ព័ត៌មានអន្ដរជាតិ
មិនយូរមិនឆាប់ វីរុសកូវីដបំប្លែងខ្លួន Omicron នឹងចូលដល់ អាមេរិក
ប្រធានាធិបតីសហរដ្ឋអាមេរិកលោក ចូ បៃដិន កាលពីថ្ងៃចន្ទបាននិយាយនៅឯសេតវិមានថា មិនយូរមិនឆាប់វីរុសកូវីដបំប្លែងខ្លួន Omicron នឹងបង្ហាញខ្លួននៅក្នុងសហរដ្ឋអាមេរិក ។
លោកបាននិយាយថា “មិនយូរមិនឆាប់ យើងនឹងឃើញករណីនៃវីរុសថ្មីនេះនៅក្នុងសហរដ្ឋអាមេរិក ។ យើងនឹងត្រូវប្រឈមមុខនឹងការគំរាមកំហែងថ្មីនេះ ដូចដែលយើងប្រឈមមុខនឹងវីរុសដែលបានមកមុនវា” ។
លោក បៃដិន បាននិយាយថា វីរុសបំប្លែងខ្លួនថ្មី Omicron គឺជា “មូលហេតុគួរឲ្យព្រួយបារម្ភ មិនមែនជាមូលហេតុគួរឲ្យភ័យស្លន់ស្លោនោះទេ” ហើយលោកបានប្រាប់អ្នកយកព័ត៌មានថា ការបិទខ្ទប់ប្រទេសមិនមែនជាជម្រើសសម្រាប់យើងនាពេលនេះឡើយ ។
ចំណែកប្រធានធនាគារកណ្តាលលោក Jerome Powell បាននិយាយថា វីរុសបំប្លែងខ្លួន Omicron អាចពន្យឺតការស្ទុះងើបឡើងវិញនៃសេដ្ឋកិច្ច និងទីផ្សារការងាររបស់សហរដ្ឋអាមេរិក និងបង្កើនភាពមិនច្បាស់លាស់ទាក់ទងនឹងអតិផរណា ។
ទន្ទឹមនោះ មជ្ឈមណ្ឌលគ្រប់គ្រង និងបង្ការជំងឺរបស់សហរដ្ឋអាមេរិក (CDC) ក៏បានណែនាំឲ្យពលរដ្ឋចាក់វ៉ាក់សាំងដូសជំរុញផងដែរ ហើយបានប្រាប់មនុស្សពេញវ័យទាំងអស់គួរតែទទួលការចាក់ដូសជំរុញរយៈពេល ៦ ខែ បន្ទាប់ពីចាក់ដូសទី ២ ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ ដឹងអត់ វីរុសកូវីដបំប្លែងខ្លួនថ្មី Omicron ស្ថិតនៅលេខរៀងទីប៉ុន្មាន ក្នុងតួអក្សរក្រិក?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង