ព័ត៌មានអន្ដរជាតិ
បង្កើនសមត្ថភាពយោធា អាមេរិកនឹងកសាងមូលដ្ឋានទ័ពនៅកោះហ្គាំ និងអូស្ត្រាលី
មន្ទីរបញ្ចកោណនឹងផ្តោតលើការកសាងមូលដ្ឋានទ័ពនៅកោះហ្គាំ និងប្រទេសអូស្ត្រាលីដើម្បីត្រៀមកម្លាំងយោធាអាមេរិកឲ្យកាន់តែរឹងមាំប្រជែងនឹងប្រទេសចិន។ នេះបើតាមមន្ត្រីជាន់ខ្ពស់ក្រសួងការពារជាតិអាមេរិកបាននិយាយកាលពីថ្ងៃចន្ទ។
ផែនការនេះត្រូវបានជំរុញពីការត្រួតពិនិត្យឥរិយាបថសកលរបស់ក្រសួងការពារជាតិដែលលោកប្រធានាធិបតី ចូ បៃដិន បានបញ្ជារដ្ឋមន្ត្រីក្រសួងការពារជាតិលោក Lloyd Austin ត្រួតពិនិត្យ បន្ទាប់ពីចូលកាន់តំណែងកាលពីខែកុម្ភៈ។
លោក Austin បានចាប់ពិនិត្យមើលនូវឥរិយាបថជាសាកលរបស់ខ្លួននៅខែមីនា។ កាត្រួតពិនិត្យត្រូវបានបញ្ជាក់ ប៉ុន្តែមន្ត្រីជាន់ខ្ពស់ក្រសួងការពារជាតិមិនបានបង្ហាញព័ត៌មានលំអិតពីអ្វីដែលបានរកឃើញពីការត្រួតពិនិត្យនោះឡើយ។
លោកបណ្ឌិត Mara Karlin អនុរដ្ឋលេខាធិការទទួលបន្ទុកគោលនយោបាយបាននិយាយកាលពីថ្ងៃចន្ទថា ថ្មីៗនេះ លោក បៃដិន បានអនុម័យលើការរកឃើញ និងសេចក្តីណែនាំពីការត្រួតពិនិត្យជាសកលរបស់លោក Austin។
មន្ត្រីជាន់ខ្ពស់ក្រសួងការពារជាតិអាមេរិកនិយាយថា តំបន់ឥណ្ឌូ-ប៉ាស៊ីហ្វិកគឺជាការផ្តោតយកចិត្តទុកដាក់ធំ ដោយសារតែការសង្កត់ធ្ងន់របស់លោករដ្ឋមន្ត្រី Austin លើបញ្ហាប្រឈមកំពុងប្រកួតប្រជែងជាមួយប្រទេសចិន។
រដ្ឋបាលលោកប្រធានាធិបតី បៃដិន បានកំពុងប្រកួតប្រជែងនឹងចិនលើគោលនយោបាយការបរទេសជាអាទិភាព ដោយសារភាពតានតឹងបានកើនឡើងជាមួយក្រុងបេកាំង ជាពិសេសបញ្ហានៅកោះតៃវ៉ាន់ ហើយមន្ត្រីជាន់ខ្ពស់នៅមន្ទីរបញ្ចកោណបង្ហាញការព្រួយបារម្ភជាសាធារណៈអំពីការប្រឹងប្រែងធ្វើទំនើបកម្មយោធារបស់ចិន។
កាលពីខែមុន លោក Mark Milley មេបញ្ជាការនៃអគ្គសេនាធិការចម្រុះបាននិយាយថា ចិនបានធ្វើតេស្តមីស៊ីលល្បឿនលឿនជាងសំឡេងជោគជ័យ។
មន្ត្រីបាននិយាយថា ដើម្បីទប់ទល់នឹងចិន ការត្រួតពិនិត្យផ្ទាល់របស់ក្រសួងការពារជាតិអាមេរិកគឺដើម្បីបង្កើនហេដ្ឋារចនាសម្ព័ន្ធនៅកោះហ្គាំ និងអូស្ត្រាលី ហើយដាក់អាទិភាពលើការកសាងយោធាទូទាំងកោះប៉ាស៊ីហ្វិក ព្រមទាំងស្វែងរកធ្វើសកម្មភាពយោធានៅក្នុងតំបន់ឲ្យកាន់តែខ្លាំងក្លា៕
ប្រែសម្រួល៖ វីរបុត្រ
ប្រភព៖ CNN
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore