ព័ត៌មានអន្ដរជាតិ
មុនប្រជុំជាមួយលោក បៃដិន ស្រាប់តែលោក ស៊ី ព្រមានពាក់ព័ន្ធសង្គ្រាម
ប្រធានាធិបតីចិនលោក ស៊ី ជីនពីង បានព្រមានប្រឆាំងនឹងការវិលត្រឡប់ទៅកាន់ភាពតានតឹងក្នុងសម័យសង្គ្រាមត្រជាក់ នៅតំបន់អាស៊ីប៉ាស៊ីហ្វិក ដោយលោកបានជំរុញឲ្យមានកិច្ចសហប្រតិបត្តិការជាសកល មុនកិច្ចប្រជុំតាមអនឡាញជាមួយសមភាគីអាមេរិក។
នៅក្នុងសារជាវីដេអូទៅកាន់វេទិកា CEO ខាងក្រៅកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) លោក ស៊ី បានលើកឡើងថា ការព្យាយាមគូសបន្ទាត់មនោគមវិជ្ជា ឬបង្កើតជារង្វង់តូចៗលើមូលដ្ឋានភូមិសាស្ត្រនយោបាយ ត្រូវតែបរាជ័យ។
តំបន់អាស៊ីប៉ាស៊ីហ្វិក មិនអាចនិងមិនគួរវិលទៅរកការប្រឈមមុខដាក់គ្នា និងការបែងចែកដូចកាលសម័យសង្គ្រាមត្រជាក់ឡើយ។
ការកត់សម្គាល់របស់ប្រធានាធិបតីចិន ត្រូវបានគេមើលឃើញថា ជាការសំដៅច្បាស់ៗចំពោះកិច្ចខិតខំប្រឹងប្រែងរបស់សហរដ្ឋអាមេរិកជាមួយសម្ព័ន្ធមិត្តនិងដៃគូក្នុងតំបន់ រួមទាំងក្រុម Quad ជាមួយប្រទេសឥណ្ឌា ជប៉ុន និងអូស្ត្រាលី ផងដែរ ក្នុងការបង្អាក់នូវអ្វីដែលពួកគេមើលឃើញថា ជាការកើនឡើងនៃឥទ្ធិពលសេដ្ឋកិច្ច និងយោធារបស់ប្រទេសចិន។
គួរបញ្ជាក់ថា ភាពតានតឹងរវាងចិន និងអាមេរិក បានកើនឡើងក្នុងរយៈពេលប៉ុន្មានឆ្នាំថ្មីៗនេះ ដោយទីក្រុងវ៉ាស៊ីនតោនបានសម្តែងក្តីព្រួយបារម្ភកាន់តែខ្លាំងអំពីសកម្មភាពរបស់ទីក្រុងប៉េកាំងនៅក្នុងសមុទ្រចិនខាងត្បូង ក៏ដូចជាជំហររបស់ខ្លួនទីក្រុងហុងកុង តំបន់ស៊ីនជាំង និងកោះតៃវ៉ាន់ផងដែរ។
ចំពេលមានការប៉ះទង្គិចគ្នា ភាគីទាំងពីរបានចាប់ផ្តើមកិច្ចពិភាក្សាដើម្បីកែលម្អទំនាក់ទំនង ហើយនៅក្នុងខែតុលា ក្រុមមន្ត្រីបានប្រកាសថា លោក ស៊ី និងប្រធានាធិបតីសហរដ្ឋអាមេរិក លោក ចូ បៃដិន នឹងរៀបចំកិច្ចប្រជុំតាមអនឡាញនៅមុនដំណាច់ឆ្នាំនេះ។
ទោះបីជាយ៉ាងណាក៏ដោយ ក្រុមមន្ត្រីមិនបាននិយាយថាតើពេលណាទើបកិច្ចប្រជុំកំពូលនេះនឹងប្រព្រឹត្តទៅនោះទេ ប៉ុន្តែទីភ្នាក់ងារសារព័ត៌មានរ៉យទ័របានដកស្រង់ប្រភពមិនស្គាល់អត្តសញ្ញាណមួយដែលបានឲ្យដឹងថា លោក ស៊ី និងលោក បៃដិន អាចរៀបចំកិច្ចពិភាក្សានៅព្រឹកថ្ងៃចន្ទសប្តាហ៍ក្រោយ៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ អាមេរិក កំពុងភ័យ ថា ចិន អាច មាន ក្បាល គ្រាប់ នុយក្លេអ៊ែរ ៣ មុំចំនួន ១ ពាន់គ្រាប់ នៅ ឆ្នាំ ២០៣០
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ