ព័ត៌មានអន្ដរជាតិ
អាមេរិក និងចិន ចេញសេចក្តីប្រកាសយ៉ាងភ្ញាក់ផ្អើល ប្តេជ្ញាធ្វើការរួមគ្នា ស្តីពីបម្រែបម្រួលអាកាសធាតុ (មានវីដេអូ)
សហរដ្ឋអាមេរិក និងចិន បានចេញសេចក្តីប្រកាសរួមដ៏កម្រមួយស្តីពីការប្រែប្រួលអាកាសធាតុ ដោយនិយាយថា “មានកិច្ចព្រមព្រៀងរវាងចិននិងអាមេរិក ច្រើនជាងការខ្វែងគំនិតគ្នា”។
ប្រទេសបំពុលបរិកាសធំបំផុតទាំងពីរលើពិភពលោក បានប្តេជ្ញាចិត្តពង្រឹងសកម្មភាពអាកាសធាតុ ដែលបង្កើនមហិច្ឆតានៅក្នុងទសវត្សរ៍ឆ្នាំ២០២០ដ៏សំខាន់។
ប្រេសិតផ្នែកអាកាសធាតុរបស់អាមេរិក លោក John Kerry បានប្រាប់អ្នកយកព័ត៌មាននៅឯសន្និសីទអាកាសធាតុ COP26 ក្នុងទីក្រុង Glasgow នៃប្រទេសស្កុតឡែនថា នេះមិនមែនគ្រាន់តែជាកិច្ចខិតខំប្រឹងប្រែងប៉ុណ្ណោះទេ ប៉ុន្តែវាជាការចាំបាច់ក្នុងកិច្ចសហប្រតិបត្តិការ។
ចំណែក អ្នកចរចាកំពូលរបស់ប្រទេសចិន លោក Xie Zhenhua បាននិយាយថា មានកិច្ចព្រមព្រៀងរវាងចិន និងអាមេរិកច្រើនជាងការខ្វែងគំនិតគ្នា។
សេចក្តីថ្លែងការណ៍រួមដែលបានព្រមព្រៀងគ្នាប៉ុន្មានម៉ោងមុននេះ បានសន្យាថានឹងចាត់វិធានការយ៉ាងម៉ឺងម៉ាត់នៅក្នុងទសវត្សរ៍ឆ្នាំ២០២០ដ៏សំខាន់។
សេចក្តីថ្លែងការណ៍នេះ បានកំណត់ផែនការដើម្បីធ្វើការរួមគ្នា លើការដោះស្រាយឧស្ម័នមេតានដ៏ខ្លាំងក្លាដែលនេះជាមធ្យោបាយសំខាន់ក្នុងការកាត់បន្ថយការឡើងកម្តៅរយៈពេលខ្លី ហើយយល់ព្រមលើតម្រូវការដើម្បីចាត់វិធានការបញ្ឈប់ការកាប់បំផ្លាញព្រៃឈើ។
ស្របពេលជាមួយគ្នានោះដែរ ប្រទេសចិនក៏ប្តេជ្ញាកាត់បន្ថយការប្រើប្រាស់ធ្យូងថ្មចន្លោះឆ្នាំ២០២៦ដល់២០៣០ និងខិតខំប្រឹងប្រែងឲ្យអស់ពីសមត្ថភាពដើម្បីពន្លឿនការងារនេះផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Sky
ចុចអាន៖ យន្តហោះឯកជនដឹកមេដឹកនាំ ទៅកាន់កិច្ចប្រជុំ COP26 នឹងបញ្ចេញឧស្ម័នកាបូនឌីអុកស៊ីត ១៣,០០០តោន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore