ព័ត៌មានអន្ដរជាតិ

ដឹងហើយ អត្តសញ្ញាណអ្នកទោស ៣៤ នាក់ ក្នុងចំណោម ៦៨ នាក់ ដែលស្លាប់ក្នុងការវាយ ប្រហារ នៅពន្ធនាគារ អេក្វាឌ័រ

បានផុស

២ years មុន

នៅ

ថ្ងៃចន្ទ ១៥ វិច្ឆិកា ២០២១

ដោយ

អាជ្ញាធរអេក្វាឌ័រ បានកំណត់អត្តសញ្ញាណអ្នកទោស ៣៤ នាក់ ក្នុងចំណោមអ្នកទោស ៦៨ នាក់ ដែលត្រូវបានសម្លាប់ នៅក្នុងការប៉ះទង្គិចគ្នាដោយហិង្សា នៅឯពន្ធនាគារ Litoral Penitentiary ដែលជាពន្ធនាគារដ៏សំខាន់ នៅក្នុងទីក្រុង Guayaquil អគ្គលេខាធិការដ្ឋានទំនាក់ទំនង សម្រាប់គណៈប្រធាន បានរាយការណ៍កាលពីថ្ងៃអាទិត្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អដ្ឋិធាតុរបស់ពួកគេ នឹងត្រូវបញ្ជូនទៅឲ្យក្រុមគ្រួសារជនរងគ្រោះ នៅប៉ុន្មានម៉ោងខាងមុខនេះ ខណៈដែលអាជ្ញាធរបន្តធ្វើការ ដើម្បីកំណត់អត្តសញ្ញាណអ្នកស្លាប់ម្នាក់ទៀត។

ការបះបោរដែលបានធ្វើឲ្យអ្នកទោស ២៥ នាក់ រងរបួសផងដែរនោះ បានកើតឡើងនៅយប់ថ្ងៃសុក្រ និងដើមថ្ងៃសៅរ៍ ហើយត្រូវបានគេសន្មតថា ជាការតស៊ូអំណាចរវាងក្រុមក្មេងទំនើង ដែលពាក់ព័ន្ធនឹងការជួញដូរគ្រឿងញៀន។

អគ្គស្នងការនគរបាលជាតិ បានដាក់ពង្រាយកម្លាំងចំនួន ៩០០នាក់ នៅក្នុង និងជុំវិញពន្ធនាគារ ដើម្បីទប់ស្កាត់អំពើហិង្សា និងស្តារសណ្តាប់ធ្នាប់ឡើងវិញ។

ប្រធានាធិបតីអេក្វាឌ័រ Guillermo Lasso បានកោះប្រជុំ “គណៈរដ្ឋមន្ត្រីវិបត្តិ” កាលពីថ្ងៃសៅរ៍ ហើយបានជួបជាមួយក្រុមប្រឹក្សាអន្តរជាតិ និងអ្នកតំណាងមកពីសង្គមស៊ីវិល ដើម្បីវិភាគឧបទ្ទវហេតុនេះ។

គួរបញ្ជាក់ថា កាលពីថ្ងៃទី ២៩ ខែ កញ្ញា Litoral Penitentiary ក៏ជាកន្លែងកើតហេតុនៃការបះបោរមួយផ្សេងទៀតដែលបានធ្វើឲ្យអ្នកទោស ១១៨ នាក់ស្លាប់ នៅក្នុងការសម្លាប់រង្គាលនៅក្នុងពន្ធនាគារដ៏ធំបំផុត នៅក្នុងប្រវត្តិសាស្ត្ររបស់ប្រទេសមួយនេះ៕

ប្រែសម្រួល៖ សាង ស្រីល័ក្ខ

ប្រភព៖CGTN

ចុចអាន៖update៖ ខណៈនេះ អ្នកទោសដែលបាញ់ប្រហារក្នុងពន្ធនាគារ នៅ អេក្វាឌ័រ ស្លាប់ ៦៨ នាក់ និងរងរបួសជាច្រើន

ចុចអាន៖ផ្ទុះការបាញ់ប្រហារក្នុងពន្ធនាគារ នៅ អេក្វាឌ័រ ស្លាប់ ៥៨ នាក់ សុទ្ធតែអ្នកទោស