ព័ត៌មានអន្ដរជាតិ
មើលវីដេអូនេះហើយទើបដឹងថា ទាហាន កូរ៉េខាងជើង មានសមត្ថភាពខ្លាំងក្លាប៉ុនណា
ទូរទស្សន៍កូរ៉េខាងជើងបានបញ្ចេញវីដេអូមួយដែលបង្ហាញពីទាហានមកពីកងកម្លាំងប្រដាប់អាវុធរបស់ប្រទេសនេះសម្តែងក្បាច់គុនប្លែកៗជាច្រើន ។
យោងតាមសារព័ត៌មាន The Independent បានឲ្យដឹងថា ការបង្ហាញនេះបានកើតឡើង ក្នុងកម្មវិធីសម្តែង “ការការពារខ្លួនរបស់យោធា” កាលពីថ្ងៃចន្ទ ។
នៅក្នុងវីដេអូនេះ គេមើលឃើញទាហានបង្ហាញនូវភាពខ្លាំងក្លារបស់ខ្លួន ដូចជា ការវាយដំរាងកាយរបស់ពួកគេដោយដំបងឈើ ក៏ដូចជាវាយបំបែកឥដ្ឋ និងថ្មដោយប្រើដៃ ជើង និងក្បាលរបស់ពួកគេ ។
ក្នុងអំឡុងពេលបង្ហាញពីភាពខ្លាំងក្លាដែលមើលទៅដូចជាការធ្វើទារុណកម្មនោះ ទាហាន ២ នាក់ទៀតបានដាក់ចម្រឹងដែកដ៏មុតស្រួចទល់នឹងបំពង់ ក ពួកគេទាំងសងខាង ហើយបញ្ចេញកម្លាំងរុញផ្អឹតគ្នារហូតដល់ដែកកោង ។
ការបង្ហាញមួយទៀតរឹតតែអស្ចារ្យគឺ ទាហានដោះអាវដេកនៅលើកម្ទេចកញ្ចក់ ហើយដាក់ដុំថ្មពីលើពោះ បន្ទាប់មកទាហានម្នាក់ទៀតបានយកញញួរវាយកម្ទេចថ្មនោះ ។
ទន្ទឹមនោះលោក គីម ជុងអ៊ុន ក៏ត្រូវបានគេមើលឃើញនៅក្នុងការបង្ហាញនោះផងដែរ ហើយបានទះដៃអបអរសាទរអំពីភាពក្លាហាន និងខ្លាំងក្លារបស់ទាហានលោក ។
គួរបញ្ជាក់ថា ការបង្ហាញនេះកើតឡើង នៅពេលដែលលោក គីម ជុនអ៊ុន បានស្តីបន្ទោសអាមេរិកចំពោះអស្ថិរភាពនៅក្នុងតំបន់ ហើយបានប្រកាសថា កូរ៉េខាងជើងបានប្តេជ្ញាបង្កើតកងទ័ពដែលគ្មានអ្នកណាអាចយកឈ្នះបាន ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ កូរ៉េខាងជើង ចោទ ទីក្រុងវ៉ាស៊ីនតោន កំពុងបង្កើនភាពតានតឹង និងចង់បង្កសង្គ្រាមនៅឧបទ្វីបកូរ៉េ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង