ព័ត៌មានអន្ដរជាតិ

WHO និងដៃគូដាក់គម្រោងទឹកប្រាក់២៣.៤ប៊ីលានដុល្លារកម្ចាត់កូវីដ

បានផុស

២ years មុន

នៅ

ថ្ងៃសុក្រ ២៩ តុលា ២០២១

ដោយ

អង្គការសុខភាពពិភពលោក (WHO) និងដៃគូកាលពីថ្ងៃព្រហស្បតិ៍ម្សិលមិញបានចេញផែនការដែលមានថវិកា២៣.៤ប៊ីលានដុល្លារអាមេរិកដើម្បីនាំវ៉ាក់សាំង ការធ្វើតេស្ត និងថ្នាំព្យាបាលសម្រាប់ប្រយុទ្ធកូវីដ-១៩ដល់ប្រទេសក្រីក្រនៅឆ្នាំថ្មី ហើយក៏បានអំពាវនាវឲ្យមេដឹកនាំបណ្តាប្រទេស G20 ដែលជួបប្រជុំកំពូលចុងសប្តាហ៍នេះផ្តល់ថវិកា។

មហិច្ឆតារបស់ផែនការដែលបានគូសបង្ហាញពីយុទ្ធសាស្ត្រនៃការទទួលបានឧបករណ៍ល្បឿនកូវីដ-១៩ (ACT-A) រហូតដល់ខែកញ្ញា ឆ្នាំ២០២២រំពឹងរាប់បញ្ចូលទាំងការប្រើប្រាស់ថ្នាំគ្រាប់ព្យាបាលកូវីដរបស់ក្រុមហ៊ុន Merck & Co ដែលព្យាបាលជំងឺកូវីដកម្រិតស្រាល និងមធ្យម។

ផែនការបាននិយាយថា ប្រសិនបើថ្នាំគ្រាប់ Molnupiravir ទទួលបានការអនុម័តជាផ្លូវការពីអាជ្ញាធរឱសថ តោះតរម្លៃក្នុង១សិតត្រឹមតែ១០ដុល្លារប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Carl Bildt បេសកជនពិសេសរបស់ WHO នៅ ACT-A បាននិយាយថា ៖«សំណើរគឺកញ្ចប់ថវិកាចំនួន២៣.៤ប៊ីលានដុល្លារអាមេរិក។ ចំនួនលុយនេះគឺច្រើន ប៉ុន្តែបើប្រៀបធៀបនឹងការខូចខាតសេដ្ឋកិច្ចសកលដែលវាយប្រហារដោយកូវីដគឺមិនច្រើនទេ»។

លោក Bildt ដែលជាអតីតនាយករដ្ឋមន្ត្រីស៊ុយអែតបានទទួលស្គាល់ថា ACT-A ជួបការលំបាកដើម្បីធានាហិរញ្ញវត្ថុកន្លងមក និងកត់សំគាល់ថា ប្រទេសន័រវេស និងអាហ្វ្រិកខាងត្បូងជាសហប្រធានក្នុងកិច្ចប្រឹងប្រែងរៃអង្គាសប្រាក់។

លោកមានប្រសាសន៍ថា ៖«ដូច្នេះយើងសង្ឃឹមលើសញ្ញាដ៏ខ្លាំងពីប្រទេស G20 ដែលនឹងប្រជុំនៅទីក្រុងរ៉ូមចុងសប្តាហ៍នេះ»។

ថវិកា៧ប៊ីលានដុល្លារអាមេរិកដូចគ្នាត្រូវផ្តល់សម្រាប់វ៉ាក់សាំង និងការធ្វើតេស្ត ខណៈ៥.៩ប៊ីលានដុល្លារសម្រាប់ការបង្កើនប្រព័ន្ធសុខាភិបាល ហើយ៣.៥ប៊ីលានដុល្លារសម្រាប់ការព្យាបាលក្នុងនោះមានថ្នាំគ្រាប់ និងអ៊ុកស៊ីសែនជាដើម។

ប្រធានវិទ្យាសាស្ត្រ WHO លោកស្រី Soumya Swaminathan បានឲ្យដឹងថា គម្រោង COVAX ដែលផ្តោតលើវ៉ាក់សាំងរបស់ ACT-A បានចែកចាយវ៉ាក់សាំងបង្ការកូវីដ-១៩ប្រហែលជា៤០០លានដូសប៉ុណ្ណោះដល់ប្រទេសចំណូលទាប និងមធ្យមជាង១៤០ទូទាំងពិភពលោក ដែលចំនួននេះមានកម្រិតទាប៕

ប្រែសម្រួល៖ វីរបុត្រ
ប្រភព៖ Reuters