ព័ត៌មានអន្ដរជាតិ
ចិន ផ្ដល់អាទិភាពដល់ក្រុមនិស្សិត ថៃ ត្រឡប់ទៅរៀនមុនគេ ពេលបើកប្រទេសឡើងវិញ
ឯកអគ្គរដ្ឋទូតចិនលោក Han Zhiqiang បាននិយាយថា និស្សិតមកពីប្រទេសថៃនឹងក្លាយជាក្រុមដំបូងគេដែលត្រូវបានអនុញ្ញាតឲ្យត្រឡប់ទៅរៀននៅប្រទេសចិនសាជាថ្មី នៅពេលដែលចិនបើកប្រទេសឡើងវិញ ។
ប្រទេសថៃមានសិស្សនិស្សិតជាង ៣០,០០០ នាក់បានចុះឈ្មោះក្នុងកម្មវិធីអប់រំនៅក្នុងប្រទេសចិន ដែលជាប្រទេសមាននិស្សិតបរទេសច្រើនជាងគេទី ២ បន្ទាប់ពីប្រទេសកូរ៉េខាងត្បូង ។
ប្រទេសចិនបានបិទព្រំដែនរបស់ខ្លួននៅក្នុងខែមីនា ឆ្នាំ ២០២០ នៅពេលដែលជំងឺរាតត្បាតកូវីដ ១៩ បានផ្ទុះឡើង ។ ក្រោយមកទិដ្ឋាការអន្តរជាតិត្រូវបានផ្អាក ហើយប្រទេសនេះមិនត្រូវបានបើកចំហទទួលសម្រាប់ជនបរទេសឡើយ ។
ប៉ុន្តែជាមួយនឹងចំនួននៃករណីឆ្លង និងការស្លាប់បានធ្លាក់ចុះក្នុងរយៈពេលប៉ុន្មានខែចុងក្រោយនេះ សិស្សនិស្សិតថៃបានអន្ទះសារចង់ត្រលប់ទៅថ្នាក់រៀនរបស់ពួកគេវិញ ។
ទន្ទឹមនោះឯកអគ្គរដ្ឋទូតលោក Han Zhiqiang បានពន្យល់ថា ប្រទេសចិនបានឃើញការកើនឡើងនៃករណីឆ្លងកូវីដដែលនាំចូលពីបរទេស ។ ករណីទាំងនេះបាននាំឲ្យចិនបង្កើនការធ្វើតេស្ត និងការឃ្លាំមើលទ្រង់ទ្រាយធំ ដើម្បីទប់ស្កាត់ការផ្ទុះឡើងណាមួយផ្សេងទៀត ។
លោកបានបន្ថែមថា ជាពិសេសនោះគឺការប្រុងប្រយ័ត្ននឹងត្រូវធ្វើឡើងជាមួយសាកលវិទ្យាល័យតែម្ដង ពោលជាកន្លែងដែលហ្វូងមនុស្សច្រើនប្រឈមនឹងហានិភ័យនៃការឆ្លងមេរោគ ។
ប៉ុន្តែបើទោះជាយ៉ាងនេះក្ដី លោកបានបញ្ជាឲ្យអ្នកប្រឹក្សាអប់រំ ជួយសម្របសម្រួលរវាងសិស្សថៃ និងសាលាចិន ក្នុងគោលបំណងជួយពួកគេឲ្យសម្រេចបានគោលដៅសិក្សា ។ លោកក៏បានអត្ថាធិប្បាយផងដែរថា លោកកំពុងធ្វើការជាមួយមន្ត្រីអប់រំចិន ដើម្បីធានាការវិលត្រឡប់របស់និស្សិតថៃ នៅពេលដែលជំងឺកូវីដ ១៩ ត្រូវបានគ្រប់គ្រងយ៉ាងពេញលេញ ។
ជាចុងក្រោយលោក Han បញ្ជាក់ថា “ប្រសិនបើរដ្ឋាភិបាលចិនបានត្រៀមខ្លួនរួចជាស្រេចក្នុងការអនុញ្ញាតឲ្យនិស្សិតអន្តរជាតិរាប់សែននាក់ត្រឡប់មកវិញនោះ និស្សិតថៃនឹងក្លាយជាក្រុមមនុស្សដំបូងគេដែលត្រូវបានអនុញ្ញាត” ៕
ប្រែសម្រួលដោយ ៖ ជីវ័ន្ត
ប្រភព ៖ Thaiger
ចុចអាន ៖ ចិន បង្កើតឧបករណ៍តេស្តកូវីដតាមដង្ហើម ឃើញលទ្ធផលក្នុងពេលត្រឹម ១០ នាទី ឯប្រសិទ្ធភាពកប់
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)