ព័ត៌មានអន្ដរជាតិ
៥ ប្រទេសលើលោកមានករណីឆ្លង កូវីដ សរុបតិចបំផុត
បច្ចុប្បន្នជំងឺកូវីដ ១៩ នៅតែបន្តវាយលុកពិភពលោកយ៉ាងខ្លាំងក្លា ហើយការរីករាលដាលរបស់វានៅតែបន្តការព្រួយបារម្ភ ខណៈពេលនេះពិភពលោកមានករណីឆ្លងសរុបជាង ២៥៩ លានករណី ។
ទន្ទឹមនោះក៏មានប្រទេស និងដែនដីមិនទាន់មានករណីឆ្លង និងឆ្លងតិចជាងគេផងដែរ ។ ក្នុងចំណោមប្រទេសទាំងនេះភាគច្រើនជាប្រជាជាតិកោះប៉ាស៊ីហ្វិកនៅក្នុងទ្វីបអូសេអានី ។
១. កោះ Marshall Islands ទ្វីបអូសេអានី មានប្រជាជន ៥៩,១៩៤ នាក់
កោះ Marshall Islands បានរាយការណ៍ពីករណីឆ្លងជំងឺកូវីដ ១៩ លើកដំបូងកាលពីថ្ងៃទី ២៨ ខែតុលា ឆ្នាំ ២០២០ ។
បច្ចុប្បន្នកោះនេះបានកត់ត្រាករណីឆ្លងសរុបចំនួន ៤ ករណី និងមិនមានអ្នកស្លាប់នោះទេ ហើយបានបើកយុទ្ធនាការចាក់វ៉ាក់សាំងការពារកូវីដកាលពីខែធ្នូ ឆ្នាំ ២០២០ ។
២. កោះសាម័រ ទ្វីបអូសេអានី មានប្រជាជន ១៩៨,៤១០ នាក់
កោះសាម័រ (Samao) បានកត់ត្រាករណីឆ្លងដំបូងនៃរោគរាតត្បាតកូវីដ ១៩ កាលពីថ្ងៃទី ១៨ ខែវិច្ឆិកា ឆ្នាំ ២០២០ ។
ឥឡូវកោះប៉ាស៊ីហ្វិកមួយនេះបានរាយការណ៍ករណីឆ្លងសរុបចំនួន ៣ និងមិនមានអ្នកស្លាប់ឡើយ ។
៣. កោះសាំងហេលេណា (នៅមហាសមុទ្រអាត្លង់ទិកខាងត្បូង) មានប្រជាជន ៤,២៥៥ នាក់
កោះសាំងហេលេណា (Saint Helena) បានប្រកាសករណីឆ្លងដំបូងនៃជំងឺកូវីដ ១៩ កាលពីថ្ងៃទី ២៤ ខែធ្នូ ឆ្នាំ ២០២០ ។
បច្ចុប្បន្នកោះដែលគ្រប់គ្រងដោយចក្រភពអង់គ្លេសនៅមហាសមុទ្រអាត្លង់ទិកខាងត្បូងមានករណីឆ្លងសរុបចំនួន ២ ករណី និងមិនមានអ្នកស្លាប់ផងដែរ ។
៤. មីក្រូណេស៊ី ទ្វីបអូសេអានី មានប្រជាជន ១១៥,០២១ នាក់
រដ្ឋសហព័ន្ធមីក្រូណេស៊ី (Micronesia) បានរាយការណ៍ពីការមកដល់ជំងឺកូវីដ ១៩ កាលពីដើមឆ្នាំនេះ ពោលនៅថ្ងៃទី ៨ ខែមករា ឆ្នាំ ២០២១ ។
បច្ចុប្បន្នរដ្ឋមហាសមុទ្រប៉ាស៊ីហ្វិកខាងលិចមួយនេះមានករណីឆ្លងសរុបតែមួយករណីប៉ុណ្ណោះ ហើយក៏មិនមានអ្នកស្លាប់ផងដែរ ។
៥. ប្រទេស តុងហ្គា ទ្វីបអូសេអានី មានប្រជាជន ១០៥,៦៩៥ នាក់
តុងហ្គា (Tonga) បានរាយការណ៍ពីការមកដល់ជំងឺកូវីដ ១៩ កាលពីចុងខែមុន ពោលនៅថ្ងៃទី ២៩ ខែតុលា ឆ្នាំ ២០២១ ។
បច្ចុប្បន្នព្រះរាជាណាចក្រនៅអនុតំបន់ប៉ូលីណេស៊ី ដែលមានកោះប៉ាស៊ីហ្វិកខាងត្បូងជាង ១៧០ បានកត់ត្រាករណីឆ្លងតែមួយករណីប៉ុណ្ណោះ ហើយកំពុងសម្រាកព្យាបាលនៅឡើយ ៕
គួរបញ្ជាក់ថា គិតត្រឹមពេលនេះសហរដ្ឋអាមេរិកនៅតែជាប្រទេសមានករណីឆ្លងកូវីដច្រើនជាងគេលើលោក ពោលបានកត់ត្រាករណីឆ្លងជិត ៤៩ លានករណី ៕
ប្រែសម្រួលដោយ ៖ ជីវ័ន្ត
ប្រភព ៖ Worldometer
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»