ព័ត៌មានអន្ដរជាតិ
អង់គ្លេស ទិញវ៉ាក់សាំងជាង ១០០លានដូសបន្ថែម ទុកចាក់ដូសទី៤ ទី៥ ដើម្បីប្រយុទ្ធជាមួយ Omicron
ប្រទេសអង់គ្លេស បានទិញវ៉ាក់សាំងការពារជំងឺកូវីដ១៩ចំនួន ១១៤លានដូសបន្ថែមទៀត យកមកចាក់ជាដូសទី៤ ឬដូសទី៥ ដើម្បីការពារប្រឆាំងនឹងវីរុសបំប្លែងខ្លួនថ្មីៗ។
វ៉ាក់សាំងបន្ថែមពីក្រុមហ៊ុន Moderna និង Pfizer នឹងត្រូវចែកចាយនៅឆ្នាំ ២០២២ និង ២០២៣ ដែលផ្តល់ឲ្យចក្រភពអង់គ្លេស នូវការផ្គត់ផ្គង់ថេរសម្រាប់រយៈពេលពីរឆ្នាំខាងមុខ។
នាយកដ្ឋានសុខាភិបាលបាននិយាយថា ពួកគេបានពន្លឿនការចុះហត្ថលេខាលើកិច្ចសន្យាថ្មី ស្របពេលមានការផ្ទុះឡើងនូវវីរុសកូវីដ១៩បំប្លែងខ្លួន Omicron ដែលទើបនឹងរកឃើញ។
ក្នុងកិច្ចព្រមព្រៀងនេះ ក្រុមហ៊ុន Moderna នឹងផ្គត់ផ្គង់វ៉ាក់សាំងចំនួន៦០លានដូសបន្ថែម ចំណែក Pfizer/BioNTech ចំនួន៥៤លានដូសបន្ថែម។
កិច្ចព្រមព្រៀងថ្មីដែលចរចាដោយក្រុមការងារវ៉ាក់សាំង របស់ចក្រភពអង់គ្លេសនេះ គឺធានានូវការទទួលបានវ៉ាក់សាំងជំនាន់ថ្មី ប្រសិនបើពួកគេត្រូវការដើម្បីប្រយុទ្ធប្រឆាំងនឹងវីរុស Omicron និងមេរោគគួរឲ្យព្រួយបារម្ភផ្សេងៗនាពេលអនាគត។
គួរបញ្ជាក់ថា ការប្រកាសនេះបានកើតឡើងស្របពេលដែលករណីនៃវីរុសបំប្លែងខ្លួន Omicron ថ្មីនៅក្នុងចក្រភពអង់គ្លេស បានកើនឡើងដល់៣២ករណីកាលពីថ្ងៃពុធ ខណៈទីភ្នាក់ងារសន្តិសុខសុខភាពចក្រភពអង់គ្លេស (UKHSA) បានបញ្ជាក់ថា មានករណីចំនួន៩ទៀតត្រូវបានរកឃើញនៅក្នុងប្រទេសអង់គ្លេស និងមួយករណីនៅក្នុងប្រទេសស្កុតឡែន៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ WHO និយាយប៉ុន្មានម៉ាត់នេះ ធ្វើឲ្យគ្រប់គ្នាធូរចិត្តបន្តិច អំពីវីរុសបំប្លែងខ្លួន Omicron
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)