ព័ត៌មានអន្ដរជាតិ
អតីតប្រធានាធិបតីសហរដ្ឋអាមេរិក ៣ រូបប្តេជ្ញាចាក់វ៉ាក់សាំងកូវីដ
អតីតប្រធានាធិបតីសហរដ្ឋអាមេរិកចំនួន ៣ រូបបាននិយាយថា ពួកគេមានឆន្ទៈក្នុងការចាក់វ៉ាក់សាំងប្រឆាំងជំងឺកូវីដ ១៩ ក្នុងគោលបំណងដើម្បីដោះស្រាយការព្រួយបារម្ភអំពីសុវត្ថិភាពនៃវ៉ាក់សាំងដែលត្រូវបានបង្កើតថ្មី ។
នៅក្នុងបទសម្ភាសន៍ជាមួយស្ថានីយ៍វិទ្យុមួយ អតីតប្រធានាធិបតី Barack Obama បាននិយាយថា “ខ្ញុំសន្យានឹងអ្នកថា ខ្ញុំនឹងចាក់វ៉ាក់សាំង នៅពេលវាត្រូវបានបង្កើតឡើងសម្រាប់មនុស្សដែលមានហានិភ័យតិច” ។
លោក អូបាម៉ា បានបន្ថែមទៀតថា លោកអាចនឹងបញ្ចប់ការវ៉ាក់សាំងនៅលើកញ្ចក់ទូរទស្សន៍ ឬថតដើម្បីឲ្យប្រជាជនដឹងថាគាត់ជឿជាក់លើវ៉ាក់សាំងនេះ ។
របាយការណ៍ប្រព័ន្ធផ្សព្វផ្សាយអាមេរិកនិយាយថា អតីតប្រធានាធិបតីលោក George W. Bush និង Bill Clinton ក៏បាននិយាយតាមរយៈអ្នកនាំពាក្យរបស់ពួកគេដែរថា ពួកគេសុខចិត្តចាក់វ៉ាក់សាំងដើម្បីជម្រុញឲ្យជនជាតិអាមេរិកធ្វើដូចគ្នា ។
ចំណែកលោកស្រី Ivanka Trump ដែលជាកូនស្រីច្បងរបស់ប្រធានាធិបតី Donald Trump និងជាទីប្រឹក្សាជាន់ខ្ពស់នៃសេតវិមានបានកោតសរសើរចំពោះការសន្យារបស់អតីតប្រធានាធិបតីនៅក្នុងបណ្តាញសង្គម Twitter ។ លោកស្រីបាននិយាយថា ការប្រកាសទាំងនេះនឹងជួយធានាដល់សាធារណជនថា វ៉ាក់សាំងនេះមានសុវត្ថិភាព និងប្រសិទ្ធភាព ។
មានលទ្ធភាពកាន់តែច្រើនឡើងដែលការចាក់វ៉ាក់សាំងដែលផ្តោតលើបុគ្គលិកថែទាំសុខភាពនឹងចាប់ផ្តើមនៅពាក់កណ្តាលខែនេះនៅសហរដ្ឋអាមេរិក ។ ទោះយ៉ាងណាមតិសាធារណៈហាក់ដូចជាមានភាពផ្ទុយគ្នា ។ ការស្ទង់មតិរបស់ Gallup ដែលធ្វើឡើងចាប់ពីខែតុលាដល់ដើមខែវិច្ឆិកាបានរកឃើញថា ៥៨ ភាគរយពេញចិត្តក្នុងការទទួលយកវ៉ាក់សាំង ខណៈ ៤២ ភាគរយត្រូវបានជំទាស់ដោយសារតែការព្រួយបារម្ភអំពីសុវត្ថិភាព និងហេតុផលផ្សេងទៀត ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ចិន ត្រៀមសាងសង់មូលដ្ឋាននៅមាត់ឆ្នេរដើម្បីបាញ់រ៉ុកកែតចេញពីសមុទ្រ
ចុចអាន ៖ Manny Pacquiao ឆ្ពោះទៅតំណែងប្រធានាធិបតីហ្វីលីពីន ក្រោយជាប់ឆ្នោតជាប្រធានគណបក្សកាន់អំណាច
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៩ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)