ព័ត៌មានអន្ដរជាតិ

បុគ្គលិកក្រុងញ៉ូវយ៉ករាប់ពាន់នាក់ប្រឈមផ្លូវច្បាប់ បើរកឃើញធ្វើពុតឈឺប្រឆាំងចាក់វ៉ាក់សាំង

បានផុស

២ years មុន

នៅ

ថ្ងៃពុធ ៣ វិច្ឆិកា ២០២១

ដោយ

បុគ្គលិកទីក្រុងញ៉ូវយ៉កប្រហែល៩០០០នាក់ត្រូវបានដាក់ឲ្យឈប់សម្រាកពីការងារដោយពុំទទួលបានប្រាក់ឈ្នួល ដោយសារបដិសេធចាក់វ៉ាក់សាំងបង្ការកូវីដ-១៩ដែលមានប្រសិទ្ធភាពកាលពីថ្ងៃចន្ទ។ នេះជាការឲ្យដឹងពីលោក Bill de Blasio អភិបាលក្រុង។

លោក Daniel Nigro ស្នងការអគ្គីភ័យបាននិយាយថា នាយកដ្ឋានអគ្គីភ័យនៅបើកចំហ ប៉ុន្តែអង្គភាព១៨ក្នុងចំណោមអង្គភាព៣៥០លែងដំណើរការ ហើយអង្គភាពជាច្រើនមិនមានបុគ្គលិក។

មន្ត្រីបានកំពុងតស៊ូនឹងមានបុគ្គលិកតិចសម្រាប់ការងារសុវត្ថិភាពសាធារណៈសំខាន់ៗ រាប់បញ្ចូលទាំងមន្ត្រីប៉ូលិស និងអ្នកពន្លត់អគ្គីភ័យ ដែលកំពុងប្រឈមផ្លូវច្បាប់ចំពោះការចាក់វ៉ាក់សាំងពីសហជីពប៉ូលិសធំជាងគេបំផុត។

ប្រធានសមាគមអ្នកពន្លត់អគ្គីភ័យលោក Andrew Ansbro

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃអាទិត្យ បុគ្គលិកម្នាក់ក្នុងចំណោម៤នាក់នៃបុគ្គលិកពន្លត់អគ្គីភ័យក្រុងញ៉ូវយ៉កមិនទាន់ចាក់វ៉ាក់សាំងទេ សូម្បីតែមួយដូសក៏អត់ដែរ ខណៈច្បាប់តម្រូវឲ្យចាក់។ ប្រហែលម្នាក់ក្នុងចំណោមមន្ត្រីប៉ូលិស៦នាក់ និងម្នាក់ក្នុងចំណោមបុគ្គលិកអនាម័យ៦នាក់ក៏មិនទាន់ចាក់វ៉ាក់សាំងដែរ។

បុគ្គលិកអគ្គីភ័យប្រហែល២៣០០នាក់បានឈប់សម្រាកដោយសារឈឺ ដែលបានកើនឡើងដល់១០០០នាក់ក្នុងមួយថ្ងៃជាអ្វីដែលលោក Nigro និយាយថា ហាក់ដូចជានាំគ្នាឈប់សម្រាកដើម្បីជាការតវ៉ាប្រឆាំងនឹងច្បាប់វ៉ាក់សាំង។

លោកនិយាយថា ការិយាល័យពេទ្យនៅនាយកដ្ឋានពន្លត់អគ្គីភ័យជាទូទៅមានប្រហែលជា២០០នាក់ក្នុងមួយថ្ងៃ។ កាលពីសប្តាហ៍កន្លងទៅ វាមាន៧០០នាក់ក្នុងមួយថ្ងៃដែលភាគច្រើនបំផុតអត់ចាក់វ៉ាក់សាំង។

លោក De Blasio បាននិយាយថា ទីក្រុងកំពុងឃើញសហជីពអ្នកពន្លត់អគ្គីភ័យសម្របសម្រួលច្បាប់ឈឺដើម្បីឈប់សម្រាក ហើយអាចឈានដល់តុលាការ ប្រសិនបើរកឃើញភស្តុតាងជាទង្វើបែបតវ៉ាខុសច្បាប់។ លោកថា អ្នកពន្លត់អគ្គីភ័យដែលរកឃើញធ្វើឈឺក្លែងក្លាយនឹងប្រឈមវិន័យផ្ទៃក្នុង។

ប្រធានសហជីពតំណាងឲ្យបុគ្គលិកអគ្គីភ័យក្រុងញ៉ូវយ៉កដែលបានប្រឆាំងនឹងច្បាប់វ៉ាក់សាំងបានព្រមានថា សុវត្ថិភាពសាធារអាចមានហានិភ័យ។

ប្រធានសមាគមអ្នកពន្លត់អគ្គីភ័យលោក Andrew Ansbro បាននិយាយថា ៖«ថ្ងៃនេះយើងនៅទីនេះដោយសារច្បាប់វ៉ាក់សាំងដាក់មិនត្រឹមតែបុគ្គលិករបស់យើងប៉ុណ្ណោះទេ ប៉ុន្តែថែមទាំងបុគ្គលិកទីក្រុងញ៉ូវយ៉កទាំងអស់ដែលត្រូវបានផ្តល់ពេល៩ថ្ងៃដើម្បីសម្រេចចិត្តក្នុងការផ្លាស់ប្តូរជីវីតលើអាជីពរបស់ពួកគេ ឬថាតើពួកគេទៅចាក់ ឬមិនចាក់វ៉ាក់សាំង»។

កាលពីថ្ងៃសុក្រ បុគ្គលិកអគ្គីភ័យ៦នាក់ត្រូវបានផ្អាកការងាររយៈពេល៤សប្តាហ៍ដោយមិនទទួលបានប្រាក់ឈ្នួល បន្ទាប់ពីពួកគេបានបើករថយន្តពន្លត់អគ្គីភ័យទៅកាន់ការិយាល័យសមាជិកព្រឹទ្ធសភាពក្រុងញ៉ូវយ៉កលោក Zellnor Myrie ដើម្បីតវ៉ាប្រឆាំងច្បាប់ចាក់វ៉ាក់សាំង៕

ប្រែសម្រួល៖ វីរបុត្រ
ប្រភព៖ theguardian

Related Topics:សហរដ្ឋអាមេរិក