កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

បានផុស

នៅ

ទីភ្នាក់ងារអាកាសធាតុរបស់កូរ៉េខាងត្បូងបាននិយាយថា សីតុណ្ហភាពនៅទីក្រុងសេអ៊ូលបានធ្លាក់ចុះយ៉ាងខ្លាំងដល់ជិត ១ អង្សាសេនៅថ្ងៃអាទិត្យនេះ ហើយជាពេលត្រជាក់បំផុតសម្រាប់ពាក់កណ្តាលខែតុលា ក្នុងរយៈពេល ៦៤ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរដ្ឋបាលឧតុនិយមកូរ៉េ (KMA) បានឲ្យដឹងថា សីតុណ្ហភាពទាបបំផុតនៅពេលព្រឹកក្នុងទីក្រុងសេអ៊ូលបានចុះដល់ ១.៣ អង្សាសេ ពោលជាកម្រិតទាបបំផុត ចាប់តាំងពីថ្ងៃទី ១៩ ខែតុលា ឆ្នាំ ១៩៥៧ នៅពេលដែលសីតុណ្ហភាពធ្លាក់ដល់ដក ០.៤ អង្សាសេ ។

ចំណែកតំបន់ខ្លះនៃទីក្រុងស៊េអូល សីតុណ្ហភាពបានធ្លាក់ចុះដល់ក្រោមសូន្យ ហើយការធ្លាក់ដុំទឹកកកលើកដំបូងនៃរដូវរងារ ត្រូវបានគេឃើញនៅក្នុងទីក្រុង ពោលគឺលឿនជាងរដូវមុនៗរយៈពេល ១៧ ថ្ងៃ ។

ទន្ទឹមនោះ អាកាសធាតុត្រជាក់ក៏បានប៉ះពាល់ដល់ផ្នែកផ្សេងទៀតនៃប្រទេសផងដែរ ដោយសីតុណ្ហភាពជាមធ្យមទូទាំងប្រទេសធ្លាក់ចុះជាង ១០ អង្សាសេកាលពីប៉ុន្មានថ្ងៃមុន ។

ទីភ្នាក់ងារខាងលើបាននិយាយទៀតថា សីតុណ្ហភាពនៅលើភ្នំ Seorak ក្នុងខេត្ត Gangwon បានធ្លាក់ចុះដល់ដក ៩.៣ អង្សាសេនៅព្រឹកព្រលឹម ហើយព្រំប្រទល់ទីក្រុង Yeoncheon បានឃើញការធ្លាក់ចុះសីតុណ្ហភាពដល់ដក ៣.៩ អង្សាសេ ។

យោងតាមទីភ្នាក់ងារនេះបានឲ្យដឹងថា ការធ្លាក់សីតុណ្ហភាពចុះយ៉ាងខ្លាំងនេះត្រូវបានគេរំពឹងថានឹងបន្តរហូតដល់សប្តាហ៍ក្រោយ ៕

ប្រែសម្រួលដោយ ៖ ជីវ័ន្ត

ប្រភព ៖ Yonhap

ចុចអាន ៖ កូរ៉េខាងជើង រិះគន់រឿង “Squid Game” លាតត្រដាងពិភពលោកឲ្យដឹងពីវប្បធម៌គិតតែលុយរបស់ កូរ៉េខាងត្បូង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services