបតាលីបង់ផ្ទាល់លើកដំបូងក្រោយដកទ័ពចេញពីក្រុងកាប៊ុល
សហរដ្ឋអាមេរិក និងតាលីបង់នឹងជួបគ្នាពិភាក្សាផ្ទាល់មុខគ្នាលើកដំបូងនាថ្ងៃសៅរ៍ ទី៩ ខែតុលានេះ ចាប់តាំងពីអាមេរិកបានដកកងទ័ពចេញពីប្រទេសអាហ្វហ្គានីស្ថាន។ នេះបើយោងតាមក្រសួងការបរទេសអាមេរិកបាននិយាយ។
អ្នកនាំពាក្យក្រសួងការបរទេសអាមេរិកបានឲ្យដឹងថា គណៈប្រតិភូអាមេរិកនឹងជួបតំណាងជាន់ខ្ពស់តាលីបង់នៅរដ្ឋធានីដូហា ប្រទេសកាតារ នាថ្ងៃសៅរ៍ និងអាទិត្យនេះ។
សហរដ្ឋអាមេរិកនៅបន្តទំនាក់ទំនងជាមួយតាលីបង់ ចាប់តាំងពីសត្រូវដ៏យូរអង្វែងបានកាន់កាប់ទីក្រុងកាប៊ុល នៅពេលកម្លាំងទ័ពអាមេរិកបានដកចេញ ប៉ុន្តែសម្រាប់ជំនួបផ្ទាល់មុខគ្នាមិនទាន់ធ្លាប់ត្រូវបានធ្វើឡើយទើបតែចាប់ផ្តើមនៅពេលនេះ។
អ្នកនាំពាក្យក្រសួងការបរទេសអាមេរិកបាននិយាយនៅថ្ងៃសុក្រម្សិលមិញថា ៖«យើងសង្កត់ធ្ងន់លើតាលីបង់ឲ្យគោរពសិទ្ធិពលរដ្ឋអាហ្វហ្គានីស្ថាន ក្នុងនោះសិទ្ធិស្ត្រី និងក្មេងស្រី ហើយត្រូវបង្កើតរដ្ឋាភិបាលរួបរួមដែលមានការគាំទ្រទូលំទូលាយ»។
«នៅពេលអាហ្វហ្គានីស្ថានប្រឈមនឹងការធ្លាក់ចុះសេដ្ឋកិច្ចធ្ងន់ធ្ងរ និងវិបត្តិមនុស្សធម៌ដែលអាចទៅរួច យើងក៏នឹងផ្តោតឲ្យតាលីបង់អនុញ្ញាតទីភ្នាក់ងារមនុស្សធម៌ចូលទៅកាន់តំបន់ដោយសេរីតាមសេចក្តីត្រូវការ»។ អ្នកនាំពាក្យបាននិយាយ។
ក្រសួងការបរទេសអាមេរិកបានសង្កត់ធ្ងន់ថា ជំនួបនេះមិនមែនបង្ហាញពីសហរដ្ឋអាមេរិកទទួលស្គាល់តាលីបង់គ្រប់អាហ្វហ្គានីស្ថានទេ។
អ្នកនាំពាក្យបញ្ជាក់ថា ៖«យើងនៅតែច្បាស់ថា ភាពស្របច្បាប់ណាមួយត្រូវតែទទួលបានតាមរយៈសកម្មភាពផ្ទាល់របស់តាលីបង់»។
ក្រុមសហរដ្ឋអាមេរិកក៏ផ្តោតសំខាន់លើអាទិភាពរបស់លោកប្រធានាធិបតី ចូ បៃដិន ដើម្បីឲ្យពលរដ្ឋអាមេរិក និងសម្ព័ន្ធមិត្តអាហ្វហ្គានីស្ថានកំឡុងពេលប្រតិបត្តិការយោធា២០ឆ្នាំបានចាកចេញពីប្រទេស៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore