ព័ត៌មានអន្ដរជាតិ
សេតវិមាន បញ្ជាក់ពេលវេលា និងបញ្ហាដែលត្រូវលើកឡើងក្នុងកិច្ចប្រជុំរវាងលោក Biden និងលោក Xi
អ្នកនាំពាក្យសេតវិមានលោកស្រី Jen Psaki បាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា ប្រធានាធិបតីអាមេរិកលោក Joe Biden និងប្រធានាធិបតីចិនលោក Xi Jinping នឹងជួបប្រជុំជាមួយគ្នាតាមអនឡាញជាលើកដំបូងនៅល្ងាចថ្ងៃចន្ទ (ម៉ោងនៅសហរដ្ឋអាមេរិក) ដើម្បីពិភាក្សាអំពីកិច្ចសហប្រតិបត្តិការ និងការប្រកួតប្រជែង។
មេដឹកនាំទាំងពីរនឹង ពិភាក្សាគ្នាអំពីវិធីដើម្បីគ្រប់គ្រងការប្រកួតប្រជែង រវាងសហរដ្ឋអាមេរិក និងសាធារណរដ្ឋប្រជាមានិតចិន ប្រកបដោយការទទួលខុសត្រូវ ក៏ដូចជាវិធីធ្វើការជាមួយគ្នាដើម្បីផលប្រយោជន៍រួមផងដែរ។
កិច្ចប្រជុំកំពូលលើកដំបូងនេះបានកើតឡើង ៣០០ថ្ងៃបន្ទាប់ពីលោក Biden ចូលកាន់តំណែង និងកើតឡើងចំពេលមានភាពតានតឹងកាន់តែខ្លាំងលើបញ្ហាកោះតៃវ៉ាន់។
កិច្ចប្រជុំតាមអនឡាញនេះ ក៏កើតឡើងផងដែរ ប៉ុន្មានថ្ងៃបន្ទាប់ពីសហរដ្ឋអាមេរិក និងចិនបានធ្វើសេចក្តីប្រកាសដ៏គួរឲ្យភ្ញាក់ផ្អើលមួយ នៅឯសន្និសីទអាកាសធាតុរបស់អង្គការសហប្រជាជាតិហៅកាត់ COP26 ក្នុងប្រទេសស្កុតឡែន។
កិច្ចពិភាក្សាថ្ងៃចន្ទត្រូវបានគេដាក់ឈ្មោះថាជា “កិច្ចប្រជុំនិម្មិត” (Virtual Meeting) ហើយចាត់ទុកថា ខុសពីការនិយាយទូរសព្ទពីរលើក រវាងមេដឹកនាំទាំង២នៅក្នុងខែកុម្ភៈ និងខែកញ្ញា។
ក្នុងអំឡុងកិច្ចពិភាក្សានាពេលថ្មីៗនេះ ទាំងសេតវិមាន និងប្រព័ន្ធផ្សព្វផ្សាយរដ្ឋរបស់ចិន បាននិយាយថា មេដឹកនាំទាំង២បានពិភាក្សាគ្នាអំពីសារសំខាន់នៃការធានាថា ការប្រកួតប្រជែងរវាងប្រជាជាតិទាំងពីរ នឹងមិនក្លាយទៅជាជម្លោះនោះទេ។
ដោយឡែក គេហទំព័រ CNBC បានរាយការណ៍ថា លោក Xi ក៏អាចប្រើកិច្ចប្រជុំនៅថ្ងៃចន្ទដើម្បីអញ្ជើញលោក Biden ទៅកាន់ព្រឹត្តិការណ៍កីឡាអូឡាំពិករដូវរងាផងដែរ៕
ប្រែសម្រួល៖ Vann Vann
ប្រភព៖ Asia Nikkei
ចុចអាន៖ មុនប្រជុំជាមួយលោក បៃដិន ស្រាប់តែលោក ស៊ី ព្រមានពាក់ព័ន្ធសង្គ្រាម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ