ព័ត៌មានអន្ដរជាតិ
មនុស្សជាង ៥០ នាក់ស្លាប់ក្នុងអណ្តូងរ៉ែធ្យូងថ្មនៅ រុស្ស៊ី ដោយមិនដឹងមូលហេតុ (មានវីដេអូ)
ប្រព័ន្ធផ្សព្វផ្សាយរុស្ស៊ីបានរាយការណ៍ថា ចំនួនអ្នកស្លាប់ដោយសារឧបទ្ទវហេតុនៅក្នុងអណ្តូងរ៉ែធ្យូងថ្មស៊ីបេរីបានកើនឡើងដល់យ៉ាងហោចណាស់ ៥២ នាក់ ខណៈអាជ្ញាធរដាក់ការសង្ស័យថា វាទំនងជាកើតឡើងពីការផ្ទុះឧស្ម័ន ។
អាជ្ញាធរមូលដ្ឋានបាននិយាយថា ឧបទ្ទវហេតុនេះបានកើតឡើងនៅក្នុងតំបន់ Kemerovo កាលពីថ្ងៃព្រហស្បតិ៍ ហើយមានកម្មករ ២៨៥ នាក់នៅក្នុងអណ្តូងរ៉ែនៅពេលនោះ ខណៈជាង ២០០ នាក់បានរត់គេចចេញមក ។
ចំណែករបាយការណ៍ប្រព័ន្ធផ្សព្វផ្សាយបាននិយាយថា បុគ្គលិកជួយសង្គ្រោះ ៦ នាក់ ស្ថិតក្នុងចំណោមជនរងគ្រោះ ខណៈមនុស្សប្រហែល ៤០ នាក់បានជាប់នៅក្នុងអណ្តូងរ៉ែ ប៉ុន្តែទីភ្នាក់ងារសារព័ត៌មានក្នុងស្រុកបាននិយាយថា គ្មានឱកាសក្នុងការស្វែងរកអ្នកនៅរស់រានមានជីវិតនោះទេ ។
អ្នកស៊ើបអង្កេតជឿថា វាទំនងជាមានការផ្ទុះឧស្ម័នមេតាន ហើយរហូតមកដល់ពេលនេះ មនុស្សរាប់សិបនាក់ត្រូវបានព្យាបាលនៅក្នុងមន្ទីរពេទ្យ ។
ទន្ទឹមនោះ គណៈកម្មាធិការស៊ើបអង្កេតក៏បានបើកសំណុំរឿងព្រហ្មទណ្ឌផងដែរ ដោយចោទប្រកាន់អណ្ដូងរ៉ែនេះពីបទបំពានបទប្បញ្ញត្តិសុវត្ថិភាព ខណៈរហូតមកដល់ពេលនេះគេមិនទាន់ដឹងមូលហេតុច្បាស់លាស់នៅឡើយទេ ។
ស្របពេលជាមួយគ្នានេះ លោកប្រធានាធិបតី វ្ល៉ាឌីមៀ ពូទីន ក៏បានបញ្ជាឲ្យរដ្ឋាភិបាលផ្តល់ជំនួយចាំបាច់ទាំងអស់ដល់អ្នកដែលរងរបួសផងដែរ ។
គួរបញ្ជាក់ថា តំបន់ Kemerovo ស្ថិតនៅចម្ងាយប្រហែល ៣,៥០០ គីឡូម៉ែត្រភាគខាងកើតទីក្រុងម៉ូស្គូ ត្រូវបានគេស្គាល់ថាជាតំបន់ផលិតធ្យូងថ្ម ហើយទីតាំងមួយនេះក៏ធ្លាប់កើតមានឧបទ្ទវហេតុបែបនេះនាពេលកន្លងមកផងដែរ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិកត្រៀមខ្លួន! យោធា ចិន និង រុស្ស៊ី ជិតពួតដៃគ្នាហើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង