ព័ត៌មានអន្ដរជាតិ

អ្នកវិទ្យាសាស្ត្រកំពូលអាមេរិកបញ្ជាក់ថា ស្ទើរតែច្បាស់ Omicron មិនឈឺធ្ងន់ធ្ងរជាង Delta ទេ

បានផុស

២ years មុន

នៅ

ថ្ងៃពុធ ៨ ធ្នូ ២០២១

ដោយ

អ្នកវិទ្យាសាស្ត្រកំពូលរបស់សហរដ្ឋអាមេរិក លោក Anthony Fauci បាននិយាយនៅថ្ងៃអង្គារ៍ម្សិលមិញថា ការបង្ហាញបឋមឃើញពីវីរុសកូវីដ-១៩បំប្លែងខ្លួនថ្មី Omicron មិនធ្វើឲ្យឈឺធ្ងន់ធ្ងរជាងវីរុសមុនៗទេ ហើយប្រហែលជាស្រាលជាង ប៉ុន្តែកំពុងមានការប្រុងប្រយ័ត្នដោយសារត្រូវការពេលច្រើនទៀតដើម្បីសិក្សាវាយតម្លៃ។

និយាយទៅកាន់ទីភ្នាក់ងារសារព័ត៌មាន AFP ប្រធានទីប្រឹក្សាវេជ្ជសាស្ត្ររបស់លោកប្រធានាធិបតីសហរដ្ឋអាមេរិក ចូ បៃដិន បានទម្លាយអំពីអ្វីដែលបានដឹង និងអ្វីដែលមិនទាន់ដឹងពីវីរុស Omicron ជា៣ផ្នែក៣ធំគឺ ទី១ ភាពងាយចម្លង ទី២របៀបដែលវាគេចផុតពីវ៉ាក់សាំង និងប្រសិទ្ធភាពវ៉ាក់សាំងប្រឆាំងនឹងវា និងទី៣ ភាពឈឺធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Fauci បានលើកឡោះងថា វីរុសបំប្លែងខ្លួនថ្មីនេះអាចចម្លងបានខ្ពស់ដែលទំនងជាខ្លាំងជាង Delta ដែលជាវីរុសកំពុងរាតត្បាតខ្លាំងជាសកល។ ការប្រមូលទិន្នន័យទូទាំងពិភពលោកអំពីការឆ្លងឡើងវិញបង្ហាញថាមានវីរុស Omicron ខ្ពស់ជាងគេ។

អគ្គនាយកវិទ្យាស្ថានជាតិនៃអាឡែរហ្សី និងជំងឺឆ្លង (NIAID) ដ៏យូរ លោក Fauci បាននិយាយថា លទ្ធផលពីការធ្វើពិសោធអំពីប្រសិទ្ធភាពអង់ទីគ័ររបស់វ៉ាក់សាំងនឹង Omicron គួរតែទទួលបានក្នុងរង្វង់ពីរបីថ្ងៃទៅមួយសប្តាហ៍ខាងមុខ។

លោកបញ្ជាក់ថា អំពីបញ្ហាធ្វើឲ្យឈឺធ្ងន់ធ្ងរវិញ « Omicron ស្ទើរតែច្បាស់ណាស់គឺមិនធ្ងន់ធ្ងរជាង Delta ឡើយ»។

«មានការបង្ហាញខ្លះថា វាមិនបណ្តាលឲ្យឈឺធ្ងន់ធ្ងរទេ ពីព្រោះនៅពេលយើងមើលទៅអាហ្វ្រិកខាងត្បូងដែលជាកន្លែងរកឃើញដំបូង និងឆ្លងជាងគេ ចំនួនឆ្លង និងចំនួនចូលមន្ទីរពេទ្យហាក់ដូចជាតិចជាងវីរុស Delta»។ លោកបានបញ្ជាក់បន្ថែម៕

ប្រែសម្រួល៖ វីរបុត្រ
ប្រភព៖ AFP

Related Topics:វីរុសបំប្លែងខ្លួន