ជនស៊ីវិល ១៤នាក់ ត្រូវបានសម្លាប់ដោយកងកម្លាំង ឥណ្ឌា ដោយសារច្រឡំថា​ ជាក្រុមឧទ្ទាម
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ជនស៊ីវិល ១៤នាក់ ត្រូវបានសម្លាប់ដោយកងកម្លាំង ឥណ្ឌា ដោយសារច្រឡំថា​ ជាក្រុមឧទ្ទាម

បានផុស

នៅ

មន្ត្រីរដ្ឋាភិបាល និងយោធាបាននិយាយនៅ​​ ថ្ងៃនេះថា យ៉ាងហោចណាស់ជនស៊ីវិលកុលសម្ព័ន្ធ ១៤ នាក់ និងបុគ្គលិកសន្តិសុខម្នាក់ ត្រូវបាន​សម្លាប់​ដោយ​ច្រឡំ នៅ ពេលដែលកងកម្លាំងឥណ្ឌា​ បានបើកការបាញ់​ប្រហារ​​មិន​រើស​មុខ​ នៅ ក្នុងរដ្ឋ Nagaland ភាគ​ឦសាន​ដាច់​ស្រយាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រី​ក្រសួង​មហាផ្ទៃ​ឥណ្ឌា លោក Amit Shah បាននិយាយថា លោក “មានការ​សោកស្ដាយ” ចំពោះ​ព័ត៌មាន​នៃ​ជន​ស៊ីវិលត្រូវ​បាន​សម្លាប់​នៅ​ក្នុង​ឧប្បត្តិហេតុ​កាល​ពី​យប់​ថ្ងៃ​សៅ រ៍។

នាយករដ្ឋមន្ត្រី​ទីក្រុង Nagaland លោក Neiphiu Rio បានប្រាប់រ៉យទ័រថា ការស៊ើបអង្កេត​នឹង​ត្រូវ​បាន​ធ្វើ​ឡើង ហើយ​អ្នក​ទោស​ត្រូវទទួលទោស នៅ ក្នុងឧបទ្ទវហេតុ​នេះ ដែល​លោកចាត់ទុកថា​ជា​ការ​បរាជ័យ​ផ្នែក​ចារកម្ម។

មន្ត្រីប៉ូលិសជាន់ខ្ពស់ម្នាក់​ដែលមានមូលដ្ឋាននៅ ទីក្រុង Nagaland បាននិយាយថា ឧបទ្ទវហេតុ​នេះ​បាន​កើត​ឡើង​នៅក្នុងនិងជុំវិញភូមិ Oting ក្នុងស្រុក Mon ជាប់ព្រំដែនមីយ៉ាន់ម៉ា ក្នុង​អំឡុង​ប្រតិបត្តិការ​ប្រឆាំង​ការ​បះបោរ​ដែល​ធ្វើឡើង​ដោយ​សមាជិក​នៃ Assam Rifles ដែល​ជា​ផ្នែក​មួយ​នៃ​កងកម្លាំង​សន្តិសុខ​ឥណ្ឌា​ដែល​ដាក់​ពង្រាយ​នៅ​ ក្នុងរដ្ឋ។

មន្ត្រី​ប៉ូលិស​ជាន់ខ្ពស់​បាន​ប្រាប់​រ៉យទ័រ​ដោយ​សុំ​មិន​បញ្ចេញ​ឈ្មោះ​ថា “ទាហាន​មាន​ព័ត៌មាន​សម្ងាត់​អំពី​ចលនា​សកម្ម​ប្រយុទ្ធ​នៅ​ក្នុង​តំបន់ ហើយពេលឃើញឡានដឹកទំនិញ ពួកគេបាន​ច្រឡំ​កម្មករ​អណ្ដូង​រ៉ែ​ថា​ជា​ពួក​ឧទ្ទាម ហើយ​បាន​បាញ់​សម្លាប់​កម្មករ ៦នាក់” ។

លោក​បាន​និយាយ​ថា “បន្ទាប់ពី​ព័ត៌មាននៃការបាញ់ប្រហាររីករាលដាលនៅ ក្នុងភូមិ ប្រជាជន​កុល​សម្ព័ន្ធ​រាប់​រយ​នាក់ ​បាន​ឡោម​ព័ទ្ធ​ជំរំ​ដោយ​កំហឹង​។ ពួកគេបាន​ដុត​រថយន្ត Assam Rifles និងបាន​ប៉ះទង្គិច​ជាមួយ​ទាហាន​ដោយ​ប្រើ​អាវុធ” ។

គួរ​បញ្ជាក់​ថា​ ក្នុង​ប៉ុន្មាន​ឆ្នាំ​ថ្មីៗ​នេះ ឥណ្ឌា​បាន​ព្យាយាម​បញ្ចុះ​បញ្ចូល​មីយ៉ាន់ម៉ា​ ឲ្យ​បណ្ដេញ​ពួក​ឧទ្ទាម​ចេញ​ពី​មូលដ្ឋាន​នៅ​ក្នុង​ព្រៃ​ក្រាស់​ នៃ​តំបន់​ដែល​មាន​ព្រំប្រទល់​ជាប់ Nagaland, Manipur និង Arunachal Pradesh ៕

ប្រែសម្រួល៖ សាង ស្រីល័ក្ខ

ប្រភព៖Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

កម្ពុជា​សម្តែង​ការព្រួយបារម្ភ​យ៉ាងខ្លាំង​ចំពោះ​ការប៉ះទង្គិច​ប្រដាប់អាវុធ​ដ៏​ធ្ងន់ធ្ងរ​នៅ​មី​យ៉ាន់​ម៉ា​

ព័ត៌មានជាតិ១៨ នាទី មុន

៣០​ឆ្នាំនេះ​ធនាគារ​អេស៊ីលីដា​បាន​ឈរជើង​យ៉ាងរឹងមាំ​ក្នុង​វិស័យ ធនាគារ​និង​ហិរញ្ញវត្ថុ​នៅ​កម្ពុជា​

ជំនឿ៣ ម៉ោង មុន

ទម្រង់ច្រមុះ ៣ប្រភេទ ចាស់ពីដើមចាត់ទុកជាមនុស្សមានបុណ្យវាសនាល្អ

នយោបាយ៣ ម៉ោង មុន

ព្រះអង្គម្ចាស់ នរោត្តម ចក្រាវុធ អំពាវនាវ​ឱ្យ​ថ្នាក់ដឹកនាំ​បន្ត​ខិតខំ ដើម្បី​ឲ្យ​បក្ស​រាជានិយម​នេះ មាន​សម្លេង​ឡើងវិញ

ជីវិតកម្សាន្ដ៤ ម៉ោង មុន

ម៉ា ដូ​ណា ហួសចិត្ត​លើ​ការ​ផ្សព្វផ្សាយ​មួយចំនួន​ដែល​បំផ្លើស​ផ្ទុយ​ការពិត

Sokha Hotels

ព័ត៌មានពេញនិយម

Helistar Cambodia - Helicopter Charter Services