Connect with us

ព័ត៌មានអន្ដរជាតិ

លេងវិញហើយ! អ៊ីរ៉ង់ដាក់អ្នកការទូតអាមេរិកចំនួន ៣ រូបក្នុងបញ្ជីខ្មៅពាក់ព័ន្ធនឹង “សកម្មភាពភេរវកម្ម”

បានផុស

នៅ

ឯកអគ្គរដ្ឋទូតអាមេរិកប្រចាំនៅអ៊ីរ៉ាក់ និងអ្នកការទូតអាមេរិក ២ រូបទៀតរងការដាក់ទណ្ឌកម្មពីអ៊ីរ៉ង់ជុំវិញការចោទប្រកាន់ថា “សម្របសម្រួលសកម្មភាពភេរវកម្ម” ក្នុងការឆ្លើយតបពីរដ្ឋាភិបាលក្រុងតេអេរ៉ង់ទៅកាន់ទីក្រុងវ៉ាស៊ីនតោនដែលបានដាក់ឈ្មោះមន្ត្រីអ៊ីរ៉ង់ក្នុងបញ្ជីខ្មៅរបស់ខ្លួន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសអ៊ីរ៉ង់លោក Saeed Khatibzadeh បាននិយាយថា “ឯកអគ្គរដ្ឋទូតសហរដ្ឋអាមេរិកប្រចាំអ៊ីរ៉ាក់លោក Matthew Tueller មានតួនាទីស្នូលក្នុងការសម្របសម្រួលសកម្មភាពភេរវកម្មនៅក្នុងប្រទេសអ៊ីរ៉ាក់ ហើយលើសពីនេះទៀតនៅក្នុងការធ្វើឃាតលើឧត្តមសេនីយ៍ Soleimani ស្ថិតក្នុងការជំរុញការដាក់ទណ្ឌកម្មប្រឆាំងប្រជាជនរបស់យើង” ។

លោក Matthew Tueller ឯកអគ្គរដ្ឋទូតសហរដ្ឋអាមេរិកប្រចាំអ៊ីរ៉ាក់

លោកបានបន្ថែមទៀតថា “ពេលនេះអ៊ីរ៉ង់បានកំណត់លោក Tueller និងមន្ត្រីពីររូបទៀតដែលពាក់ព័ន្ធវិធានការប្រឆាំងនឹងអ៊ីរ៉ង់” ។

ប្រទេសអ៊ីរ៉ង់ក៏បានដាក់ទណ្ឌកម្មទៅលើលោក Steve Fagin ជាតំណាងរបស់លោក Tueller និងអគ្គកុងស៊ុលនៅទីក្រុង Erbil គឹលោក Rob Waller ផងដែរ ។

លោក Steve Fagin

ក្រុងតេអេរ៉ង់បានចោទប្រកាន់អ្នកទាំងបីថាបានចូលរួមយ៉ាងមានប្រសិទ្ធិភាពក្នុងការរៀបចំ គាំទ្រផ្នែកហិរញ្ញវត្ថុ ដឹកនាំ និងប្រព្រឹត្តអំពើភេរវកម្មប្រឆាំងនឹងផលប្រយោជន៍របស់រដ្ឋាភិបាល ឬពលរដ្ឋនៃសាធារណរដ្ឋឥស្លាមអ៊ីរ៉ង់ ។

ការឆ្លើយតបនេះកើតឡើងមួយថ្ងៃ បន្ទាប់ពីទីក្រុងវ៉ាស៊ីនតោនបានដាក់ឯកអគ្គរដ្ឋទូតអ៊ីរ៉ង់ប្រចាំនៅអ៊ីរ៉ាក់ក្នុងបញ្ជីខ្មៅ ដោយអះអាងថា គាត់បានធ្វើការឲ្យអង្គភាពយោធាដែលខ្លួនបានចាត់ទុកថាជា “កោសិកាភេរវករ” ។

គួររម្លឹកផងដែរថា ទំនាក់ទំនងអ៊ីរ៉ង់-អាមេរិកបានចាប់ផ្តើមយ៉ាប់យ៉ឺនយ៉ាងខ្លាំងនៅឆ្នាំនេះ បន្ទាប់ពីមេបញ្ជាការកងកម្លាំងអ៊ីរ៉ង់លោកឧត្តមសេនីយ៍ Qassem Soleimani ត្រូវបានសម្លាប់នៅក្នុងការវាយប្រហារដោយយន្តហោះដ្រូនរបស់អាមេរិកនៅទីក្រុងបាដាដកាលពីថ្ងៃទី ៣ ខែតុលា ៕

ប្រែសម្រួលដោយ ៖ ជីវ័ន្ត

ប្រភព ៖ RT

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១២ នាទី មុន

លោក គួច ខេវិន ៖ ពិធីករ-ពិធីការិនី មានតួនាទីសំខាន់ក្នុងការបង្ហាញអត្តសញ្ញាណថ្លៃថ្នូរ​ជាតិសាសន៍ខ្លួន

ព័ត៌មានអន្ដរជាតិ១៣ នាទី មុន

ហាងឆេងតម្លៃប្រេងសាំងពិភពលោក បន្តធ្លាក់ថ្លៃច្រើនគួរសម

ព័ត៌មានអន្ដរជាតិ១៩ នាទី មុន

វៀតណាម ជាប់ចំណាត់ថ្នាក់ទី៦ ជាប្រជាជនមានសុភមង្គលបំផុតនៅ អាស៊ី

សន្តិសុខសង្គម២៤ នាទី មុន

មន្ត្រីជំនាញខេត្តកំពង់ចាម ចុះណែនាំដល់ម្ចាស់យានដ្ឋានជួសជុល និងកែច្នៃឧបករណ៍បំពងសំឡេងខុសបច្ចេកទេស

ព័ត៌មានជាតិ៣០ នាទី មុន

មន្ត្រីនាំពាក្យ៖ ការរឹតបន្ដឹងអាជីវកម្មគ្រាប់រំសេវ ជាវិធានការទប់ស្កាត់ ដើម្បីបញ្ចៀសរាល់បាតុភាពផ្សេងៗ

Sokha Hotels

ព័ត៌មានពេញនិយម