ភាគ​ឦសាន​ប្រទេស ​ចិន ​រង​ការ​ធ្លាក់​ព្រិល​ខ្លាំងក្លាមិនធ្លាប់មាន ឯទម្ងន់ធ្ងន់បំផុតក្នុងរយៈពេល ៧០ ឆ្នាំ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ភាគ​ឦសាន​ប្រទេស ​ចិន ​រង​ការ​ធ្លាក់​ព្រិល​ខ្លាំងក្លាមិនធ្លាប់មាន ឯទម្ងន់ធ្ងន់បំផុតក្នុងរយៈពេល ៧០ ឆ្នាំ

បានផុស

នៅ

ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃពុធថា ព្យុះព្រិលបានធ្វើឲ្យមានការបំផ្លិចបំផ្លាញនៅភាគឦសានប្រទេសចិនក្នុងសប្តាហ៍នេះ ជាមួយការធ្លាក់ព្រិលមិនធ្លាប់មាននៅផ្នែកខ្លះ ធ្វើឲ្យកកស្ទះចរាចរណ៍ រំខានដល់សេវាកម្មរថភ្លើង និងបង្កើនការព្រួយបារម្ភអំពីការផ្គត់ផ្គង់ថាមពលជាដើម ខណៈដែលសីតុណ្ហភាពកាន់តែត្រជាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចរាចរណ៍នៅក្នុងខេត្ត Liaoning ត្រូវបានរំខានយ៉ាងធ្ងន់ធ្ងរ ហើយស្ថានីយផ្លូវល្បឿនលឿនភាគច្រើនបានបិទ ខណៈស្ថានីយ៍រថភ្លើង និងឡានក្រុងក៏ត្រូវបានបិទផងដែរ លើកលែងតែទីក្រុង Dalian និងទីក្រុង Dandong ប៉ុណ្ណោះ ។

ចាប់តាំងពីការមកដល់នៃរលកត្រជាក់កាលពីថ្ងៃអាទិត្យ សីតុណ្ហភាពនៅភាគឦសាននៃប្រទេសចិនបានធ្លាក់ចុះដល់ទៅ ១៤ អង្សាសេនៅក្នុងតំបន់មួយចំនួនគិតត្រឹមថ្ងៃពុធ ។

ទន្ទឹមនោះ នាយកដ្ឋានឧតុនិយមនៅខេត្ត Liaoning និងខេត្ត Jilin បានចេញការជូនដំណឹងពណ៌ក្រហមសម្រាប់ព្យុះព្រិល ដែលជាកម្រិតធ្ងន់ធ្ងរបំផុតនៅក្នុងប្រព័ន្ធព្រមានអាកាសធាតុដែលមានចំនួន ៤ កម្រិត ។

ស្របពេលជាមួយគ្នា លោក Zhou Chunxiao ប្រធានអ្នកព្យាករណ៍នៅក្រុមសង្កេតការណ៍ឧតុនិយមខេត្ត Liaoning បាននិយាយថា ការធ្លាក់ព្រិលនាពេលថ្មីៗនេះនៅភាគខាងលិចខេត្ត Liaoning មានទម្ងន់ធ្ងន់បំផុត ចាប់តាំងពីកំណត់ត្រាចាស់បានចាប់ផ្តើមក្នុងឆ្នាំ ១៩៥១ ខណៈជម្រៅព្រិលជាអតិបរមា ៥៣ សង់ទីម៉ែត្រត្រូវបានកត់ត្រានៅក្នុងទីក្រុង Anshan នៃខេត្ត Liaoning កាលពីថ្ងៃពុធ ។

ចំណែកនៅក្នុងទីក្រុង Shenyang ដែលរងគ្រោះដោយព្រិលធ្លាក់ អាជ្ញាធរបានជំរុញផ្សារ និងហាងលក់គ្រឿងទេសឲ្យបញ្ចុះតម្លៃបន្លែមួយចំនួន ដើម្បីបង្កើនការផ្គត់ផ្គង់ដល់ប្រជាជនក្នុងទីក្រុង ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ទីក្រុងមួយនៅ ចិន តេស្តរកកូវីដលើអ្នកទស្សនា ៣ ម៉ឺននាក់ ឯលទ្ធផលមិនខុសបំណង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១ នាទី មុន

សាយ រម្លឹក​រឿង​កាលពី​៩​ឆ្នាំមុន​ប៊ិះ​អស់​ជីវិត​នៅក្នុង​ភ្នក់ភ្លើង

នយោបាយ១២ នាទី មុន

រដ្ឋមន្ត្រី​ក្រសួងមហាផ្ទៃ ស្នើ​ឲ្យ​ព្រះអង្គម្ចាស់ នរោត្តម ចក្រាវុធ សម្របសម្រួល​ផ្ទៃក្នុង ដើម្បី​ជ្រើសរើស​ក្បាលម៉ាស៊ីន​ដឹកនាំ​ឲ្យ​បាន​ត្រឹមត្រូវ​

ព័ត៌មានជាតិ៣២ នាទី មុន

កម្ពុជា​សម្តែង​ការព្រួយបារម្ភ​យ៉ាងខ្លាំង​ចំពោះ​ការប៉ះទង្គិច​ប្រដាប់អាវុធ​ដ៏​ធ្ងន់ធ្ងរ​នៅ​មី​យ៉ាន់​ម៉ា​

ព័ត៌មានជាតិ៣៧ នាទី មុន

៣០​ឆ្នាំនេះ​ធនាគារ​អេស៊ីលីដា​បាន​ឈរជើង​យ៉ាងរឹងមាំ​ក្នុង​វិស័យ ធនាគារ​និង​ហិរញ្ញវត្ថុ​នៅ​កម្ពុជា​

ជំនឿ៤ ម៉ោង មុន

ទម្រង់ច្រមុះ ៣ប្រភេទ ចាស់ពីដើមចាត់ទុកជាមនុស្សមានបុណ្យវាសនាល្អ

Sokha Hotels

ព័ត៌មានពេញនិយម

Helistar Cambodia - Helicopter Charter Services