ព័ត៌មានអន្ដរជាតិ
អ្នកជំនាញថា ជំងឺឆ្លងបន្ទាប់អាចសម្លាប់មនុស្សសាហាវជាងកូវីដ
ជំងឺឆ្លងរាតត្បាតនាពេលអនាគតអាចសម្លាប់មនុស្សសាហាវជាងជំងឺកូវីដ-១៩ទៀត ដូច្នេះមេរៀនពីរបៀបទប់ស្កាត់មិនត្រូវបែកខ្ញែកគ្នានោះទេ ហើយពិភពលោកគួរធានាថា ត្រូវតែត្រៀមខ្លួនឲ្យរួចរាល់សម្រាប់ជំងឺឆ្លងរាតត្បាតបន្ទាប់។ នេះជាការលើកឡើងពីអ្នកផលិតវ៉ាក់សាំង Oxford-AstraZeneca ។
យោងតាមទិន្នន័យពីសាកលវិទ្យាល័យ Johns Hopkins បានឲ្យដឹងថា ជំងឺកូវីដ-១៩បានសម្លាប់មនុស្សជាង៥.២៦លាននាក់ទូទាំងពិភពលោក និងបានធ្វើឲ្យសេដ្ឋកិច្ចដុនដាបយ៉ាងខ្លាំង ហើយជីវិតរស់នៅរបស់មនុស្សរាប់លាននាក់វេទនា។
អ្នកស្រី Sarah Gilbert អ្នកឯកទេសវ៉ាក់សាំងបាននិយាយថា ៖«ការពិតគឺថា ជំងឺឆ្លងរាតត្បាតបន្ទាប់អាចនឹងអាក្រក់ជាងបច្ចុប្បន្ន។ វាអាចឆ្លងកាន់តែសាហាវ ឬសម្លាប់មនុស្សកាន់តែអាក្រក់ ឬក៏ទាំងឆ្លង និងសម្លាប់មនុស្សកាន់តែធ្ងន់ធ្ងរ។ នេះមិនមែនជាវីរុសចុងក្រោយដែលគំរាមកំហែងអាយុជីវិត និងការរស់នៅរបស់យើងនោះទេ»។
អ្នកស្រី Gilbert ជាសាស្ត្រាឯកទេសវ៉ាក់សាំងនៅសាកលវិទ្យាល័យ Oxford បាននិយាយថា ពិភពលោកអាចទប់ស្កាត់បានល្អ ប្រសិនបើបានត្រៀមខ្លួនល្អប្រសើរសម្រាប់ជំងឺឆ្លងរាតត្បាតបន្ទាប់។
អ្នកស្រីមានប្រសាសន៍ថា ៖«ការត្រៀមខ្លួនដែលយើងបានធ្វើ និងបទពិសោធដែលយើងបានឆ្លងកាត់ នោះនឹងមិនធ្វើឲ្យយើងបរាជ័យទេ»។
អ្នកជំនាញសុខភាពបាននិយាយថា កិច្ចខិតខំប្រឹងប្រែងដើម្បីបញ្ចប់ជំងឺកូវីដ-១៩មានភាពមិនស្មើគ្នា និងបែកបាក់ពោលគឺការទទួលបានវ៉ាក់សាំងមានកំណត់ចំពោះប្រទេសមានប្រាក់ចំណូលទាប ខណៈប្រទេសអ្នកមានកាន់តែទទួលបានវ៉ាក់សាំងច្រើនតាមអ្វីដែលចង់បាន។
ក្រុមអ្នកជំនាញសុភាពដែលត្រូវបានបង្កើតឡើងដោយអង្គការសុខភាពពិភពលោកដើម្បីពិនិត្យមើលពីរបៀបទប់ស្កាត់ជំងឺកូវីដ-១៩បានអំពានាវឲ្យមានមូលនិធិអចិន្ត្រៃយ៍ និងសមត្ថភាពកាន់តែល្អដើម្បីស៊ើបអង្កេតជំងឺឆ្លងតាមរយៈសន្ធិសញ្ញាថ្មី។
សំណើរមួយគឺសម្រាប់ផ្តល់ហិរញ្ញប្បទានហោចណាស់១០ប៊ីលានដុល្លារអាមេរិកក្នុងមួយឆ្នាំសម្រាប់ត្រៀមជំងឺឆ្លងរាតត្បាត៕
ប្រែសម្រួល៖ វីរបុត្រ
ប្រភព៖ reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ