ព័ត៌មានអន្ដរជាតិ
អ្នកឈឺ Omicron អាចឆ្លងវីរុសនេះឡើងវិញខ្លាំងជាងអ្នកឆ្លងកូវីដ ២.៤ដង
អ្នកឈឺវីរុសកូវីដ១៩បំប្លែងខ្លួនដ៏កាចសាហាវ Omicron ទំនងជានឹងឆ្លងវីរុសនេះឡើងវិញ ខ្លាំងជាងអ្នកឆ្លងមេរោគទម្រង់ដើមយ៉ាងហោចណាស់ ២.៤ ដង។ នេះបើយោងតាមទិន្នន័យជាក់ស្តែងលើកដំបូង ដែលចេញពីប្រទេសអាហ្វ្រិកខាងត្បូង។
ក្រុមអ្នកស្រាវជ្រាវរដ្ឋាភិបាលនិយាយថា មានការឆ្លងឡើងវិញចំនួន៣៥,៦៧០ករណី ចាប់តាំងពីជំងឺរាតត្បាតផ្ទុះឡើង ហើយហានិភ័យនៃការឆ្លងឡើងវិញបានធ្លាក់ចុះមកត្រឹម ០,៧ ក្នុងអំឡុងរលកទីពីរ ដែលជំរុញដោយវីរុសបំប្លែងខ្លួន Beta កាលពីរដូវរងាឆ្នាំមុន និងការកើនឡើងនៃវីរុសបំប្លែងខ្លួន Delta នៅរដូវក្តៅនេះ បើប្រៀបធៀបទៅនឹងរលកទីមួយ។
ប៉ុន្តែហានិភ័យនៃការឆ្លងមេរោគម្តងទៀត បានកើនឡើងជាលើកដំបូងពោលគឺលោតដល់ ២.៤ ដង។
យោងតាមអ្នកវិទ្យាសាស្ត្រមកពីសាកលវិទ្យាល័យ Stellenbosch ជិតទីក្រុង Cape Town, ការស្រាវជ្រាវបង្ហាញថា វីរុសបំប្លែងខ្លួន Omicron អាចគេចផុតពីការការពារ ដែលមនុស្សមានពីការឆ្លងពីមុន មិនដូចប្រភេទ Beta និង Delta ដែលត្រូវបានបង្ក្រាបដោយប្រព័ន្ធភាពស៊ាំពីធម្មជាតិនោះទេ។
ពួកគេនិយាយថា ទិន្នន័យនេះមានផលប៉ះពាល់សុខភាពសាធារណៈសំខាន់ៗ ជាពិសេសនៅក្នុងប្រទេសដែលពីមុនមានអត្រាឆ្លងខ្ពស់។
ព័ត៌មាននេះកើតឡើងបន្ទាប់ពីទិន្នន័យពីវិទ្យាស្ថានជាតិសម្រាប់ជំងឺឆ្លង (NICD) បានបង្ហាញថា ករណីកូវីដថ្មីចំនួន ១១,៥៣៥ ត្រូវបានកត់ត្រាក្នុងរយៈពេល ២៤ម៉ោងចុងក្រោយ ដែលជាការកើនឡើង ៣៦៨ភាគរយបើធៀបនឹងថ្ងៃព្រហស្បតិ៍មុន នៅពេលការឆ្លងថ្មីចំនួន ២,៤៦៥ ត្រូវបានកត់ត្រា។
ទន្ទឹមនឹងនេះ ការចូលមន្ទីរពេទ្យបានកើនឡើងជិតបីដងក្នុងមួយសប្តាហ៍ ប៉ុន្តែការស្លាប់បានធ្លាក់ចុះ ៦៤ ភាគរយ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ក្រុមហ៊ុនមួយទៀត អះអាងថា ថ្នាំរបស់ខ្លួន អាចយកឈ្នះ Omicron បាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ