ព័ត៌មានអន្ដរជាតិ
រុស្ស៊ី និងចិន ដាក់ចំៗទៅ អាមេរិក វិញក្រោយមិនអញ្ជើញចូលរួមកិច្ចប្រជុំ ស្ដីពីលទ្ធិប្រជាធិបតេយ្យ
រុស្ស៊ី និងចិនកំពុងបដិសេធយ៉ាងម៉ឺងម៉ាត់នូវគំនិតរបស់សហរដ្ឋអាមេរិកក្នុងការរៀបចំកិច្ចប្រជុំកំពូលស្ដីពីលទ្ធិប្រជាធិបតេយ្យ ខណៈដែលវាកំពុងបង្កើតបន្ទាត់បែងចែកថ្មីនៅក្នុងសហគមន៍អន្តរជាតិ ដែលផ្ទុយពីការអភិវឌ្ឍនៃពិភពលោកទំនើប ។
កាលពីថ្ងៃអង្គារ សហរដ្ឋអាមេរិកបានបង្ហាញបញ្ជីប្រទេសចំនួន ១១០ ដែលត្រូវបានអញ្ជើញឲ្យចូលរួមកិច្ចប្រជុំកំពូលស្ដីពីលទ្ធិប្រជាធិបតេយ្យនៅថ្ងៃទី ៩-១០ ខែធ្នូ ខណៈរុស្ស៊ី និងចិនមិនត្រូវបានអញ្ជើញឲ្យចូលរួមក្នុងកិច្ចប្រជុំកំពូលនេះនោះទេ ។
ឯកអគ្គរដ្ឋទូតមកពីរុស្ស៊ី និងចិតបានចេញសេចក្ដីថ្លែងការណ៍រួមគ្នាថា “សហរដ្ឋអាមេរិកនឹងធ្វើជាម្ចាស់ផ្ទះនៃកិច្ចប្រជុំកំពូលស្ដីពីលទ្ធិប្រជាធិបតេយ្យតាមអនឡាញនៅថ្ងៃទី ៩-១០ ខែធ្នូ ឆ្នាំ ២០២១ ដោយផ្តល់អំណាចឲ្យខ្លួនឯងដើម្បីកំណត់ថាអ្នកណាត្រូវចូលរួម និងអ្នកណាមិនចូលរួមក្នុងព្រឹត្តិការណ៍នេះ ហើយអ្នកណាជា “ប្រទេសប្រជាធិបតេយ្យ” ហើយអ្នកណាមិនមានសិទ្ធិទទួលបានឋានៈបែបនេះ” ។
លោក Anatoly Antonov និងលោក Qin Gang បាននិយាយថា “វាជាចិត្តគំនិតជាក់ស្ដែងនៃសង្រ្គាមត្រជាក់ វានឹងធ្វើឲ្យមានការប្រឈមមុខគ្នាខាងមនោគមវិជ្ជា និងការប្រេះឆានៅក្នុងពិភពលោក ដោយបង្កើត ‘បន្ទាត់បែងចែក’ ថ្មី ។ និន្នាការនេះផ្ទុយនឹងការអភិវឌ្ឍន៍នៃពិភពលោកទំនើប ។ វាមិនអាចទៅរួចទេក្នុងការទប់ស្កាត់ការបង្កើតស្ថាបត្យកម្មពហុកណ្តាលជាសកល ប៉ុន្តែអាចធ្វើឲ្យប៉ះពាល់ដល់ដំណើរការណាមួយ ។ ប្រទេសចិន និងរុស្ស៊ីបដិសេធយ៉ាងម៉ឺងម៉ាត់ចំពោះទង្វើនេះ” ។
ឯកអគ្គរដ្ឋទូតបាននិយាយថា “ប្រទេសនានាគួរតែផ្តោតលើការដំណើរការកិច្ចការផ្ទាល់ខ្លួនរបស់ពួកគេឲ្យបានល្អ មិនត្រូវមើលងាយអ្នកដទៃទេ ។ មិនចាំបាច់ព្រួយបារម្ភអំពីលទ្ធិប្រជាធិបតេយ្យនៅក្នុងប្រទេសរុស្ស៊ី និងប្រទេសចិននោះទេ ។ រដ្ឋាភិបាលបរទេសមួយចំនួនគួរគិតអំពីខ្លួនឯង និងអ្វីដែលកំពុងកើតឡើងនៅក្នុងប្រទេសរបស់ពួកគេកាន់តែប្រសើរឡើង” ។
បញ្ជីរដ្ឋដែលត្រូវបានអញ្ជើញឲ្យចូលរួមក្នុងកិច្ចប្រជុំកំពូលរបស់លោក ចូ បៃដិន ហាក់ដូចជាចម្លែក ព្រោះបានបដិសេធមិនហៅប្រទេសចិន ប៉ុន្តែបែរជារួមបញ្ចូលកោះតៃវ៉ាន់ ដែលធ្វើឲ្យភាពតានតឹងកាន់តែធ្ងន់ធ្ងរជាមួយទីក្រុងប៉េកាំង ដែលបានរិះគន់ទីក្រុងវ៉ាស៊ីនតោនចំពោះការមិនគាំទ្រគោលនយោបាយចិនតែមួយ ។
ទន្ទឹមនោះទាំងឥណ្ឌា និងប៉ាគីស្ថាន ដែលចាត់ទុកថាជាគូប្រជែងក៏ត្រូវបានអញ្ជើញឲ្យចូលកិច្ចប្រជុំកំពូលនេះផងដែរ ប៉ុន្តែបង់ក្លាដែសបានបដិសេធការកោះហៅនេះ ខណៈអារ៉ាប៊ីសាអូឌីត អ៊ីរ៉ង់ និងបណ្តាប្រទេសឈូងសមុទ្រ គឺជាប្រទេសលេចធ្លោបំផុតដែលមិនធ្វើការកាត់ផ្ដាច់ ក្នុងចំណោមរដ្ឋគូបដិបក្ខមួយចំនួនមកពីភាគខាងត្បូងពិភពលោក ដូចជាប្រទេសកូរ៉េខាងជើង វេណេហ្ស៊ុយអេឡា នីការ៉ាហ្គ័រ ស៊ូដង់ និងអេត្យូពីជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore