ព័ត៌មានអន្ដរជាតិ
ស៊ីរីកាត់ទោសប្រហារជីវិតមនុស្ស២៤នាក់ពីបទដុតបំផ្លាញព្រៃឈើ
ប្រទេសស៊ីរីបានកាត់ទោសប្រហារជីវិតមនុស្ស២៤នាក់ដែលត្រូវបានចោទប្រកាន់ពីដុតបំផ្លាញព្រៃឈើនៅខេត្តឆ្នេរ Latakia ជាកន្លែងជីដូនជីតារបស់ប្រធានាធិបតី Bashar al Assad។ ក្រសួងយុត្តិធម៌បាននិយាយកាលពីថ្ងៃព្រហស្បតិ៍ ទី២១ ខែតុលា។
ក្រសួងយុត្តិធម៌បាននិយាយថា អ្នកដែលត្រូវបានប្រហារជីវិតកាលពីថ្ងៃពុធត្រូវបានចោទប្រកាន់ពីការប្រព្រឹត្តភេរវកម្មដែលបណ្តាលឲ្យស្លាប់ និងខូចខាតហេដ្ឋារចនាសម្ព័ន្ធរដ្ឋ ទ្រព្យសម្បត្តិសាធារណៈ និងឯកជន។
ក្រសួងនិយាយថា ១១នាក់ផ្សេងទៀតត្រូវបានកាត់ទោសឲ្យជាប់ពន្ធនាគារអស់មួយជីវិតលើបទចោទប្រកាន់ដូចគ្នាពីការចាប់ខ្លួនជាច្រើននាក់នៅបំណាច់ឆ្នាំមុនដែលសារភាពថា បានដុតភ្លើងចាប់ពីខែកញ្ញា ឆ្នាំ២០២០ និងរហូតដល់ពាក់កណ្តាលខែតុលា។
ទោះបីជាការកាត់ទោសប្រហារជីវិតជារឿងធម្មតានៅក្នុងប្រទេសមួយនេះដែលមានឧបករណ៍សន្តិសុខដ៏មានឥទ្ធិពល ប៉ុន្តែវាជារឿងកម្រដែលផ្សព្វផ្សាយជាសាធារណៈនូវចំនួននៃការកាត់ទោសប្រហារជីវិតច្រើននាក់ក្នុងតែមួយថ្ងៃ។
សេចក្តីប្រកាសរបស់ក្រសួងយុត្តិធម៌បាននិយាយថា អគ្គិភ័យជាច្រើនបានលេបត្របាក់ព្រៃឈើយ៉ាងច្រើន បំផ្លាញកសិកម្ម ផ្ទះសម្បែងជាច្រើនតាមភូមិ និងទីប្រជុំជនរបស់ខេត្ត Latakia និងខេត្ត Tartous ព្រមទាំងភាគកណ្តាលខេត្ត Hama។
សេចក្តីលំអិតមិនត្រូវបានបង្ហាញទេថាតើកន្លែងណាដែលការប្រហារជីវិតត្រូវបានធ្វើឡើងនៅក្នុងប្រទេសដែលក្រុមសិទ្ធិមនុស្សអន្តរជាតិនិយាយថា អ្នកជាប់ឃុំជាច្រើនត្រូវបានប្រហារជីវិតដោយគ្មានការកាត់ទោសនៅតុលាការ ហើយពន្ធនាគារមានអ្នកទោសរាប់ពាន់នាក់៕
ប្រែសម្រួល៖ វីរបុត្រ
ប្រភព៖ reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង