ព័ត៌មានអន្ដរជាតិ

ធ្វើពិសោធធំ វ៉ាក់សាំង Pfizer ចាក់មនុស្សទាំងអស់នៅក្រុង Toledo

បានផុស

២ years មុន

នៅ

ថ្ងៃចន្ទ ១១ តុលា ២០២១

ដោយ

នៅទីក្រុង Toledo ភាគខាងត្បូងប្រទេសប្រេស៊ីល មិនមានអ្វីសង្ស័យច្រើនពីវ៉ាក់សាំងបង្ការកូវីដ-១៩ឡើយ។ តាមការឲ្យដឹងពីមន្ត្រីសាលាក្រុងថា ប្រហែលជា៩៨%នៃពលរដ្ឋដែលមានសិទ្ធិចាក់គឺយ៉ាងហោចណាស់ត្រូវទទួលបានការចាក់វ៉ាក់សាំងមួយដូស។

ភាគច្រើនបំផុតគឺទទួលបានការចាក់វ៉ាក់សាំង Pfizer ហើយសប្តាហ៍នេះ ក្រុមហ៊ុនវ៉ាក់សាំងបាននិយាយថា ពួកគេបានផ្តល់ឱកាស។ វ៉ាក់សាំង Pfizer បានប្រកាសថា មនុស្សទាំងអស់ចាប់ពីអាយុ១២ឆ្នាំឡើងទៅនឹងចាក់វ៉ាក់សាំងពេញដូសដើម្បីឲ្យពួកគេបានសិក្សាពីសុវត្ថិភាព និងប្រសិទ្ធភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Pfizer ដែលបានសហការជាមួយអាជ្ញាធរសុខាភិបាលមូលដ្ឋាន មន្ទីរពេទ្យ សាកលវិទ្យាល័យ និងកម្មវិធីចាក់វ៉ាក់សាំងថ្នាក់ជាតិរបស់ប្រេស៊ីលនឹងត្រវបានឆ្លងវីរុសកូរ៉ូណានៅក្នុង«ការរៀបចំសេណារីយ៉ូជីវិតពិតមួយ» បន្ទាប់ពីប្រជាជនទាំងអស់ទទួលបានចាក់វ៉ាក់សាំង Pfizer-BioNtec។ បន្ទាប់មក Pfizer បាននិយាយថា ខ្លួននឹងតាមដាន។

ការសិក្សានេះនឹងតាមដានអ្នកបានចាក់វ៉ាក់សាំងទាងអស់រហូតដល់រយៈពេលមួយឆ្នាំ និងស៊ើបអង្កេតថាតើវាមានប្រសិទ្ធភាពយូរកម្រិតណាដើម្បីប្រឆាំងនឹងកូវីដ-១៩ និងវីរុសបំប្លែងខ្លួនលេចចេញថ្មីៗទៀត។

លោក Beto Lunitti អភិបាលក្រុង Toledo បានប្រកាសពីការសិក្សានិងស៊ើបអង្កេតរបស់ក្រុមហ៊ុនវ៉ាក់សាំង Pfizer ថា ៖«នៅទីនេះ យើងជឿលើវិទ្យាសាស្ត្រ និងកាន់ទុក្ខដល់ជនរងគ្រោះដែលប្រហែលជា៦០ម៉ឺននាក់បានស្លាប់ដោយសារកូវីដនៅប្រេស៊ីល»។

ការសិក្សាត្រូវបានធ្វើឡើង បន្ទាប់ពីការពិសោធលើការចាក់វ៉ាក់សាំងដល់មនុស្សធំពេញស្ទើរទាំងអស់នៅទីប្រជុំជន Serrana ភាគខាងត្បូងប្រទេសប្រេស៊ីល។ ការពិសោធនេះត្រូវបានគេជឿថា ជាការសាកល្បងទ្រង់ទ្រាយធំជាងគេបំផុតលើកដំបូង បើប្រៀបធៀបនឹងប្រទេសផ្សេងៗលើលោក៕

ប្រែសម្រួល៖ វីរបុត្រ
ប្រភព៖ reuters

Related Topics:កូវីដ-១៩