ព័ត៌មានអន្ដរជាតិ
មានវ៉ាក់សាំងចាក់ហើយ ពេលនេះ WHO ព្រមានខ្វះសឺរ៉ាំងវិញម្តងនៅឆ្នាំក្រោយ
នៅឆ្នាំក្រោយនេះ ពិភពលោកអាចនឹងជួបប្រទះបញ្ហាខ្វះសឺរ៉ាំងចាក់ថ្នាំដល់ទៅ ជិតពីរពាន់លានសឺរ៉ាំងឯណោះ។ នេះបើយោងតាមរបាយការណ៍ថ្មីពីអង្គការសុខភាពពិភពលោក (WHO)។
កង្វះខាតនេះគឺជាលទ្ធផលនៃយុទ្ធនាការចាក់ថ្នាំបង្ការជំងឺកូវីដ-១៩ជាសកល ដោយវ៉ាក់សាំងជាង៧.២៥ពាន់លានដូស ត្រូវបានចាក់នៅជុំវិញពិភពលោក។
ជាលទ្ធផល សឺរ៉ាំងដល់ទៅទ្វេដងកំពុងត្រូវបានប្រើប្រាស់ ដែលជាហេតុធ្វើឲ្យខូចដល់ការផ្គត់ផ្គង់ជាសកល។
WHO និយាយថា ប្រសិនបើផលិតកម្មមិនបង្កើនទេនោះ វាអាចនាំឲ្យមានការស្តុកទុក និងការភ័យស្លន់ស្លោទិញសឺរ៉ាំង ហើយធ្វើឲ្យរាំងស្ទះដល់កិច្ចខិតខំប្រឹងប្រែង ដើម្បីការពារមនុស្សពីជំងឺជាច្រើន។
លោកស្រី Lisa Hedman ទីប្រឹក្សាជាន់ខ្ពស់ WHO នៅផ្នែកសិទ្ធិទទួលបានថ្នាំ និងផលិតផលសុខភាព បាននិយាយថា “យើងកំពុងលើកឡើងពីការព្រួយបារម្ភពិតប្រាកដថា យើងអាចខ្វះសឺរ៉ាំងចាក់ថ្នាំបង្ការរោគ ដែលនាំឲ្យមានបញ្ហាធ្ងន់ធ្ងរ។ អាស្រ័យលើរបៀបដែលការចាក់វ៉ាក់សាំងដំណើរការ វាអាចមានឱនភាពពី១ពាន់លានទៅ ២ពាន់លានសឺរ៉ាំង”។
ដោយផ្អែកលើសេណារីយ៉ូនៃមនុស្សប្រមាណ៧ពាន់លាននាក់ដែលត្រូវការវ៉ាក់សាំងកូវីដ ចំនួនពីរដូសនៅចន្លោះពេលនេះដល់ឆ្នាំ២០២៣ និងសមត្ថភាពផលិតជាសកលនៃសឺរ៉ាំងចាក់ថ្នាំប្រហែលប្រាំមួយពាន់លានសឺរ៉ាំងក្នុងមួយឆ្នាំ, លោកស្រី Hedman បាននិយាយថា “វាច្បាស់ណាស់ថា ឱនភាពជាងមួយពាន់លានសឺរ៉ាំងនៅឆ្នាំ២០២២ អាចកើតឡើង ប្រសិនបើយើងបន្តអាជីវកម្មដូចធម្មតា”។
ការខ្វះខាតសឺរ៉ាំងច្រើន ឬអូសបន្លាយអាចមានន័យថា នឹងមានការពន្យាពេលក្នុងការចាក់ថ្នាំបង្ការជំងឺផ្សេងៗ។
កាលពីខែមុន WHO បានគាំទ្រវ៉ាក់សាំងជំងឺគ្រុនចាញ់ដំបូងគេរបស់ពិភពលោក ដែលជាប្រយោជន៍ដល់ប្រទេសកំពុងអភិវឌ្ឍ។
គួរបញ្ជាក់ថា សឺរ៉ាំងមិនមែនជារបស់តែមួយ ដែលខ្វះខាតនោះទេ។ កាលពីដើមឆ្នាំនេះ អ្នកជំនាញបានព្រមានអំពីកង្វះខាតខ្សាច់ ដែលអាចពន្យារពេលការផលិតដបកែវ រាប់ពាន់លានដបដែលត្រូវការ ដើម្បីដាក់វ៉ាក់សាំងកូវីដ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ WHO កំពុងបារម្ភវីរុសក្លាយពូជពី Delta ដោយខ្លាចថា មេរោគនេះ ធន់នឹងវ៉ាក់សាំង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ