ក្រុមមនុស្ស ២ប្រភេទ កំពុងរងគ្រោះខ្លាំង ដោយសារកូវីដ នៅ ចក្រភពអង់គ្លេស

អត្រាឆ្លងកូវីដនៅចក្រភពអង់គ្លេស បានវិលត្រឡប់មកកម្រិតដូចខែមករាវិញហើយ ដោយមានការឆ្លងមួយលានករណី ហើយក្រុមមនុស្សពីរប្រភេទ កំពុងរងផលប៉ះពាល់ធ្ងន់ធ្ងរបំផុត។

យោងតាមការិយាល័យស្ថិតិជាតិ (ONS) បានឲ្យដឹងថា ការឆ្លង បានកើនឡើងខ្លាំងបំផុតក្នុងចំណោមសិស្សសាលាអាយុ ៧ដល់១១ឆ្នាំ និងមនុស្សអាយុ៥០ឆ្នាំឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួលេខក៏បានបង្ហាញផងដែរថា មនុស្សម្នាក់ក្នុងចំណោម៦០នាក់នៅក្នុងគ្រួសារឯកជននៅប្រទេសអង់គ្លេស បានឆ្លងជំងឺកូវីដ-១៩ ក្នុងរយៈពេលមួយសប្តាហ៍គិតត្រឹមថ្ងៃទី ៩ ខែតុលា ពោលគឺកើនឡើងពី ម្នាក់ក្នុងចំណោម ៧០ នាក់កាលពីសប្តាហ៍មុន។

គួរបញ្ជាក់ថា ម្នាក់ក្នុងចំណោម ៦០ នាក់គឺស្មើនឹងមនុស្សប្រហែល ៨៩០,០០០ នាក់។

នៅពេលវិបត្តិកូវីដរលកទីពីរឈានដល់ចំណុចកំពូលកាលពីដើមខែមករា មនុស្សប្រហែលម្នាក់ក្នុងចំណោម ៥០ នាក់ត្រូវបានគេប៉ាន់ស្មានថា ផ្ទុកមេរោគឆ្លង។

ONS និយាយថា “ទិន្នន័យពីការស្ទាបស្ទង់ ការឆ្លងមេរោគកូវីដ-១៩ បានបង្ហាញថា មនុស្សមួយលាននាក់នៅទូទាំងចក្រភពអង់គ្លេស មានផ្ទុកវីរុសកូវីដ-១៩ នៅសប្តាហ៍ចុងក្រោយនេះ ស្របពេលការឆ្លងបានកើនឡើងនៅទូទាំងប្រទេសអង់គ្លេស និងវេលស៍ ប៉ុន្តែបានធ្លាក់ចុះនៅស្កុតឡែន”៕

ប្រែសម្រួល៖ Vann Vann

ប្រភព៖ Mirror

ចុចអាន៖ ជាង ៤ម៉ឺន នាក់នៅអង់គ្លេស តេស្តរហ័សឃើញកូវីដ តែតេស្តម៉ាស៊ីនធំ បែរជា អវិជ្ជមាន