ព័ត៌មានអន្ដរជាតិ
សិង្ហបុរី មិនអនុញ្ញាតឲ្យប្រើប្រាស់ ឱសថចិន Lianhua Qingwen ព្យាបាលកូវីដទេ
អាជ្ញាធរវិទ្យាសាស្ត្រសុខាភិបាលសិង្ហបុរី (HSA) បាននិយាយនៅថ្ងៃពុធទី១៧ខែវិច្ឆិកាថា ឱសថចិន Lianhua Qingwen មិនត្រូវបានអនុញ្ញាតសម្រាប់ការព្យាបាលរោគសញ្ញាជំងឺកូវីដ១៩ទេ។
នៅក្នុងការប្រឹក្សា, HSA និយាយថា ខ្លួនដឹងពីការអះអាងដែលផ្សព្វផ្សាយនៅលើបណ្តាញសង្គម និងក្នុងគ្រុបឆាត Telegram ដែលថា ឱសថ Lianhua Qingwen អាចប្រើដើម្បីការពារ ឬព្យាបាលជំងឺកូវីដ១៩បាន។
អាជ្ញាធរនិយាយថា “ផលិតផល Lianhua Qingwen មួយចំនួន ត្រូវបានចុះបញ្ជីជាឱសថកម្មសិទ្ធិរបស់ចិនក្នុងប្រទេសសិង្ហបុរី សម្រាប់ការធ្វើឲ្យធូរស្រាលនៃរោគសញ្ញាជំងឺផ្តាសាយ។ HSA បានយល់ព្រមលើឱសថប្រភេទនេះ ដោយផ្អែកលើការប្រើប្រាស់ឯកសារនៃគ្រឿងផ្សំដែលមាននៅក្នុងផលិតផល”។
ទោះបីជាយ៉ាងណាក៏ដោយ រហូតមកដល់ពេលនេះ មិនមានភស្តុតាងវិទ្យាសាស្រ្តណាមួយពីការសាកល្បងព្យាបាល បង្ហាញថា ឱសថបុរាណទាំងអស់ រួមទាំងផលិតផល Lianhua Qingwen ផងដែរ អាចត្រូវបានប្រើប្រាស់ដើម្បីការពារ ឬព្យាបាលជំងឺកូវីដ១៩នោះទេ។
HSA និយាយថា ឱសថបុរាណទាំងអស់សម្រាប់ជំងឺផ្តាសាយ គួរតែប្រើដើម្បីព្យាបាលរោគសញ្ញាដូចជាឈឺក្បាល ហៀរសំបោរ ឬតឹងច្រមុះ ឈឺបំពង់ក និងក្អកប៉ុណ្ណោះ។
HSA បានបន្ថែមថា “យើងសូមណែនាំច្បាស់ៗដល់សាធារណជនទាំងអស់ កុំឲ្យលង់ខ្លួនទៅក្នុងការអះអាងដែលមិនមានភស្តុតាង ឬផ្សព្វផ្សាយពាក្យចចាមអារ៉ាមគ្មានមូលដ្ឋានដែលថា ឱសថបុរាណអាចត្រូវបានគេប្រើប្រាស់ដើម្បីការពារ ឬព្យាបាលជំងឺកូវីដ១៩ឲ្យសោះ”។
គួរបញ្ជាក់ថា មុនពេលផលិតផលទាំងឡាយដែលអះអាងថាព្យាបាលជំងឺកូវីដ១៩ អាចត្រូវបានផ្គត់ផ្គង់ក្នុងប្រទេសសិង្ហបុរី ផលិតផលទាំងនោះត្រូវតែដាក់ពាក្យទៅ HSA ជាមុនសិន សម្រាប់ការវាយតម្លៃ និងការចុះឈ្មោះជាភស្តុតាងផ្នែកវិទ្យាសាស្ត្រ៕
ប្រែសម្រួល៖ Vann Vann
ប្រភព៖ CNA
ចុចអាន៖ វៀតណាម រឹបអូសថ្នាំ Lianhua Qingwen រត់ពន្ធខុសច្បាប់មកពីប្រទេស ចិន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ