Connect with us

ព័ត៌មានអន្ដរជាតិ

បង់ក្លាដេសចាប់ផ្ដើមបញ្ជូនជនភៀសខ្លួនរ៉ូហ៊ីងយ៉ាទៅកោះដាច់ស្រយាល ទោះមានការប្រឆាំងក៏ដោយ

បានផុស

នៅ

នាវាកងទ័ពជើងទឹកបង់ក្លាដេសបានដឹកជនភៀសខ្លួនរ៉ូហ៊ីងយ៉ាប្រមាណ ១,៦០០ នាក់ទៅកាន់កោះដាច់ស្រយាលមួយនៅឈូងសមុទ្របេងហ្គាល់នៅថ្ងៃសុក្រ ទោះបីមានការត្អូញត្អែរពីក្រុមជនភៀសខ្លួន និងក្រុមមនុស្សធម៌ក៏ដោយ ។

ប្រទេសបង់ក្លាដេសនិយាយថា វាគ្រាន់តែជាការផ្លាស់ជនភៀសខ្លួនដែលមានឆន្ទៈទៅកាន់តំបន់កោះ Bhasan Char ហើយវានឹងបន្ធូរបន្ថយភាពចង្អៀតណែនណាន់តាន់តាប់នៅក្នុងជំរុំដែលមានប្រជាជនរ៉ូហ៊ីងយ៉ាជាង ១ លាននាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែជនភៀសខ្លួន និងបុគ្គលិកមនុស្សធម៌និយាយថា ជនរ៉ូហ៊ីងយ៉ាមួយចំនួនត្រូវបានបង្ខំឲ្យធ្វើដំណើរទៅកាន់កោះ Bhashan Char ដែលជាកោះងាយរងគ្រោះដោយទឹកជំនន់ដែលបានផុសចេញពីសមុទ្រកាលពី ២០ ឆ្នាំមុន ទាំងដែរមិនមានឈ្មោះក្នុងបញ្ជី ។

មន្ត្រីកងនាវាចរម្នាក់បាននិយាយថា ជនរ៉ូហ៊ីងយ៉ាបានជិះទូកចំនួន ៧ គ្រឿងដោយមានការផ្គត់ផ្គង់ចំនួន ២ គ្រឿងបន្ថែមទៀតដែលបានចេញពីកំពង់ផែ Chittagong ភាគខាងត្បូង ។

លោក Ismail Wolff ប្រធានក្រុមសិទ្ធិមនុស្ស Fortify បាននិយាយថា “ជនភៀសខ្លួនមិនគួរត្រូវបានផ្លាស់ទេដរាបណារាល់បញ្ហាសិទ្ធិមនុស្ស និងមនុស្សធម៌ត្រូវបានដោះស្រាយ ហើយការព្រមព្រៀងដែលបានផ្តល់ជូនត្រូវបានធានា” ។

អង្គការឃ្លាំមើលសិទិ្ធមនុស្សបាននិយាយថា ខ្លួនបានសម្ភាសជាមួយគ្រួសារចំនួន ១២ ដែលមានឈ្មោះក្នុងបញ្ជី ប៉ុន្តែមិនបានស្ម័គ្រចិត្តទៅនោះទេ ។

បុគ្គលិកជំនួយពីរនាក់ដែលនិយាយក្នុងលក្ខខណ្ឌអនាមិកបាននិយាយថា ជនភៀសខ្លួនបានរងសម្ពាធពីមន្រ្តីរដ្ឋាភិបាលដែលបានប្រើការគំរាមកំហែង និងការផ្តល់ប្រាក់ និងអ្វីផ្សេងទៀតដើម្បីបញ្ចុះបញ្ចូលពួកគេឲ្យទៅកោះនេះ ។

ជនភៀសខ្លួនជាង ៣០០ នាក់ត្រូវបានគេនាំទៅកាន់កោះនេះកាលពីដើមឆ្នាំ បន្ទាប់ពីនៅសមុទ្រជាច្រើនខែក្នុងការប៉ុនប៉ងភៀសខ្លួនចេញពីបង់ក្លាដេស ។ ក្រុមសិទិ្ធមនុស្សនិយាយថា ពួកគេត្រូវបានគេប្រឆាំងនឹងឆន្ទៈរបស់ពួកគេ ហើយបានតវ៉ាអំពីការរំលោភសិទ្ធិមនុស្ស ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ ប៉ូលិសបារាំងបោសសម្អាតមនុស្សជាង ២ ពាន់នាក់ចេញពីជំរំជនភៀសខ្លួនបណ្តោះអាសន្ននៅជិតទីក្រុងប៉ារីស

ចុចអាន ៖ ឆេះតង់ក្នុងជំរំជនភៀសខ្លួនប្រទេសក្រិកបណ្ដាលឲ្យខូចខាតហេដ្ឋារចនាសម្ព័ន្ធមួយចំនួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៩ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៩ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១០ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១០ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១០ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម