ចិន ឆ្លើយតបទៅអាមេរិក ទាំងកំហឹង ក្រោយលោក បៃដិន​ ប្រកាស ការពារកោះតៃវ៉ាន់
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ចិន ឆ្លើយតបទៅអាមេរិក ទាំងកំហឹង ក្រោយលោក បៃដិន​ ប្រកាស ការពារកោះតៃវ៉ាន់

បានផុស

នៅ

ប្រទេសចិន បានឆ្លើយតបដោយកំហឹងចំពោះសហរដ្ឋអាមេរិក បន្ទាប់ពីលោកប្រធានាធិបតី ចូ បៃដិន បានអះអាងថា ទីក្រុងវ៉ាស៊ីនតោន នឹងការពារកោះតៃវ៉ាន់ ប្រសិនបើរងការវាយប្រហារដោយប្រទេសចិន ដែលបង្កឲ្យមានការភ័យខ្លាចផ្ទុះសង្គ្រាមលោកលើកទី៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបទៅនឹងការអត្ថាធិប្បាយរបស់លោក បៃដិន, អ្នកនាំពាក្យក្រសួងការបរទេសចិន លោក Wang Wenbin បាននិយាយថា គ្មានផ្លូវដែលប្រទេសចិន ត្រូវសម្របសម្រួលលើបញ្ហាកោះតៃវ៉ាន់នោះទេ។

អ្នកនាំពាក្យក្រសួងការបរទេសចិន លោក Wang Wenbin

លោកនិយាយថា “នៅពេលនិយាយអំពីបញ្ហាទាក់ទងនឹងអធិបតេយ្យភាពនិងបូរណភាពទឹកដីរបស់ចិននិងផលប្រយោជន៍ស្នូលផ្សេងទៀត គ្មានកន្លែងសម្រាប់ចិនក្នុងការសម្របសម្រួលឬធ្វើសម្បទានឡើយ។

គ្មាននរណាម្នាក់អាចមើលស្រាលការប្តេជ្ញាចិត្តដ៏មុតមាំ និងសមត្ថភាពដ៏រឹងមាំរបស់ប្រជាជនចិន ក្នុងការការពារអធិបតេយ្យភាពជាតិ និងបូរណភាពទឹកដីបានទេ។ កោះតៃវ៉ាន់គឺជាផ្នែកមួយដែលមិនអាចកាត់ផ្តាច់បាននៃទឹកដីរបស់ចិន។ បញ្ហា​តៃវ៉ាន់​ គឺ​ជា​កិច្ចការ​ផ្ទៃក្នុង​របស់​ចិន​សុទ្ធសាធ ដែល​មិន​អនុញ្ញាត​ឲ្យ​មាន​ការ​ធ្វើ​អន្តរាគមន៍​ពី​បរទេសឡើយ។

ការអត្ថាធិប្បាយរបស់ប្រធានាធិបតីសហរដ្ឋអាមេរិក គឺជាលើកទីពីរហើយ ចាប់តាំងពីខែសីហាមក ដែលកាលនោះ លោកបានព្រមានអំពីការដែលអាមេរិកទៅជួយតៃវ៉ាន់ ក្នុងករណីមានការវាយប្រហារពីចិន។

ក្នុងកម្មវិធី CNN town hall កាលពីយប់ថ្ងៃព្រហស្បតិ៍ ពិធីករ CNN លោក Anderson Cooper បានសួរទៅលោក បៃដិន ថា “តើអ្នកកំពុងនិយាយថាអាមេរិកនឹងការពារតៃវ៉ាន់ ប្រសិនបើចិនវាយប្រហារមែនទេ?”។ ពេលនោះលោកប្រធានាធិបតីបានឆ្លើយតបថា “មែនហើយ យើងមានការប្តេជ្ញាចិត្តក្នុងការធ្វើដូច្នេះ”។

ប្រធានាធិបតីសហរដ្ឋអាមេរិកលោក ចូ បៃដិន

ស្របពេលជាមួយគ្នានោះដែរ ទស្សនិកជនម្នាក់បានសួរទៅលោក Biden អំពីការធ្វើតេស្តមីស៊ីលលឿនជាងសំឡេងរបស់ចិននាពេលថ្មីៗនេះ ហើយបានសួរទៅលោកថា តើសហរដ្ឋអាមេរិកនឹងប្រឆាំងចិនដែរឬក៏អត់?

លោក បៃដិន បានឆ្លើយតបថា កុំព្រួយបារម្ភអំពីថាតើអាវុធទាំងនោះមានកម្លាំងខ្លាំងប៉ុនណា សហរដ្ឋអាមេរិកមានយោធាខ្លាំងបំផុតនៅលើពិភពលោក៕

ប្រែសម្រួល៖ Vann Vann

ប្រភព៖ Daily Star

ចុចអាន៖ បៃដិន ប្រកាសក្តែងៗ អាមេរិក នឹងការពារតៃវ៉ាន់ បើ ចិន វាយប្រហារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៤ នាទី មុន

និស្សិត​ឆ្នើម​៨ នាក់​ទទួលបាន​ការហាត់​ការ​ដែលមាន​ប្រាក់ឧបត្ថម្ភ​ជាមួយ​ក្រុមហ៊ុន Axiata ក្នុង​កម្មវិធី SmartEdu USDP រដូវ​កាល​ទី​៣

ព័ត៌មានជាតិ២២ នាទី មុន

រដ្ឋបាលខេត្ត​រតនគិរី គ្រោង​នឹង​បំពាក់​ភ្លើង​បំភ្លឺ​ផ្លូវ​សាធារណៈ ដោយ​ប្រព័ន្ធ​បច្ចេកវិទ្យា​ឆ្លាត​វ៉ៃ នៅក្នុង​ភូមិសាស្ត្រ​ខេត្ត​

ព័ត៌មានជាតិ៣៤ នាទី មុន

អភិបាល​រាជធានី ជំរុញ​ឲ្យ​អាជ្ញាធរ​ចាត់វិធានការ​ឲ្យ​បាន​ម៉ឺងម៉ាត់​លើ​ការរៀបចំ​សណ្ដាប់ធ្នាប់​តាម​ដង​ទន្លេ​និង​នៅតាម​ដងផ្លូវ​សាធារណៈ

សុខភាព៥៨ នាទី មុន

៧ វិធីងាយៗ ជួយព្យាបាលបបូរមាត់ខ្មៅឲ្យប្រែជាស៊ីជម្ពូ និង ទន់ល្មើយ

ចរាចរណ៍១ ម៉ោង មុន

រថយន្តសាំយ៉ុងដាច់ហ្វ្រាំងបុករថយន្តសណ្ដោង រងរបួសធ្ងន់ស្រាលជាច្រើននាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services