ព័ត៌មានអន្ដរជាតិ
ជាង ៤ម៉ឺន នាក់នៅអង់គ្លេស តេស្តរហ័សឃើញកូវីដ តែតេស្តម៉ាស៊ីនធំ បែរជា អវិជ្ជមាន
ការធ្វើតេស្តរកវីរុសកូវីដ-១៩ ត្រូវបានផ្អាកនៅមន្ទីរពិសោធន៍ឯកជនមួយកន្លែង ក្នុងទីក្រុង Wolverhampton ប្រទេសអង់គ្លេស បន្ទាប់ពីមនុស្សប្រមាណ ៤៣,០០០ នាក់ ទទួលបានលទ្ធផលមិនត្រឹមត្រូវ។
ការស៊ើបអង្កេតមួយ បានបើកដំណើរការចូលទៅក្នុងរបាយការណ៍អំពីមនុស្សទទួលបានលទ្ធផលតេស្តម៉ាស៊ីនធំ PCR អវិជ្ជមាន បន្ទាប់ពីពួកគេទទួលបានលទ្ធផលវិជ្ជមាន ពេលធ្វើតេស្តរហ័ស។
សេវាកម្មធ្វើតេស្តនិងតាមដាន NHS បានប៉ាន់ប្រមាណថា សំណាកតេស្តរកមេរោគកូវីដចំនួន ៤០០,០០០ សំណាក ត្រូវបានពិនិត្យក្នុងមន្ទីរពិសោធន៍គ្លីនិកសុខភាព Immensa នៅទីក្រុង Wolverhampton ហើយមនុស្សប្រមាណ ៤៣,០០០ នាក់ អាចត្រូវបានគេផ្តល់ឲ្យនូវលទ្ធផលមិនត្រឹមត្រូវ ចន្លោះថ្ងៃទី ៨ ខែកញ្ញាដល់ថ្ងៃទី ១២ ខែតុលា។
យ៉ាងណាក្តី សេវាកម្មនេះបានអះអាងថា មិនមានបញ្ហាបច្ចេកទេសជាមួយការតេស្តរហ័សឬការតេស្តម៉ាស៊ីន PCR ទេ ហើយបន្ថែមថា មន្ទីរពិសោធន៍ផ្សេងទៀតកំពុងដំណើរការធម្មតា។
សេវាកម្មធ្វើតេស្តនិងតាមដាន កំពុងទាក់ទងមនុស្សដែលអាចឆ្លងរោគ ដើម្បីណែនាំពួកគេឲ្យធ្វើតេស្តម្តងទៀត ខណៈអ្នកមានទំនាក់ទំនងជិតស្និទ្ធដែលចេញរោគសញ្ញា ក៏នឹងត្រូវបានជំរុញឲ្យទៅធ្វើតេស្តផងដែរ។
លោកវេជ្ជបណ្ឌិត Will Welfare នាយកផ្នែកសុខភាពសាធារណៈនៅទីភ្នាក់ងារសន្តិសុខសុខភាពចក្រភពអង់គ្លេស បាននិយាយថា “ថ្មីៗនេះ យើងបានមើលឃើញចំនួននៃលទ្ធផលតេស្តរហ័សវិជ្ជមានកើនឡើងជាបន្តបន្ទាប់ ខណៈការធ្វើតេស្តម៉ាស៊ីន PCR បែរជាអវិជ្ជមាន”។
ជាលទ្ធផលនៃការស៊ើបអង្កេតរបស់យើង យើងកំពុងធ្វើការជាមួយសេវាកម្មធ្វើតេស្តនិងតាមដាន NHS និងក្រុមហ៊ុន ដើម្បីកំណត់បញ្ហាបច្ចេកទេសមន្ទីរពិសោធន៍ ដែលនាំឲ្យចេញលទ្ធផល PCR មិនត្រឹមត្រូវ។ យើងបានផ្អាកការធ្វើតេស្តភ្លាមៗនៅមន្ទីរពិសោធន៍នេះ ហើយយើងកំពុងបន្តការស៊ើបអង្កេត៕
ប្រែសម្រួល៖ Vann Vann
ប្រភព៖ Sky
ចុចអាន៖ ពិតដូច ថៃ ថាទេ? អ្នកកើតផ្តាសាយ ធ្វើតេស្តរហ័ស ក៏ឃើញកូវីដដែរ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល