ព័ត៌មានអន្ដរជាតិ

អូស្ត្រាលី ព្រមានពីភ្លើងឆេះព្រៃដ៏គ្រោះថ្នាក់ អាចរាលដាលរហូតដល់សម្លាប់មនុស្ស

បានផុស

២ years មុន

នៅ

ថ្ងៃអាទិត្យ ១៤ វិច្ឆិកា ២០២១

ដោយ

សេវាសង្គ្រោះបន្ទាន់របស់រដ្ឋ Western Australia បានចេញការព្រមាននៅអាទិត្យនេះថា បច្ចុប្បន្នខ្លួនមិនអាចគ្រប់គ្រងភ្លើងឆេះព្រៃនៅភាគខាងកើត នៃរដ្ឋធានី Perth បានទេ ខណៈពេលនេះ កំពុងរងការគំរាមកំហែងដល់ផ្ទះសម្បែង និង អាយុជីវិតរបស់ប្រជាពលរដ្ឋ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នាក់ងារសង្គ្រោះបន្ទាន់រដ្ឋ Western Australia បានប្រាប់អ្នកស្រុកនៅក្នុង និងជុំវិញ Mokine ក្នុង Shire of Northam ចម្ងាយ៧១គីឡូម៉ែត្រ (៤៤ ម៉ាយ) ភាគខាងកើតនៃទីក្រុង Perth ថា ” សូមចាកចេញឥឡូវនេះ ទៅកាន់កន្លែងមានសុវត្ថិភាពជាង ។ ខណៈនេះ យើងមិនអាចគ្រប់គ្រងបានច្រើនទេ វាអាចនឹងរាលដាលបណ្ដាលឲ្យស្លាប់ “។

ភ្លើងឆេះព្រៃ គឺជាផ្នែកខាងក្នុងនៃបរិស្ថានរបស់រដ្ឋ Western Australia ជាមួយនឹងសីតុណ្ហភាពខ្ពស់ លក្ខខណ្ឌស្ងួត និងធម្មជាតិ ដែលអាចឆេះបាននៃរុក្ខជាតិដើមជាច្រើន ដែលរួមចំណែកដល់ការកើតឡើងនៃអគ្គីភ័យ។

យោងតាមទិន្នន័យរបស់រដ្ឋាភិបាលបានឲ្យដឹងថា នៅរដូវក្តៅឆ្នាំ ២០១៩-២០២០ ប្រទេសនេះ ធ្លាប់បានទទួលរងនូវរដូវកាលដែលមិនធ្លាប់មានពីមុនមក នៅពេលដែលភ្លើងបានឆាបឆេះជាង ១៧ លានហិកតា (៦៥,៦៣០ ម៉ាយការ៉េ) ឬជិតពាក់កណ្ដាលទំហំរបស់ប្រទេសអាល្លឺម៉ង់។

ចំណែកនៅ រដ្ឋភាគខាងកើតឯណោះវិញ ក៏បានរាយការណ៍ដែរថា មានការវាយប្រហារនៅចុងសប្តាហ៍នេះដោយភ្លៀងធ្លាក់ខ្លាំង ជាមួយនឹងសេវាសង្គ្រោះបន្ទាន់បាននិយាយថា ការព្រមានអំពីទឹកជំនន់នៅថ្ងៃអាទិត្យ នៅតែមាន សម្រាប់ផ្នែកខ្លះនៃរដ្ឋ New South Wales និង Victoria ដែលធ្វើឲ្យមនុស្ស ៣៣ នាក់បានស្លាប់ ក្នុងនោះមានអ្នកពន្លត់អគ្គិភ័យ ៩ នាក់ ៕

ប្រែសម្រួល៖ សាង ស្រីល័ក្ខ

ប្រភព៖arabnews

ចុចអាន៖ស៊ីរីកាត់ទោសប្រហារជីវិតមនុស្ស២៤នាក់ពីបទដុតបំផ្លាញព្រៃឈើ