ព័ត៌មានអន្ដរជាតិ
ឥណ្ឌាសន្យាធ្វើឲ្យការបំភាយឧស្ម័នសូន្យច្រើនឆ្នាំជាងចិន អាមេរិក និងអឺរ៉ុប
លោកនាយករដ្ឋមន្ត្រីឥណ្ឌា Narendra Modi បានធ្វើការសន្យាលុបបំបាត់ការបំភាយឧស្ម័នឲ្យកម្រិតសូន្យរហូតដល់ឆ្នាំ២០៧០ ដែលនេះជាការដាក់គោលដៅលើកដំបូងរបស់ប្រទេសឥណ្ឌា ខណៈបេសកកម្មនៃកិច្ចប្រជុំស្តីពីអាកាសធាតុកំពូល COP26 ដាក់គោលដៅត្រឹមឆ្នាំ២០៥០។
សូន្យសុទ្ធ ឬការក្លាយជាកាបូនធម្មជាតិសុទ្ធមានន័យថា មិនបន្ថែមទៅលើចំនួនឧស្ម័នផ្ទះកញ្ចក់ចូលទៅក្នុងបរិយាកាស។
ប្រទេសចិនបានប្រកាសពីផែនការរបស់ខ្លួនសម្រាប់ឧស្ម័នធម្មជាតិសុទ្ធត្រឹមឆ្នាំ២០៦០ ខណៈសហរដ្ឋអាមេរិក និងសហភាពអឺរ៉ុបដាក់គោលដៅត្រឹមឆ្នាំ២០៥០។
មេដឹកនាំឥណ្ឌាស្ថិតក្នុងចំណោមមេដឹកនាំជាង១២០រូបបានចូលរួមកិច្ចប្រជុំស្តីពីអាកាសធាតុកំពូលនៅទីក្រុង Glasgow។ កាលពីថ្ងៃចន្ទមានការថ្លែងសុន្ទរកថាជាច្រើនបង្ហាញពីគោលដៅរបស់ខ្លួនជុំវិញវិបត្តិអាកាសធាតុដូចជានាយករដ្ឋមន្ត្រីអង់គ្លេសលោក Boris Johnson, ប្រធានាធិបតីអាមេរិកលោក ចូ បៃដិន និងអគ្គលេខាធិការអង្គការសហប្រជាជាតិលោក António Guterres ជាដើម។
ឥណ្ឌាជាប្រទេសបញ្ចេញឧស្ម័នកាបូនឌីអុកស៊ីតធំបំផុតលំដាប់ទី៤ក្នុងពិភពលោក បន្ទាប់ពីចិន អាមេរិក និងអឺរ៉ុប។
លោក Modi បានធ្វើការសន្យាដែលជាការសន្យាមួយក្នុងចំណោម៥ពីប្រទេសរបស់លោក។ ការសន្យាទាំងនោះមានដូចជាធ្វើឲ្យទទួលបាន៥០%នៃថាមពលកើតឡើងវិញត្រឹមឆ្នាំ២០៣០ ហើយនៅឆ្នាំដដែលនោះ កាត់បន្ថយការសាយភាយកាបូនសរុបឲ្យបាន១ប៊ីលានតោន។
ខណៈគោលដៅឧស្ម័នសូន្យសុទ្ធឆ្នាំ២០៧០អាចនឹងធ្វើឲ្យសកម្មជន និងអ្នកជំនាញនៅ Glasgow ខកចិត្ត លោក Modi ទំនងជាធ្វើឲ្យមានការចាប់អារម្មណ៍ពីគោលដៅរបស់ខ្លួន។
អ្នកសារព័ត៌មានរបស់ BBC លោក Vikas Pandey បានរាយការណ៍ថា លោកនាយករដ្ឋមន្ត្រីឥណ្ឌាទំនងជារកឃើញចំណុចកណ្តាលសម្រាប់មូលដ្ឋានរបស់ខ្លួន ដោយសារលោកត្រូវបានគេមើលឃើញកំពុងធ្ងន់ធ្ងរអំពីការប្រែប្រួលអាកាសធាតុ ប៉ុន្តែដោយគ្មានការសម្របសម្រួលពីសក្តានុពលលើសេដ្ឋកិច្ចរបស់ឥណ្ឌា៕
ប្រែសម្រួល៖ វីរបុត្រ
ប្រភព៖ BBC
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង