ព័ត៌មានអន្ដរជាតិ
ចិន កំពុងក្លាយជា គូប្រជែងមានកម្លាំងស្មើអាមេរិក ហើយផលិតក្បាលគ្រាប់នុយក្លេអ៊ែររាប់ពាន់ ត្រឹមឆ្នាំ២០៣០
រដ្ឋមន្ត្រីក្រសួងការពារជាតិអាមេរិក លោក Lloyd Austin បានព្រមានកាលពីថ្ងៃសៅរ៍ថា យោធារបស់ប្រទេសចិន កំពុងក្លាយទៅជា “គូប្រកួតប្រជែងមានកម្លាំងស្មើ” ជាមួយកងកម្លាំងប្រដាប់អាវុធរបស់សហរដ្ឋអាមេរិក ខណៈប្រទេសនេះ ឈានទៅរកការផលិតក្បាលគ្រាប់នុយក្លេអ៊ែររាប់ពាន់គ្រាប់ក្នុងល្បឿនដ៏លឿន នៅត្រឹមចុងទសវត្សរ៍នេះ។
ទោះបីជាយ៉ាងណាក៏ដោយ លោកក៏បាននិយាយសម្រាលស្ថានការណ៍អំពីលទ្ធភាពនៃសង្រ្គាមត្រជាក់ថ្មីផងដែរ ហើយបានសង្កត់ធ្ងន់លើផ្នែកការទូត និងការកំញើញ ថាជាយុទ្ធសាស្ត្ររបស់សហរដ្ឋអាមេរិក ដើម្បីប្រកួតប្រជែងជាមួយនឹងមហាអំណាចសេដ្ឋកិច្ចដែលកំពុងបង្កើនកម្លាំង។
ថ្លែងនៅឯវេទិកាការពារជាតិ Reagan ក្នុងរដ្ឋកាលីហ្វ័រញ៉ា, ប្រធានមន្ទីរបញ្ចកោណរូបនេះបាននិយាយដោយសំដៅលើយោធាចិនថា “យើងបានមើលឃើញរយៈពេលពីរទសវត្សរ៍ នៃការធ្វើទំនើបកម្ម ដោយកងទ័ពរំដោះប្រជាជន។ ហើយយោធាចិនកំពុងឈានទៅមុខ ដើម្បីក្លាយជាដៃគូប្រកួតប្រជែងដែលមានកម្លាំងស្មើសហរដ្ឋអាមេរិកក្នុងតំបន់អាស៊ី ហើយនៅទីបំផុតគឺនៅជុំវិញពិភពលោក”។
បន្ថែមពីលើការកសាងឃ្លាំងអាវុធនុយក្លេអ៊ែរ លោក Austin បាននិយាយថា ប្រទេសចិនក៏កំពុងធ្វើឲ្យមានភាពជឿនលឿនយ៉ាងឆាប់រហ័សនៅក្នុងលំហអាកាស និងអ៊ីនធើណិតផងដែរ។
លោក Austin បន្តថា “ឥឡូវនេះ យើងតែងតែវាយតម្លៃ មិនត្រឹមតែសមត្ថភាពប៉ុណ្ណោះទេ ប៉ុន្តែក៏លើចេតនា និងសកម្មភាពផងដែរ។ ហើយមេដឹកនាំគណបក្សកុម្មុយនិស្តចិន បានបញ្ចេញសំឡេងកាន់តែខ្លាំងឡើងអំពីការមិនពេញចិត្តរបស់ពួកគេ ចំពោះបទបញ្ជាដែលកំពុងមាន និងអំពីគោលបំណងរបស់ពួកគេ ក្នុងការបណ្តេញអាមេរិកចេញពីតួនាទីដឹកនាំសកល”។
ស្របពេលជាមួយគ្នានោះដែរ លោក Austin បានចោទប្រកាន់ទីក្រុងប៉េកាំងថា កំពុងប្រើប្រាស់បច្ចេកវិទ្យាខុស ដើម្បីជំរុញរបៀបវារៈនៃការគាបសង្កត់របស់ខ្លួននៅក្នុងប្រទេស និងនាំចេញឧបករណ៍លទ្ធិប្រជាធិបតេយ្យទៅបរទេស។
អ្នកជំនាញការពារជាតិជាសាកលបានសម្តែងការព្រួយបារម្ភ ចំពោះការពង្រីកយោធារបស់ចិន និងរុស្ស៊ីក្នុងអត្រាមួយដែលគេមិនធ្លាប់ឃើញ ចាប់តាំងពីចុងបញ្ចប់នៃសង្គ្រាមលោកលើកទី២មក ដែលជំរុញឲ្យអ្នកខ្លះសន្មត់ថា ពិភពលោកកំពុងស្ថិតក្នុងដំណាក់កាលចាប់ផ្តើមនៃសង្រ្គាមត្រជាក់ថ្មីមួយ៕
ប្រែសម្រួល៖ Vann Vann
ប្រភព៖ Daily Mail
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)