ព័ត៌មានអន្ដរជាតិ
តាលីបង់ បញ្ជាឲ្យប៉ុស្តិ៍ទូរទស្សន៍បញ្ឈប់ការចាក់ផ្សាយរឿងណាដែលមាន តួស្រី
អាជ្ញាធរតាលីបង់របស់ប្រទេសអាហ្វហ្គានីស្ថានកាលពីថ្ងៃអាទិត្យបានចេញគោលការណ៍ណែនាំសាសនាថ្មីមួយដែលបានអំពាវនាវឲ្យប៉ុស្តិ៍ទូរទស្សន៍របស់ប្រទេសនេះ បញ្ឈប់ការចាក់ផ្សាយរឿងភាគ និងរឿងល្ខោនដែលមានតួសម្តែងជាស្ត្រី ។
នៅក្នុងសេចក្តីណែនាំដំបូងដល់ប្រព័ន្ធផ្សព្វផ្សាយអាហ្វហ្គានីស្ថាន ដែលចេញដោយក្រសួងសម្រាប់ការលើកកម្ពស់ និងការការពារគុណធម៌ ក្រុមតាលីបង់ក៏បានអំពាវនាវឲ្យអ្នកសារព័ត៌មានស្ត្រីពាក់ឈុតឥស្លាម ក្នុងពេលបង្ហាញរបាយការណ៍របស់ពួកគេ ។
ទន្ទឹមនោះ ក្រសួងក៏បានស្នើដល់ប៉ុស្តិ៍ទូរទស្សន៍កុំឲ្យចាក់ផ្សាយភាពយន្ត ឬកម្មវិធីដែលបង្ហាញពីព្យាការី Mohammed ឬឥស្សរជនជាទីគោរពផ្សេងទៀត ហើយបានអំពាវនាវឲ្យហាមឃាត់ខ្សែភាពយន្ត ឬកម្មវិធីដែលប្រឆាំងនឹងតម្លៃឥស្លាម និងអាហ្វហ្គានីស្ថាន ។
គោលការណ៍ណែនាំថ្មីរបស់តាលីបង់សម្រាប់បណ្តាញទូរទស្សន៍កើតឡើង បន្ទាប់ពីកាន់កាប់រយៈពេល ២ ទសវត្សរ៍លើប្រព័ន្ធផ្សព្វផ្សាយឯករាជ្យអាហ្វហ្គានីស្ថាន ក្រោមរដ្ឋាភិបាលដគាំទ្រដោយលោកខាងលិច ដែលបានគ្រប់គ្រងប្រទេសរហូតដល់ថ្ងៃទី ១៥ ខែសីហា នៅពេលដែលពួកឥស្លាមបានឡើងកាន់អំណាចឡើងវិញ ។
ប៉ុស្តិ៍ទូរទស្សន៍ និងស្ថានីយ៍វិទ្យុរាប់សិបត្រូវបានបង្កើតឡើងជាមួយនឹងជំនួយរបស់លោកខាងលិច និងការវិនិយោគឯកជនភ្លាមៗ បន្ទាប់ពីពួកតាលីបង់ត្រូវបានផ្តួលរំលំក្នុងឆ្នាំ ២០០១ ។
ក្នុងរយៈពេល ២០ ឆ្នាំកន្លងមកនេះ ប៉ុស្តិ៍ទូរទស្សន៍អាហ្វហ្គានីស្ថានបានផ្តល់ជូននូវកម្មវិធីជាច្រើន រួមទាំងកម្មវិធីប្រឡងចម្រៀងតាមស្ទីល “American Idol” ក៏ដូចជាល្ខោនខោលទួរគី និងឥណ្ឌាជាច្រើន ។
នៅពេលដែលពួកឥស្លាមគ្រប់គ្រងពីមុនកាលឆ្នាំ ១៩៩៦ ដល់ឆ្នាំ ២០០១ មិនមានប្រព័ន្ធផ្សព្វផ្សាយអាហ្វហ្គានីស្ថានណាហ៊ាននិយាយនោះទេ ពួកគេបានហាមឃាត់ទូរទស្សន៍ ភាពយន្ត និងទម្រង់កម្សាន្តផ្សេងទៀតជាច្រើន ដោយចាត់ទុកថាវាជារឿងអសីលធម៌ ។
ស្របពេលជាមួយគ្នានោះ មនុស្សដែលបានមើលទូរទស្សន៍ត្រូវប្រឈមនឹងការផ្ដន្ទាទោស ហើយកម្មសិទ្ធិនៃកម្មវិធីចាក់វីដេអូអាចនាំឲ្យមានការវាយប្រហារជាសាធារណៈផងដែរ ខណៈមានស្ថានីយ៍វិទ្យុតែមួយគត់គឺ Voice of Sharia ដែលហ៊ានផ្សាយការឃោសនា និងកម្មវិធីឥស្លាម ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ តាលីបង់ ថា មានតែ ចិន ទេ ដែលអាចជួយកសាង អាហ្វហ្គានីស្ថាន ឡើងវិញបាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង